Vafilipiya 2:12 - Testamente Leyimpsha Xichangana

¹² Varhandziwa, kufana ni lesvi miniyingiseke masiku hinkwawu, ni svosvi, kungali ntsena loko nili na n'wina kambe ngopfungopfu loko ningali na n'wina, tirhelani kuponisiwa ka n'wina hi kuchava ni kurhurhumela;

BIBELE Mahungu Lamanene

¹² Varhandziwa va mina, tanihi leswi mi ndzi yingiseke masiku hinkwawo, nisweswi, ku nga ri ntsena loko ndzi ri na n'wina kambe ngopfu-ngopfu loko ndzi nga ri na n'wina, tirhelani ku ponisiwa ka n'wina hi ku chava ni ku rhurhumela;

Xitsonga (Bibele)

¹² Varhandziwa va nga, kukotisa loko mi yingisile hi masiku, ku nga ri loko ndzi ri eka n'wina ntsena, kambe ngopfungopfu loko ndzi nga ri kona, tirhelani ku hlayiseka ka n'wina hi nchavo ni ku rhurhumela;

Vafilipiya 2:12 Referans Kwoze

1 Vakorinto 15:58

Hikolaho, vamakwerhu lavarhandzekaka, tiyani svinene mingatsekatsekeni; tiyiselani svinene, mitirhela Hosi masiku hinkwawu, na mili karhi misvitiva lesvaku mintirho ya n'wina Hosini ayingaweli hansi.

Vaheveru 4:11

Loko svilitano, ahiringeteni hi matimba kunghena kuwiseni koloko, lesvaku ni mun'we angawi hi kutiyalisa lokufanaka ni ka vona.

1 Petro 2:11

Varhandziwa, lesvi minga vatshami ni vayendzi misaveni, namikhongotela hi matimba lesvaku mihambana ni kunavela ka miri, lokulwaka ni mimoya ya n'wina.

Matewu 11:29

Rhwalani mpingu wa mina, mijondza ka mina, hikuva ni ni mbilu yorhula ni ya timpsalu; kutani mimoya yitakuma kuwisisiwa;

Vafilipiya 1:27

Ntsena, mahanyela ya n'wina mafanela kufambelana ni Evhangeli ya Kriste, lesvaku hambi ni ta nitatamivona, hambi ni ngati, nitatwa lesvaku mahayimile na mitiyile moyeni wun'we, milwa svin'we hi mbilu yin'we, milwela kupfumela loku kutisiwaka hi Evhangeli.

2 Petro 3:18

Kambe kulani, na mili timpsalwini ni le kutiveni ka Yesu Kriste, Hosi ya hina ni Muponisi wa hina. Ka yena akuve kutwala svosvi, ni kuyafika sikwini leringaheliki. Amen!

Vaheveru 5:9

Kutani loko ayendliwile lweyi ahetisekeke, ahundzukile xihlovo xa kuponisiwa lokungaheliki ka hinkwavu lava vamuyingisaka,

2 Timotiya 2:10

kutani, timhakeni hinkwatu, nitiyisela hikolaho ka vahlawuliwa va Xikwembu, lesvaku na vona vatakuma kuponisiwa loku kuhumaka ka Kriste Yesu, vakuma ni kukwetsima lokungaheliki.

Vaheveru 4:1

Hikolaho, loko xitshembiso xa kunghena kuwiseni ka Xikwembu xahali kona, ahichaveni lesvaku kumbe mun'wana wa n'wina angatshuka akumiwa na asale ndzhaku.

Vaheveru 12:1

Hikolaho, lesvi hirhendzeliweke hi refu lerikulu ra timboni, na hina ahitshikeni hinkwasvu lesvi svihisivelaka, ni vujoho lebzihantlaka kuhinamarhela, hitsutsuma na hili ni kutiyisela kutsutsumeni ka mpfhuka lowu hi vekeliweke wona.

Vafilipiya 4:1

Hikolaho vamakwerhu, n'wina lava nimirhandzaka ni kunavela kumivona, n'wina lava minga kutsaka ka mina ni hari ya nhloko ya mina, yimani na mitiyile Hosini hi ndlela yoleyo, varhandziwa vanga.

Varhoma 2:7

Lava vatiyiselaka kuyendla lesvinene, na vali karhi vanavela kuva lavakwetsimaka ni lavadzunekaka ni lava vangahafiki, Xikwembu xitavanyika vutomi lebzingaheliki;

1 Vatesalonika 1:3

Mahlweni ka Xikwembu Tatana wa hina, hitsundzuka hilaha kupfumela ka n'wina kutikombeke hakona hi sviyendlo, ni lesvaku michivirika kulanguteleni ka Hosi ya hina Yesu Kriste, hi rirhandzu ni kutikarhata.

Vafilipiya 1:29

Hikuva minyikiwile nkateko wotirhela Kriste, kungali ntsena hi lesvi mipfumeleke ka yena, kambe hi lesvi mixanisekaka hikolaho ka yena.

2 Vakorinto 7:15

Hikolaho, rirhandzu ra yena ka n'wina riyile rikula loko ayanakanya hilaha miyingiseke hakona, n'wina hinkwenu, ni hilaha mimuyamukeleke hakona, hi xichavu ni kurhurhumela.

1 Vakorinto 2:3

Loko nitile ka n'wina, anili lweyi anga ni gome, ni kuchava, ni kurhurhumela ngopfu.

Vaefesa 6:5

N'wina svikarawa, yingisani vinyi va n'wina va laha misaveni, hi xichavu ni kurhurhumela, misviyendla hi mbilu leyibaseke, kufana ni loko mitirhela Kriste hi xiviri;

Matewu 11:12

Kusukela nkarhini wa Yohani Mukhuvuli kutafika nkarhi wa svosvi, kungheniwa Mfun'wini wa matilo hi kutirhisa tihanyi, kutani va tihanyi hi vona lava vatitekelaka wona.

Vafilipiya 1:5

hikolaho ka ndlela leyi minipfuneke ha yona ntirhweni wa Evhangeli, kusukela siku rosungula kufikela namuntlha.

Timhaka 9:6

Kambe pfuka uyima, unghena doropeni, kutani utabzeliwa lesvi ufanelaka kuyendla svona.”

Vafilipiya 2:19

Ni ni kutshemba ka Hosi Yesu lesvaku kungali khale nitarhuma Timotewu ata le ka n'wina, lesvaku na mina nitiyisiwa hi kukuma mahungu ya kuhuma ka n'wina.

1 Vakorinto 4:14

Nitsala timhaka leti, kungali kumikhomisa tingana kambe kumitsundzuxa, tani vana va mina lavarhandzekaka.

Vafilipiya 4:15

N'wina Vafilipiya, masvitiva hi n'wexe lesvaku, masungulweni ya ntirho wa Evhangeli, loko nisukile Makedoniya, akuvanga ni kereke ni yin'we leyingapfunetana na mina, handle ka n'wina ntsena; hivile xilo xin'we akutaleliweni ni le vusiwaneni.

Timhaka 16:29

Mulanguteli akombela tivoni, anghena hi kutsutsuma, atiwisela milengeni ya Pawulo na Silasi, na ali karhi arhurhumela hi kuchava.

Vafilipiya 1:6

Ni ni kutshemba svinene ka lesvaku Xikwembu lexisunguleke ntirho lowosaseka xikarhi ka n'wina, xitawuyisa mahlweni kuyafika makumu ya wona, hi siku ra Yesu Kriste.