Vaefesa 6:12 - Testamente Leyimpsha Xichangana

¹² Hikuva ahilwi ni vanhu va misava leyi, kambe hilwa ni mimoya leyobiha leyinga mpfhukeni: Hilwa ni vafumi, ni vuhosi, ni vakhinyavezi va misava leyi ya munyama, ni mimoya yobiha leyi hanyaka pfukeni.

BIBELE Mahungu Lamanene

¹² Hikuva a hi lwi ni vanhu va misava leyi, kambe hi lwa ni mimoya leyo biha leyi nge henhla emimpfhukeni: Hi lwa ni tindhuna, ni vafumi, ni tihosi leti fumaka ta nguva leyi ya munyama.

Xitsonga (Bibele)

¹² Hikuva eku lweni ka hina, a hi lwi na nyama na ngati, kambe hi lwa ni vafumi, ni leswa matimba, ni tihosi hinkwato ta munyama, ni mimoya leyo biha ya swivandla swa le henhla.

Vaefesa 6:12 Referans Kwoze

Vakolosa 1:13

Ahihumesile matimbeni ya munyama, ahirhurhisela kufumeni ka N'wana wa yena lweyi arhandzekaka,

2 Vakorinto 4:4

Xikwembu xa misava leyi xipfalile miyehleketo ya vanhu lava vangapfumeliki; xivasive mahlo lesvaku vangavoni kuvonakala ka Evhangeli leyi yitwalisaka kukwetsima ka Kriste, yena lweyi anga xifaniso xa Xikwembu.

Vaefesa 2:2

Minkameni yoleyo, amihanya ka svona, loko mahalandza svihena lesvobiha sva misava leyi. Amili hansi ka hosana leyifumaka mimoya ya le henhla mpfhukeni, wunga moya lowutirhaka ni svosvi xikarhi ka vanhu lavangayingisiki Xikwembu.

Vakolosa 2:15

Kriste ahetile matimba ya mimoya ya tihosana ni ya tihosi, ayiyendla xisolo rivaleni, hi kuyihlulela makumu hi xihambanu.

Timhaka 26:18

utapfula mahlo ya vona lesvaku vahuma munyameni, vanghena kuvonakaleni, ni lesvaku vahuma kufumeni ka Sathana vanghena ka Xikwembu; loko vapfumela ka mina, vatakuma kurivaleliwa ka svijoho, kutani vatayaveliwa ndzhaka xikarhi ka vahlawuliwa va Xikwembu.’

Vaefesa 1:21

Kriste wafuma kona, henhla ka hinkwasvu lesvinga ni vukulukumba, ni kufuma, ni matimba, ni vuhosi; na svona, a le henhla ka mavito hinkwawu lawa mangavuliwaka, kungali minkameni leyi ntsena, kambe ni ka minkama leyingatata.

Varhoma 8:38

Hikuva nakholwisisa lesvaku, hambi ringava rifu kumbe vutomi, hambi tingava tintsumi kumbe matimba ya madimoni, hambi svingava lesvinga kona svosvi, kumbe lesvingatata, hambi yingava mimoya ya matimba

Vaefesa 3:10

lesvaku minkameni ya svosvi, hi kutirhisa kereke, xitativisa vutlhari bza xona hi matlhelo hinkwawu ya bzona ka mimoya ya tihosana ni ya matimba henhla matilweni.

Vaefesa 1:3

Akudzunisiwe Xikwembu, Tatana wa Hosi ya hina Yesu Kriste, lexingahikatekisa ka Kriste hi minkateko ya moya wa kuhambanahambana, henhla matilweni:

1 Vakorinto 15:50

Lesvi nihlayaka svona, vamakwerhu, hi lesvi: Nyama ni ngati svingakala svingaji ndzhaka ya Mfumu wa Xikwembu, nasvona lesvihantlaka kuwonheka svingakala svingaji ndzhaka ya lesvi svingawonhekiki.

1 Petro 3:22

yena lweyi ayeke tilweni, kutani svosvi anga vokweni ra xinene ra Xikwembu, na tintsumi ni vafumi ni lesvi sva matimba svili hansi ka yena.

Vaheveru 12:1

Hikolaho, lesvi hirhendzeliweke hi refu lerikulu ra timboni, na hina ahitshikeni hinkwasvu lesvi svihisivelaka, ni vujoho lebzihantlaka kuhinamarhela, hitsutsuma na hili ni kutiyisela kutsutsumeni ka mpfhuka lowu hi vekeliweke wona.

Yohane 14:30

Aningahavulavuli svotala na n'wina, hikuva mufumi wa misava leyi wata; kambe anga na matimba henhla ka mina.

Yohane 12:31

Misava leyi svosvi yikarhi yiyavanyisiwa, kutani hosana ya misava leyi atahlongoliwa svosvi.

Yohane 16:11

hi ta kuyavanyisa, hikuva mufumi wa misava leyi ayavanyisiwile.

Luka 22:53

Anili na n'wina Tempeleni masiku hinkwawu; aminikhomanga. Kambe svosvi, hi wona nkarhi wa n'wina, hikuva kufuma munyama.”

Luka 13:24

“Ringetani hi matimba kunghena hi nyangwa leyokhuma, hikuva namibzela lesvaku lavotala vatanavela kunghena, kambe vatatsandzeka.

2 Timotiya 2:5

Mutlangi wa mintlangu angatlhantekiwi hari, loko angalandzi milawu yakona.

Matewu 16:17

Yesu ahlamula aku: “Ukatekile Simoni n'wana Yona, hikuva ahi munhu wa misava lweyi angakupfuletela svosvo, kambe i Tatana wa mina lweyi anga matilweni.

Vaheveru 12:4

Akulweni ka n'wina ni vujoho, amisilwa mikondza mihalata ngati.

Vagalatiya 1:16

xisvitsakelile kuhlavutela N'wana wa xona ka mina, lesvaku nitamutwalisa ndzeni ka vamatiko. Nkameni wolowo, anivutisanga munhu,

Marka 4:19

kambe kuvilela hi sva misava leyi, ni kukanganyisiwa hi rifuwo ni kunavela svilo svin'wana ni svin'wana, svinghena ka vona, svikamanyeta Rito, kutani ritsandzeka kuveka mihandzu.

2 Vakorinto 11:14

Kutani asvihlamalisi, hikuva na yena Sathana, atiyendla onge i ntsumi ya kuvonakala.