Vafilipiya 3:19 - Testamente Leyimpsha Xichangana

¹⁹ Makumu ya vona i kulova; xikwembu xa vona i khwiri ra vona; vatidzunisa hi lesvi avatafanela kuva ni tingana ha svona; vayanakanya sva misava leyi ntsena.

BIBELE Mahungu Lamanene

¹⁹ Makumu ya vona i ku lova; Xikwembu xa vona i khwiri ra vona; va tidzunisa hi leswi a va ta fanela ku va ni tingana ha swona; va anakanya swa misava leyi ntsena.

Xitsonga (Bibele)

¹⁹ Makumu ya vona i ku lova; valavo Xikwembu xa vona ri nga khwiri ra vona, va tidzunisa hi swa tingana ta vona, va anakanya swa misava ntsena.

Vafilipiya 3:19 Referans Kwoze

Varhoma 16:18

hikuva lavotano avatirheli Hosi ya hina Kriste, kambe vatirhela kunavela ka vona ntsena; hi kunandzihisa marito ni kusasekisa mavulavulela, vahambukisa kuyehleketa ka lava vangativiki nchumu.

2 Petro 2:3

Kutani, hikolaho ka makolo ya vona, vatamidelela hi marito ya vona ya vukanganyisi. Kusukela khale, kuyavanyisiwa ka vona akuyimanga, ni kulova ka vona akuyetlelanga.

Vakolosa 3:2

Tsundzukani svilo lesvinga henhla, kungali svilo sva laha misaveni.

2 Petro 2:1

Khale, vaprofeta va mavunhwa na vona vavekona xikarhi ka vanhu, kufana ni lesvi kungatava ni vajondzisi va mavunhwa xikarhi ka n'wina, lavangatanghenisa hi le xihundleni tijondzo tohambuka letiwonhaka; vatalandzula hambi ali Hosi leyivakutsuleke, vativangela kulahleka lokungatahantla kuvawela.

2 Vakorinto 11:15

Loko svilitano, asvihlamalisi loko malandza ya yena na wona matiyendla onge i malandza ya lesvolulama; kambe kuheteleleni, vatakuma lesviyelanaka ni mintirho ya vona.

2 Vakorinto 11:12

Hambi svilitano, nahataya mahlweni niyendla lesvi nisviyendlaka svosvi, lesvaku nitakala ninganyiki nkama ka lavalavaka kutidzunisa hi kuvula lesvaku va ni ntirho wofana ni wa hina.

2 Petro 2:13

Vatayamukela hakelo yobiha, hilaha vangayendla svobiha hakona. Vakuma svivatsakisa vona kucina mintlangu, vanwa nhlekanhi hinkwawu. I svivati, ni svisandzu vanhwini. Ni loko vali na n'wina minkhubzini, vona vatsakela kucina ni kunwa ngopfu.

Vagalatiya 6:13

hikuva hambi valilava vasindzisaka sva kuyimba, avahlayisi Nawu, kambe vanavela ntsena lesvaku miyimba, vatakota kutidzunisa hi kuvula lesvaku mi ni mfungu wakona mirini wa n'wina.

Nhlavutelo 21:8

Kambe loko mali matoya ni lavayalaka kupfumela ni lavayendlaka sva manyala, ni vadlayi ni vawosvi ni valoyi ni lavagandzelaka svikwembu sva hava ni vahembi hinkwavu, makumu ya vona kutava kuhoxiwa tiveni leripfurhaka ndzilo ni xivavula, ringa rona rifu ra vumbirhi.

1 Vakorinto 3:3

hikuva mahali va nyama ntsena. Hikuva, loko mavondzo ni kuholova svili kona xikarhi ka n'wina, xana amifani ni vanhu ntsena ke? Xana amihanyi kufana na vona ke?

Nhlavutelo 22:15

Lava vasalaka handle ka doropa hi lava vayendlaka lesvobiha, ni valoyi, ni vawosvi, ni vadlayi, ni lavagandzelaka svikwembu sva hava, ni hinkwavu lavatsakelaka vunhwa ni kuhanya ha rona.

Yuda 1:16

Lava i vanhu votshamela kungurangura ni kuvilela, lavasusumetiwaka hi kunavela ka vona lokobiha, vanhu vamanyunyu lavatikulisaka, lavakanganyisaka van'wana hi kuvabumabumela, kasi valava kuvuyeliwa.

2 Timotiya 3:4

vatava vakanganyisi, vanhu vamagugu, lavabohiweke hi kutikulisa, lavarhandzaka kutiphina kutlula kurhandza Xikwembu.

1 Timotiya 6:5

nasvona svivanga kuholova xikarhi ka vanhu lavaboleke miyanakanyu ni kulahlekeliwa hi ntiyiso, lavayanakanyaka lesvaku vukhongeli i ndlela yokuma rifuwo.

2 Vatesalonika 2:12

Kuhela ka svona hi lesvaku hinkwavu lavakalaka vangayamukelanga ntiyiso, vanga lava vatsakeleke tindlela letobiha, vatayavanyisiwa.

Vafilipiya 2:21

Lavan'wana hinkwavu vatikarhatela ntsena lesvinga sva vona, kungali sva Yesu Kriste.

1 Vakorinto 5:6

Kutidzunisa ka n'wina akululamanga! Xana amisvitivi lesvaku comelanyana leritsongo rikukumukisa mbila hinkwayu ke?

1 Vakorinto 5:2

Kutani mahali ni kutikulisa! Matshan'wini ya svona, hikolaho ka yini mingakarhatekanga, lesvaku lweyi ayendleke svilo lesvi asusiwa xikarhi ka n'wina, xana?

Nhlavutelo 19:20

Xivandzana xikhomiwa, kukhomiwa ni muprofeta wa mavunhwa lweyi aayendla masingita mahlweni ka xona hi masingita lawa, aaxisa lava avali ni mfungu wa xivandzana ni lava avagandzela xifaniso xa xona. Kutani xivandzana ni muprofeta wa mavunhwa vahoxiwa svin'we na vahahanya tiveni ra ndzilo lowupfurhaka na wuli ni xivavula.

Yakobo 4:16

Kambe n'wina matidzunisa, hi mhaka ya kutitiva ngopfu. Kutidzunisa hinkwaku loku kotanu kubihile.

2 Vatesalonika 2:8

Kutani hi kona munhu lweyi wohomboloka angatahumeseliwa rivaleni, kutani Hosi Yesu atamudlaya hi moya lowuhumaka non'weni wa yena, amuhelisa hi kukwetsima ka yena, siku leri avuyaka.

Luka 18:4

Svitekile nkarhi lowoleha na yena ahayala. Kambe ndzhaku atiyanakanya, aku: ‘Hambi loko ningachavi Xikwembu, ningaxiximi vanhu,

Luka 16:19

“Akuli ni mufuwi lweyi aayambala xiyambalu xophatima xa xivunguvungu ni xa ntsembzana, atshama kutsakeni atiphina hi masiku hinkwawu.

Luka 12:19

kutani nitabzela hika ra mina niku: Hika ra mina kateka, u ni svilo lesvotala, lesvihlengeleteliweke hi malembe layotala; wisa, uja, unwa, utsaka.’

Matewu 25:41

“Kutani Hosi yitabzela lavanga vokweni ra yona ra ximantsi yiku: ‘Sukani ka mina, n'wina lavarhukiweke; miya ndzilweni lowungatimekiki, lowulungiseliweke Diyavulosi ni tintsumi ta yena;

Matewu 16:23

Hi loko yena ahundzukula, aku ka Petrosi: “Suka ka mina Sathana! U xikhunguvanyiso ka mina, hikuva awuyehleketi sva Xikwembu, uyehleketa sva vanhu ntsena.”

Nhlavutelo 18:7

Mukombeni maxangu ni mahlomulu, hi kuya hi mpimo wa kutidzunisa ka yena ni wa kuhunguka ka yena, hikuva mbilwini ya yena avula lesvi: ‘Nitshama laha, mina Nkosikazi! Ani wansati wa mufelakazi, aningagami hi kuvona mahlomulu!’

Yuda 1:4

Hikuva vanhu van'wana vangungumelile vanghena xikarhi ka hina; kuyavanyisiwa ka vona kulungisiwe khale. I vanhu lavangaliki na mhaka ni vukhongeli; vahundzula timpsalu ta Xikwembu xa hina, vayendla sva manyala ha tona, nasvona valandzula Yesu Kriste, yena N'winyi wa hinkwasvu ni Hosi ya hina.

Varhoma 6:21

Xana amitshovela yini minkameni yoleyo, hi kuyendla svilo lesvi svosvi svimikhomisaka tingana, ke? Hikuva makumu ya svona i rifu.

2 Vatesalonika 1:9

Vanhu lava vatayavanyisiwa hi kuyisiwa kuwonhekeni lokungaheliki, ni nghohe ya Hosi avangayivoni, hambi mali matimba ya yona layokwetsima.

Yuda 1:10

Kambe vanhu lava vasandza xihi na xihi lexi vangaxitwisisiki, kutani vayendla svilo lesvi vasvitivaka hi ntumbuluku kufana ni sviharhi sva nhova; hi svona lesvi svivalovisaka.