Vagalatiya 1:4 - Testamente Leyimpsha Xichangana

⁴ yena lweyi atinyiketeke hikolaho ka svijoho sva hina, lesvaku atahiponisa ka nguva leyobiha ya masiku lawa. Ayendle svosvo hi kuyingisa kurhandza ka Xikwembu Tatana wa hina;

BIBELE Mahungu Lamanene

⁴ yena loyi a tinyiketeke hikwalaho ka swidyoho swa hina, leswaku a ta hi kutsula eka nguva leyo biha ya masiku lawa. Ú endle sweswo hi ku yingisa ku rhandza ka Xikwembu Tata wa hina;

Xitsonga (Bibele)

⁴ la tinyiketeke hikwalaho ka ku dyoha ka hina, a ta hi simula emisaveni ya sweswi, leyo biha, hi ku rhandza ka Xikwembu la nga Tata wa hina;

Vagalatiya 1:4 Referans Kwoze

Matewu 20:28

tani hi lesvi N'wana-wa-Munhu angatelangiki kutirheliwa, kambe kutirhela van'wana ni kunyiketa vutomi bza yena kuponisa lavotala.”

Varhoma 4:25

Hi yena Yesu lweyi anganyiketiwa lesvaku adlayiwa hikolaho ka milandzu ya hina, atlhela apfuxiwa kufeni lesvaku hi ta tshunxiwa ka yona.

Vagalatiya 2:20

hi kolaho, angahali mina lweyi ahanyaka, kambe i Kriste lweyi ahanyaka ka mina. Svosvi, loko nihanya mirini, nihanya hi kupfumela, kunga kupfumela ka N'wana wa Xikwembu lweyi anirhandzeke, ava atinyiketa hikolaho ka mina.

1 Petro 2:24

Yena hi yexe, arhwele svijoho sva hina mirini wa yena le xihambanwini, lesvaku na hina hifa hi tlhelo ra kujoha, hihanyela kululama. Miholisiwile hi svilondza sva yena.

Tito 2:14

Hi yena lweyi atinyiketeke hikolaho ka hina, lesvaku ahikutsula kuhombolokeni hinkwaku, ahiyendla vanhu lavatengeke, lava vanga va yena ntsena, ni lava vachivirikelaka kuyendla lesvinene.

2 Vakorinto 4:4

Xikwembu xa misava leyi xipfalile miyehleketo ya vanhu lava vangapfumeliki; xivasive mahlo lesvaku vangavoni kuvonakala ka Evhangeli leyi yitwalisaka kukwetsima ka Kriste, yena lweyi anga xifaniso xa Xikwembu.

1 Timotiya 2:6

lweyi atinyiketeke kuva muponisi wa vanhu hinkwavu; hi bzona vumboni bza makungu ya Xikwembu, lebzingahumelela hi nkama lowufanekelaka.

Vaefesa 2:2

Minkameni yoleyo, amihanya ka svona, loko mahalandza svihena lesvobiha sva misava leyi. Amili hansi ka hosana leyifumaka mimoya ya le henhla mpfhukeni, wunga moya lowutirhaka ni svosvi xikarhi ka vanhu lavangayingisiki Xikwembu.

1 Vatesalonika 3:13

hi ndlela yoleyo, yitatiyisa timbilu ta n'wina, kutani mitapfumala xisolo, miva lavahlawulekeke mahlweni ka Xikwembu Tatana wa hina, siku leri Hosi ya hina Yesu angatavuya hi rona, svin'we ni vahlawuliwa va yena hinkwavu.

Varhoma 12:2

Mingalandzeni hanyela ra nguva leyi, kambe mipfumela kuhundzuka miva vampsha kupimiseni ka n'wina, mitakota kutwisisa lesvi kurhandza lokunene ka Xikwembu, lokukhensekaka ni kuhetiseka, kunga svona.

Vafilipiya 4:20

Ka Xikwembu Tatana wa hina, akuve kudzuneka hi masiku ni masiku! Amen!

Vaefesa 5:2

Hanyani hi moya wa rirhandzu, tani hi Kriste lweyi ahirhandzeke ni kutinyiketa hikolaho ka hina ahumesela Xikwembu nyiko ni mhamba ya risima, leyi yixitsakisaka.

Nhlavutelo 1:5

ni le ka Yesu Kriste, mboni leyotshembeka, mativula ya lavafeke ni mufumi wa tihosi ta misava. Ka lweyi ahirhandzaka, lweyi ahitshunxeke svijohweni sva hina hi ngati ya yena,

Nhlavutelo 5:9

Vayimbelela risimu lerimpsha vaku: “Afanekeliwa hi kuteka buku ni kupfula mimfungu ya yona, hikuva aadlayiwile, kutani hi ngati ya yena, axavile vanhu avaxavela Xikwembu, vahuma tinxakeni hinkwatu, na vali va tindzimi hinkwatu ni svib'ongo hinkwasvu ni va matiko hinkwawu.”

1 Yohane 3:16

Hitiva rirhandzu lesvi ringa svona loko hitiva yena lweyi anyiketeke vutomi bza yena hikolaho ka hina. Xilesvo na hina hifanela kunyiketa vutomi bza hina ka vamakwerhu.

1 Yohane 2:2

Hi yena mhamba hikolaho ka svijoho sva hina, svingali sva hina ntsena, kambe na svona sva misava hinkwayu.

1 Petro 3:18

Kriste na yena afele svijoho kan'we, afela n'wina; yena munhu lowolulama afele lavangalulamangiki, lesvaku atamifikisa ka Xikwembu; adlayiwile hi tlhelo ra miri, kambe ayendliwile lweyi ahanyaka hi tlhelo ra moya.

Yakobo 4:4

N'wina vanhu va vuwosvi, xana amisvitivi lesvaku kurhandza sva misava svivula kulwa na Xikwembu xana? Hikolaho, lweyi atinyiketaka kurhandzeni ka sva misava, atiyendla nala wa Xikwembu.

Vaheveru 6:5

lavanganampsa kunandziha ka Rito ra Xikwembu ni matimba ya sva minkarhi leyitaka,

2 Vatesalonika 2:16

Svosvi-ke, ingi Hosi ya hina Yesu Kriste hi yoxe, ni Xikwembu Tatana wa hina lweyi angahirhandza, lweyi angahinyika, hi timpsalu ta yena, kuchavelela lokungaheliki ni kulangutela lokunene,

Yohane 12:31

Misava leyi svosvi yikarhi yiyavanyisiwa, kutani hosana ya misava leyi atahlongoliwa svosvi.

Matewu 26:28

hikuva leyi i ngati ya mina, ngati ya ntwananu leyihalateliwaka lava votala lesvaku varivaleliwa svijoho.

Vaheveru 9:14

ngati ya Kriste yitava leyitlulisaka ngopfu hi matimba; hikuva Kriste atinyiketile hi yexe, hi Moya lowungaheliki, na angali na xisandzu mahlweni ka Xikwembu, kutani ngati ya yena yibasisa mapfalu ya hina mintirhweni leyifeke, lesvaku hitirhela Xikwembu lexihanyaka.

Vaheveru 2:5

Hikuva misava leyimpsha leyi yingatata, yona leyi hivulavulaka hi yona, Xikwembu axiyivekanga mavokweni ya tintsumi.

1 Vatesalonika 3:11

Mawaku loko hingapfuleliwa ndlela ya kuta koseyo ka n'wina hi Xikwembu Tatana wa hina hi xiviri, svin'we ni Hosi ya hina Yesu.

Vaefesa 6:12

Hikuva ahilwi ni vanhu va misava leyi, kambe hilwa ni mimoya leyobiha leyinga mpfhukeni: Hilwa ni vafumi, ni vuhosi, ni vakhinyavezi va misava leyi ya munyama, ni mimoya yobiha leyi hanyaka pfukeni.

Vaefesa 1:11

Hakunene Xikwembu xiyendla hinkwasvu hilaha xirhandzaka hakona ni hilaha xipimaka hakona, kutani xihlawule hina Vayuda kuva vamajandzhaka va xona ka Kriste, hi kutilulamisela ka xona ka khale,

Vagalatiya 6:14

Loko ali mina, asvive kule na mina kutidzunisa, loko kungali hi xihambanu xa Hosi ya hina Yesu Kriste, hikuva hikolaho ka xihambanu xa yena, sva misava ka mina svivambiwile svifa, na mina nifile hi tlhelo ra sva misava.

Varhoma 8:32

Xona, lexingatsetselelangiki N'wana wa xona wa xiviri kambe ximunyiketa hikolaho ka hina hinkwerhu, xana xingatsandzekisa kuyini kuhinyika svilo hinkwasvu mahala ke, kasi xihinyikile ni N'wana wa xona?

Varhoma 8:3

Lesvi Nawu wuhlulekeke kusviyendla, hi mhaka ya gome mirini wa laha misaveni, Xikwembu xisvikotile: Xiyavanyisile kujoha mirini hi kurhumela N'wana wa xona hi yexe, na ali ni miri lowufanaka ni miri wa hina wofumiwa hi kujoha, lesvaku atakota kuyavanyisa xijoho mirini.

Varhoma 1:7

Namixeweta, n'wina hinkwenu lava minga Roma, lavarhandziwaka hi Xikwembu, lavavitaniweke kuva vahlawuliwa va xona, nili: Timpsalu ni kurhula asvive na n'wina, svihuma ka Xikwembu Tatana wa hina, ni ka Hosi Yesu Kriste.

Yohane 10:11

“Hi mina mubzisi lwenene. Mubzisi lwenene anyiketa vutomi bza yena afela tinyempfu.

Yohane 6:38

Hikuva nixikile hi le tilweni, kungali kutayendla kurhandza ka mina, kambe kuyendla kurhandza ka lweyi anirhumeke.

Yohane 5:30

“Ningakala ningatisunguleli niyendla xilo hinoxe; niyavanyisa hilaha nibzeliwaka hakona; hi kolaho, kuyavanyisa ka mina kululamile, hikuva anilavi kuyendla kurhandza ka mina, kambe kurhandza ka lweyi anirhumeke.”

Luka 22:42

“Tatana, loko usvirhandza, ndzheko lowu awutshinele kule na mina! Ntsena kungayendliwi kurhandza ka mina, kambe akuyendliwe kurhandza ka wena.”

Marka 10:45

hikuva na yena N'wana-wa-Munhu, angatelanga kutatirheliwa, kambe kutirhela van'wana ni kunyiketa vutomi bza yena kuponisa lavotala.”

Matewu 26:42

Kutani atlhela aya ka vumbirhi tlhelweni, akhongela aku: “Tatana wa mina, loko svingakoteki lesvaku ndzheko lowu wufambela kule na mina na ninganwelanga ka wona, akuyendliwe kurhandza ka wena!”

Matewu 6:9

N'wina-ke, khongelani hi ndlela leyi, miku: “Tatana wa hina lweyi anga matilweni, vito ra wena arihlawuleke;”

Nhlavutelo 7:9

Ndzhaku ka svosvo, nilanguta, kutani nivona xitshungu lexikulu xa vanhu. Akungali na munhu lweyi akotaka kuvakonta. Avahuma matikweni hinkwawu, ni le tinxakeni hinkwatu, na vali va svib'ongo hinkwasvu ni va tindzimi hinkwatu. Avayimile mahlweni ka xiluvelo ni le mahlweni ka Xinyempfana na vayambale sviyambalu svoleha lesvobasa, na vatamele mincindzu mavokweni ya vona.

Varhoma 8:27

Kutani Xikwembu lexikambaka timbilu, xitiva lesvi Moya wusvilavaka; xitiva lesvaku Moya wufanela kukhongelela vahlawuliwa va xona.

Luka 22:19

Ateka ni xinkwa, kutani loko akhensile, axikhema, avanyika aku: “Lowu i miri wa mina, [lowunyiketiwaka hikolaho ka n'wina; yendlani lesvi hi kuniyanakanya.”

Matewu 13:22

Mbewu leyihaxiweke mintweni svifana ni loko munhu atwa Rito; kambe kuvilela hi sva misava ni kukanganyisiwa hi rifuwo svikamanyeta Rito, kutani ritsandzeka kuveka mihandzu.

1 Vakorinto 15:3

Nimihundzisele lesvi na mina nisviyamukeleke, svinga lesvikulu ka hinkwasvu: Hi lesvaku Yesu afele svijoho sva hina, hilaha Matsalwa mavulaka hakona;

Vaefesa 5:16

Londzovotani nkama lowu minga na wona, hikuva masiku lawa hinga ka wona mabihile.

1 Vatesalonika 1:3

Mahlweni ka Xikwembu Tatana wa hina, hitsundzuka hilaha kupfumela ka n'wina kutikombeke hakona hi sviyendlo, ni lesvaku michivirika kulanguteleni ka Hosi ya hina Yesu Kriste, hi rirhandzu ni kutikarhata.