Vagalatiya 1:7 - Testamente Leyimpsha Xichangana

⁷ Kasi Evhangeli yin'wana ayikona. Nihlaya lesvi hikuva ku ni van'wana lava vamipfilunganyisaka tinhloko, lavaringetaka kujikisa Evhangeli ya Kriste.

BIBELE Mahungu Lamanene

⁷ Kasi Evhangeli yin'wana ku hava. Ndzi vula leswi hikuva ku na van'wana lava va mi pfilunganyisaka tinhloko, lava ringetaka ku soholota Evhangeli ya Kriste.

Xitsonga (Bibele)

⁷ swi nga ri leswaku yin'wana yi kona, kambe vanhu va kona lava mi pfilunganyaka, lava rhandzaka ku soholota Evhangeli ya Kriste.

Vagalatiya 1:7 Referans Kwoze

Timhaka 15:24

“Hitwile lesvaku van'wana lavahumaka ka hina vamitshukisile hi kuvulavula ka vona, vamikanakanisa mimoyeni ya n'wina; kasi ahingava leletanga nchumu;

Vagalatiya 5:10

Mina ni ni kutshemba ka lesvaku, lesvi hinga va Hosi hinkwerhu, amingavi ni miyanakanyu yohambana ni ya mina, ni lesvaku lweyi amipfilunganyisaka, atakuma kuyavanyisiwa ka yena, hambi angava mani na mani.

2 Vakorinto 11:13

Vanhu lavotano, i vapostola va mavunhwa, i vatirhi lavaxisaka, lavatiyendlaka onge i vapostola va Kriste.

Vagalatiya 5:12

Asvitava svona loko vanhu lava vamipfilunganyisaka, vangayimi kolaho, kambe vatitshena xikan'we.

2 Vakorinto 2:17

Hikuva ahifani ni lavotala, lavayendlaka bindzu leri ra kubiha hi Rito ra Xikwembu; kambe hivulavula kufana ni vanhu va timbilu ta kutenga, kufana ni lavarhumiweke hi Xikwembu; hivulavula mahlweni ka Xikwembu na hili va ka Kriste.

Nhlavutelo 20:3

Yirihoxa kheleni, yipfala, yilema ndzeni, yiveka ni mfungu lesvaku ringahayi mahlweni hi kukanganyisa vanhu vamatiko, kukondza kuhundza malembe ya khulu (1 000). Ndzhaku ka svona, rifanela kutshunxiwa nkarhinyana.

2 Yohane 1:10

Loko munhu wokarhi ata ka n'wina, kambe angatisi jondzo leyi, mingatshukeni mimuyamukela mintini ya n'wina, nasvona mingatshukeni mimuxeweta.

1 Yohane 4:1

Varhandziwa, mingapfumeleni ka mimoya hinkwayu, kambe kambisisani mimoya kutiva lesvaku hakunene i ya Xikwembu; hikuva vaprofeta va mavunhwa vahangalakile misaveni.

Nhlavutelo 19:20

Xivandzana xikhomiwa, kukhomiwa ni muprofeta wa mavunhwa lweyi aayendla masingita mahlweni ka xona hi masingita lawa, aaxisa lava avali ni mfungu wa xivandzana ni lava avagandzela xifaniso xa xona. Kutani xivandzana ni muprofeta wa mavunhwa vahoxiwa svin'we na vahahanya tiveni ra ndzilo lowupfurhaka na wuli ni xivavula.

Nhlavutelo 13:14

Kutani hi masingita lawa xipfumeleliwaka kumayendla mahlweni ka xivandzana lexorhanga, xikanganyisa vayaki va misava, xivabzela kuyendla xifaniso vayendlela xivandzana lexi axitsemiwile hi banga kambe xiya mahlweni xihanya.

Nhlavutelo 12:9

Hi loko dragona lerikulu ricukumetiwa riyawela hansi, rona nyoka ya khale leyivuliwaka Diyavulosi kumbe Sathana, Mukanganyisi wa misava hinkwayu; ricukumetiwa riyawela hansi misaveni, tintsumi ta rona na tona ticukumetiwa kun'we na rona.

Nhlavutelo 2:20

Kambe ku ni lexi univilelisaka hi xona: Hi lesvaku utshika Jezabele, wansati lweyi ativulaka muprofeta, aya mahlweni ni mintirho ya yena, kasi ajondzisa ni kukanganyisa malandza ya mina kuyendla vuwosvi ni kuja svakuja lesvihumeseliweke svikwembu sva hava.

Nhlavutelo 2:6

Hambi svilitano, lesvinene lesvi unga na svona hi lesvi: Uvenga mintirho ya Vanikolayiti, leyi na mina niyivengaka.

Nhlavutelo 2:2

Nitiva mintirho ya wena, ni kutikarhata ka wena, ni kutiyisela ka wena. Nitiva lesvaku awukoti kutwanana ni vanhu lavohomboloka; nasvona uxiyaxiyile svinene lavativulaka vapostola, na vangali vona, kutani usvivonile lesvaku vahemba.

Yuda 1:4

Hikuva vanhu van'wana vangungumelile vanghena xikarhi ka hina; kuyavanyisiwa ka vona kulungisiwe khale. I vanhu lavangaliki na mhaka ni vukhongeli; vahundzula timpsalu ta Xikwembu xa hina, vayendla sva manyala ha tona, nasvona valandzula Yesu Kriste, yena N'winyi wa hinkwasvu ni Hosi ya hina.

2 Yohane 1:7

Hikuva vakanganyisi lava votala se vanghenile misaveni, lava vangapfumeliki lesvaku Yesu Kriste atile tani hi munhu. Lweyi avulaka svosvo i mukanganyisi nasvona i Antikriste.

1 Yohane 2:26

Nimitsalela svilo lesvi hinkwasvu hikolaho ka lava vamikanganyisaka.

2 Timotiya 2:18

lavatshikeke ntiyiso, hi kuvula lesvaku sva kupfuka kufeni svihundzeliwe hi nkama, kutani vahambukisa van'wana kupfumeleni.

Vagalatiya 6:17

Kusukela svosvi, aningahakarhatiwi hi munhu hikuva svivati lesvi ninga na svona mirini, i mfungu wa lesvaku ni xikarawa xa Yesu.

Vagalatiya 4:17

Vanhu lavaya van'wana vatikarhatela n'wina, kambe ava na moya lowunene; valava ntsena kumihambanisa na mina, lesvaku mitatikarhatela vona.

Vagalatiya 2:4

Mhaka yipfuxiwile hikolaho ka vanhu van'wana lavatiyendlaka vakriste, vangalava ngheneke xikarhi ka hina hi kukanganyisa, valava kuvona kutshunxeka loku hinga nakona ka Yesu Kriste; avalava kuhiyendla svikarawa;

2 Vakorinto 4:2

Hitshikile mintirho hinkwayu ya munyama ni ya tingana; ahihanyi hi kukanganyisa vanhu; ahihambukisi Rito ra Xikwembu; kambe hihumelelisa ntiyiso rivaleni, kutani hitikomba na hili lavakhensekaka aripfalwini ra mun'wana ni mun'wana, ni le mahlweni ka Xikwembu.

Timhaka 20:30

na svona, nitiva lesvaku kutahuma van'wana xikarhi ka n'wina lavangatahlaya mavunhwa kutilavela vajondzisiwa.

Timhaka 13:10

“Wena n'wana Sathana, lweyi ateleke hi kukanganyisa hinkwaku ni kubiha hinkwaku, wena nala wa hinkwasvu lesvilulameke, xana utatshika rini kuhingakanya tindlela letolulama ta Hosi ke?

Matewu 24:24

Hikuva kutahumelela va kriste va mavunhwa, ni vaprofeta va mavunhwa, vatayendla mahlori lamakulu ni svihlamaliso, kukanganyisa hambi valivona vahlawuliwa va Xikwembu, loko svikoteka.

Vagalatiya 1:6

Manihlamalisa: Hi nkamanyana wutsongo, mifularhele lweyi amivitaneke hi timpsalu ta Kriste, kutani mitsutsumela ka evhangeli yin'wana.