Vafilipiya 2:17 - Testamente Leyimpsha Xichangana

¹⁷ Hambi loko nifanela kutlhantekela vutomi bza mina henhla ka mhamba ya n'wina ya kupfumela, leyi migandzelaka Xikwembu ha yona, nitsakile ni kutlangela svin'we na n'wina hinkwenu.

BIBELE Mahungu Lamanene

¹⁷ Hambiloko ndzi fanela ku tlhandlekela vutomi bya mina ehenhla ka mhamba ya n'wina ya ku pfumela, leyi mi gandzelaka Xikwembu ha yona, ndzi tsakile ni ku tlangela swin'we na n'wina hinkwenu.

Xitsonga (Bibele)

¹⁷ Swi nga tsandza ni loko ndzi endliwa mhamba hikwalaho ka ku gandzela ka n'wina, ni ku tirhela ku pfumela ka n'wina, kona ndzi nga tsaka, ndzi va ndzi tsakisisa na n'wina hinkwenu.

Vafilipiya 2:17 Referans Kwoze

2 Timotiya 4:6

Loko ali mina, nikotisa mhamba leyihumesiwaka alitarini; kutani nkama wa mina wu le kusuhi.

Varhoma 15:16

kuva mutirhi wa Yesu Kriste xikarhi ka vamatiko. Mina, kufana ni Muprista, nivula Mahungu Lamanene ya Xikwembu lesvaku vamatiko vava mhamba leyiyamukelekaka ka xona, leyihlawulekisiweke hi Moya Lowokwetsima.

2 Vakorinto 12:15

Loko nilimina, nitanyiketa sva mina hi kutsaka, nasvona nitatinyiketa hi xiviri xa mina kumipfuna; lesvi nimirhandzaka kutlula mpimo, xana mina nifanele kurhandziwanyana ntsena ke?

Vakolosa 1:24

Svosvi-ke, nitsaka hi lesvi nixanisiwaka hikolaho ka n'wina; kutani, hi kuxaniseka ka mina mirini, nihetisa lesvipfumalekeke maxangwini ya Kriste, hikolaho ka miri wa yena, yinga Kereke.

Vafilipiya 1:20

Kulangutela ka mina ni kutshemba ka mina, hi lesvaku aningakhomiwi hi tingana nikutsongo, kambe hi kutiya ka mina ningachavi nchumu, svosvi kukota minkama hinkwayu, nitatwalisa vukulu bza Kriste mirini wa mina, hambi hi kuhanya kumbe hi kufa ka mina.

2 Vakorinto 7:4

Nivulavula na n'wina, na nili karhi nimitshemba ngopfu; nitikulisa ngopfu hi n'wina; nitala hi kuchaveleliwa; kuxanisekeni hinkwaku ka hina, natsaka nitsakisisa.

1 Yohane 3:16

Hitiva rirhandzu lesvi ringa svona loko hitiva yena lweyi anyiketeke vutomi bza yena hikolaho ka hina. Xilesvo na hina hifanela kunyiketa vutomi bza hina ka vamakwerhu.

Varhoma 12:1

Loko svilitano vamakwerhu, na mikhongotela hikolaho ka timpsalu ta Xikwembu, lesvaku minyiketa miri wa n'wina hinkwawu, wuva mhamba leyihanyaka, leyihlawulekeke, leyitsakisaka Xikwembu; hi wona magandzelela ya n'wina ya ntiyiso.

1 Petro 2:5

Kutani, kufana ni maribze lamahanyaka, na n'wina mifanele kuyakiwa miyendla yindlo ya moya, lesvaku mitava vaprista lavahlawulekeke, mihumesa timhamba ta moya letiyamukelekaka ka Xikwembu ha Yesu Kriste.

1 Vatesalonika 2:8

Hikolaho, hi kunavela ngopfu kumikomba rirhandzu, hitilungiselile kuhlengela na n'wina kungali ntsena Evhangeli ya Xikwembu, kambe nabzona vutomi bza hina, hikuva mihundzukile varhandziwa va hina hi kutlulisa.

Vafilipiya 4:18

Nikumile hakelo hinkwayu, ni kutlula. Ni ni lesvotala, hikuva Epafrodito anitisele tinyiko letihumaka ka n'wina. Tinyiko leti tifana ni mhamba leyinun'hwelaka, leyi yamukelekaka ka Xikwembu, yixitsakisa.

Vafilipiya 2:30

hikuva aali kusuhi ni kufa, afela ntirho wa Kriste, na ali karhi apfumela kunyiketa vutomi bza yena, lesvaku atahetisa ntirho wa kunipfuna lowu awufanele kutirhiwa hi n'wina.

Timhaka 21:13

Kambe Pawulo ahlamula, aku: “Xana miyendla yini loko mirila hi mukhuva lowu niku nitlhava mbilu ke? Kasi mina anitilungiselanga kubohiwa ntsena, kambe ni tilungisele ni kuyafela vito ra Hosi Yesu Yerusalema.”

Timhaka 20:24

Hambi svilitano, nivona lesvaku kulahlekeliwa hi vutomi, asvi na mhaka nikutsongo ka mina, loko ningakota ntsena kuheta lesvi ningarhumiwa kuyendla svona, ni ntirho lowu niwuyamukeleke ka Hosi Yesu, wa kuvula Evhangeli ya timpsalu ta Xikwembu.

2 Vakorinto 6:10

havavisiwa, hambi svilitano hitsakile masiku hinkwawu; wonge hisvisiwana, kasi hifuwisa lavotala; wonge ahi na nchumu, kasi hi ni svilo hinkwasvu.

Vafilipiya 2:18

Svitano na n'wina: Tsakani, mitlangela svin'we na mina.

2 Vakorinto 4:12

Kutani-ke, rifu ratirha ka hina, kambe vutomi bzatirha ka n'wina.