Vafilipiya 4:19 - Testamente Leyimpsha Xichangana

¹⁹ Kutani Xikwembu xa mina xitaminyika hi ntalu hinkwasvu lesvi misvipfumalaka, hi kuya hi rifuwo ra xona ni kudzuneka ka xona ka Yesu Kriste.

BIBELE Mahungu Lamanene

¹⁹ Kutani Xikwembu xa mina xi ta mi nyika hi ntalo hinkwaswo leswi mi swi pfumalaka, hi ku ya hi rifuwo ra xona ni ku dzuneka ka xona eka Kriste Yesu.

Xitsonga (Bibele)

¹⁹ Kambe Xikwembu xa mina xi ta mi tatisela hinkwaswo leswi mi swi pfumalaka, hikuva ku fuwa ni ku kwetsima i ka xona, ha Yesu Kriste.

Vafilipiya 4:19 Referans Kwoze

1 Petro 5:10

Kutani ndzhaku ka loko mitava mixanisiwile nkamanyana. Xikwembu xa timpsalu hinkwatu lexi ximivitaneke kunghena kukwetsimeni ka xona lokungaheliki, ka Kriste, xona hi xoxe xitamipfuxa, ximiyaka ni kumitiyisa, mingatsekatseki.

1 Timotiya 6:17

Kambe loko vali lava vanga ni rifuwo ra misava leyi, vabzele lesvaku vangatikulisi, kumbe kuveka kulangutela ka vona rifuweni leringatiyangiki, kambe vaveka kulangutela ka vona ka Xikwembu: Hi xona xihinyikaka hi ntalu svilo hinkwasvu, lesvaku hitiphina ha svona.

Vakolosa 1:27

Ka vona Xikwembu xirhandzile kutivisa rifuwo ra xihundla lexi, ni kutwala ka xona xikarhi ka vamatiko; xihundla xakona hi lesvaku Kriste a le ka n'wina, kutani ha yena milangutela kutwala ka Xikwembu lokutaka.

Vaefesa 3:16

Nikombela Xikwembu lesvaku ntalwini wa kudzuneka ka xona, ximinyika matimba, hi Moya wa xona, kutiya ka munhu wa n'wina wa le ndzeni,

Vakolosa 3:16

Rito ra Kriste aritshame ka n'wina, riyandza. Jondzisanani, mikhongotelana hi vutlhari hinkwabzu, mitwalisa Xikwembu hi kuyimbelela tipisalma, ni tinsimu, ni kuyimbelela sva Moya, na mili karhi mikhensa timbilwini ta n'wina.

Varhoma 8:18

Hikolaho-ke, nitshemba lesvaku kuxaniseka ka nkama wa svosvi akufaneli kuringanisiwa ni kukwetsima loku hingatakombiwa kona.

Vaefesa 1:7

Hikuva, hi kufa ka Kriste, haponisiwa, hirivaleliwa svijoho sva hina. Timpsalu ta Xikwembu i tikulu ngopfu,

2 Vakorinto 4:17

Hikuva maxangu lawa mangaliki na kutika ngopfu, lawa manga ya nkamanyana ntsena, mahitisela kukwetsima loku kunga ni ntikelo svinene, lokungaheliki, lokutlulaka ngopfu mpimo hinkwawu.

Varhoma 9:23

Kumbe, kuyini ka svona, loko xiyendlele kutivisa vukulu bza kukwetsima ka xona, henhla ka svibza lesvi asvivumbeliwile kutsetseleliwa, svinga svibza lesvi xisvilungiseke kahali kusunguleni lesvaku svitanyikiwa kukwetsima ka xona, ke?

Vaefesa 3:8

Mina, ninga lwentsongo ngopfu ka vahlawuliwa va Xikwembu hinkwavu, ninyikiwile nkateko lowu wa kufikisa ka vamatiko Evhangeli ya rifuwo leringakontekiki ra Kriste,

Vaefesa 1:18

na mahlo ya timbilu ta n'wina mavoningiwile, mitativa lesvaku kulangutela loku ximivitanelaka kona hi loku koyini, ni lesvaku kutala ka ndzhaka ya xona leyosaseka ngopfu leyitshembisiwaka vahlawuliwa va xona, hi leyoyini,

Vaefesa 2:7

Xiyendlile lesvi kukomba minkarhi leyitaka, kutala lokungapimekiki ka timpsalu ta xona, hi vunene lebzi xihiyendleleke bzona ha Yesu Kriste.

Varhoma 2:4

Kumbe, xana usola vunene lebzikulu bza xona, ni bza kutsetselela ka xona, ni bza mbilu ya xona yoleha ngopfu, ungativi lesvaku vunene bza Xikwembu bzikukokela kuhundzukeni, ke?

Varhoma 11:33

Vukosi bza Xikwembu, ni vutlhari bza xona, ni vutivi bza xona, ahikuyeta ka svona! Makungu ya xona mangapimisiwa kuyini, ni tindlela ta xona tingatwisisiwa kuyini xana?

1 Petro 5:1

Svosvi-ke, ni khongotela vakulukumba lavanga mahlweni ka n'wina, lesvi na mina ninga mun'we wa vona; ningamboni ya kuvaviseka ka Kriste, ni lweyi atshembaka kuyaveliwa kukwetsima lokungatahumelela, kutani nili:

1 Vatesalonika 2:12

hi mikhutazile, hi mitiyisile ni kumisusumeta lesvaku mihanya hi ndlela leyitsakisaka Xikwembu lexi ximivitanelaka kuyaveliwa kufuma ka xona ni kutwala ka xona.

Varhoma 1:8

Xa kusungula, nikhensa Xikwembu xa mina ha Yesu Kriste hikolaho ka n'wina hinkwenu, hikuva kupfumela ka n'wina kutwakalile misaveni hinkwayu.

Yohane 20:27

Kutani aku ka Tomasi: “Tisa ritiho ra wena laha, ulanguta ni sviyandla sva mina; tshambuluta xiyandla xa wena, uxinghenisa rheveni ra mina; ungahakanakani, kambe pfumela!”

Yohane 20:17

Yesu aku ka yena: “Unganikhomi, hikuva anisitlhantukela ka Tatana; kambe yana ka vamakwerhu, uyavativisa lesvaku nitlhantukela ka Tatana wa mina, anga Tatana wa n'wina, ka Xikwembu xa mina, xinga Xikwembu xa n'wina.”

Filemoni 1:4

Nikhensa ka Xikwembu xa mina, na nili karhi nikuyanakanya nkarhi hinkwawu mikhongelweni ya mina,

2 Vakorinto 12:21

Nichava lesvaku loko ni ta le ka n'wina, Xikwembu xa mina xingatlhela xinitsongahata mahlweni ka n'wina, kutani narila hikolaho ka lavotala lavajoheke khale, lavangahundzukangiki timhakeni ta vona letokala tingabasanga, ni ta vuwosvi, ni ta manyala, leti vangatiyendla.

Matewu 6:32

Hikuva svilo svosvo hinkwasvu svilaviwa hi vamatiko; kutani Tatana wa n'wina wa le tilweni wasvitiva lesvaku svilo lesvo hinkwasvu masvipfumala.

Vafilipiya 4:7

kutani kurhula ka Xikwembu lokutlulaka kutwisisa hinkwaku, kutahlayisa timbilu ta n'wina ni miyanakanyu ya n'wina ka Yesu Kriste.