Vaefesa 5:3 - Testamente Leyimpsha Xichangana

³ Mi vahlawuliwa va Xikwembu, kutani vuwosvi, ni sva chaka hinkwasvu, ni makwanga, asvilaveki xikarhi ka n'wina, ni kukumbuka svingakumbukiwi.

BIBELE Mahungu Lamanene

³ Mi vahlawuriwa va Xikwembu, kutani vuoswi, ni swa thyaka hinkwaswo, ni makwanga, a swi laveki exikarhi ka n'wina, ni ku kumbuka swi nga kumbukiwi.

Xitsonga (Bibele)

³ Kambe loko byi ri vuoswi ni vumbhisa hinkwabyo, ni ku navela ka ku fuwa, swi nga tshuki swi vuriwa ni mavito ya swona exikarhi ka n'wina hilaha swi fanelaka vakwetsimi,

Vaefesa 5:3 Referans Kwoze

Vakolosa 3:5

Loko svilitano, dlayani lesvi svinga sva misava ka n'wina, hi lesvaku vuwosvi, ni sva nsila, ni kuhisekela sva tingana, ni kunavela lokobiha, ni makwanga, kunga kugandzela svikwembu sva hava.

Vaefesa 5:5

Tivani mhaka leyi: Aku na munhu ni mun'we lweyi angatayaveliwa ndzhaka Mfun'wini wa Kriste ni wa Xikwembu, loko ahahanya hi vuwosvi, kumbe lweyi ayendlaka sva nsila, kumbe lweyi anga ni makwanga, hambi lweyi agandzelaka svikwembu sva hava.

1 Vatesalonika 4:3

nasvona kurhandza ka Xikwembu hi loku: Hi lesvaku miyendliwa lavabaseke, hi kuhambana ni vuwosvi hinkwabzu.

1 Vakorinto 6:18

Chavani vunghwavana! Xijoho xin'wana ni xin'wana lexi munhu axiyendlaka xi le handle ka miri wa yena; kambe lweyi awosvaka ajohela miri wa yena.

1 Vatesalonika 4:7

Hikuva Xikwembu axihivitanelanga kuhanya kutshakeni, kambe kubaseni.

1 Vakorinto 6:13

Mun'wana angaku: “Svakuja i sva khwiri, kutani khwiri i ra svakuja.” Ina, kambe Xikwembu xitasvihelisa hi vumbirhi bza svona. Miri awuvumbeliwanga vunghwavana, kambe wuvumbeliwe Hosi, ni Hosi i hosi ya miri.

Vaefesa 5:12

hikuva hambi kuli kuvula ntsena lesvi vasviyendlaka xihundleni, svikhomisa tingana.

Matewu 15:19

Hikuva miyehleketo leyobiha, kudlayana, vuwosvi, vuphukuphuku, ni kuyiva, vumboni bza mavunhwa ni kurhuketela,

Nhlavutelo 2:21

Nimunyikile nkarhi lesvaku ahundzuka, kambe wayala kuhundzuka atshika vuwosvi bza yena.

1 Vakorinto 10:8

Hingatshukeni hinghena vuwosvini, kufana ni lesvi van'wana va vona vayendliseke svona, kutani hi siku rin'we kulovile vanhu va makume mambirhi ya makhulu na manharhu (23 000).

Nhlavutelo 22:15

Lava vasalaka handle ka doropa hi lava vayendlaka lesvobiha, ni valoyi, ni vawosvi, ni vadlayi, ni lavagandzelaka svikwembu sva hava, ni hinkwavu lavatsakelaka vunhwa ni kuhanya ha rona.

Nhlavutelo 21:8

Kambe loko mali matoya ni lavayalaka kupfumela ni lavayendlaka sva manyala, ni vadlayi ni vawosvi ni valoyi ni lavagandzelaka svikwembu sva hava ni vahembi hinkwavu, makumu ya vona kutava kuhoxiwa tiveni leripfurhaka ndzilo ni xivavula, ringa rona rifu ra vumbirhi.

Nhlavutelo 2:14

Kambe, ku ni svilo svingali svingani lesvi univilelisaka hi svona: Hi lesvaku ku ni van'wana lava unga na vona kolaho, lavakhomeleleke jondzweni ya Balamu, lweyi akuceteleke Balaka kurhiya mintlhamu mahlweni ka Vaisrayele, lesvaku vaja svakuja sva timhamba lesvihumeseliweke svikwembu sva hava, vayendla ni vuwosvi.

1 Vakorinto 5:1

Mhaka leyi hiyitwaka, hi lesvaku ku ni vunghwavana xikarhi ka n'wina, lebzi hambi xikarhi ka vamatiko bzingaliki kona, lebzi bzifikaka laha munhu ahanyaka ni nsati wa tatana wa yena.

Nhlavutelo 9:21

Avahundzukanga ka vudlayi, hambi ka vuloyi bza vona, hambi ka vuwosvi hambi ka vuyivi bza vona.

2 Petro 2:3

Kutani, hikolaho ka makolo ya vona, vatamidelela hi marito ya vona ya vukanganyisi. Kusukela khale, kuyavanyisiwa ka vona akuyimanga, ni kulova ka vona akuyetlelanga.

Vaheveru 12:16

Kungavi ni mun'we lweyi ahundzukaka muwosvi kumbe lweyi angaliki na mhaka ni vukhongeli, kufana na Esawu lweyi anga xavisa timfanelo ta vumativula bza yena hi mhaka ya mpandzwanyana wa svakuja.

2 Vakorinto 12:21

Nichava lesvaku loko ni ta le ka n'wina, Xikwembu xa mina xingatlhela xinitsongahata mahlweni ka n'wina, kutani narila hikolaho ka lavotala lavajoheke khale, lavangahundzukangiki timhakeni ta vona letokala tingabasanga, ni ta vuwosvi, ni ta manyala, leti vangatiyendla.

Tito 2:3

Na vona vavasati lavajuhaleke avave ni matshamela lawa makhensekaka, vangali ni mahlevo, kumbe lavatinyiketaka bzaleni; vava vajondzisi va lesvi sva kululama,

2 Timotiya 3:2

Hikuva vanhu vatava lavatirhandzaka, lavarhandzaka ngopfu male, ni kutidzunisa, ni kutikukumuxa, ni kurhukana; vatava lavangayingisiki vapsele, lavangaliki na kukhensa, vokala xichavu;

Timhaka 15:20

“kambe ahivatsaleleni papela, hivabzela kutshika svakuja lesvinyamisiweke hi kuhumeseliwa svikwembu sva hava, vatshika ni vugelegele vangaji lesvi vanhu vasvidlayeke hi kusvitlimba minkolo, ni ngati vangaji”;

2 Petro 2:14

Va ni mahlo lawa mataleke hi vunghwavana, lawa manga ni torha ra svijoho. Varhiya mimoya leyingatiyangiki. Va ni timbilu leti toloveleke makolo. I vanhu lavarhukiweke hi Xikwembu.

2 Petro 2:10

ngopfungopfu lavalandzaka sva nyama, vanavela kutitsakisa hi svilo sva chaka, vasandza ni vuhosi bza Xikwembu. Vanhu lava vatitshemba ngopfu, nasvona vatitiva; avachavi kusandza sva le henhla lesvikwetsimeke.

1 Petro 5:2

Risani ntlhambi wa Xikwembu lowunga xikarhi ka n'wina, miwuhlayisa kungali hi kusindzisiwa, kambe kuli hi kusvirhandza, hilaha Xikwembu xisvilavaka hakona, nasvona kungali hi kulangutela bindzu lerikhomisaka tingana, kambe hi kuhiseka.

Tito 1:11

Svafanela lesvaku volavo vamiyetiwa, hikuva vakokela kule vanhu hinkwavu va minjangu yin'wana, vajondzisa lesvi vangafanelangiki kusvijondzisa, hi kunavela rifuwo rohomboloka.

Tito 1:7

hikuva bixopo wa kereke afanela kuva munhu wopfumala xisandzu, lesvi anga mulanguteli wa ntirho wa Xikwembu. Angatshuki ava munhu lweyi atikulisaka, kumbe munhu wa xikwatisana. Angavi lweyi atinyiketaka bzaleni, kumbe munhu wa vukarhi, hambi kunavela sva van'wana;

1 Timotiya 3:3

Angatinyiketi kunwa bzala, kumbe munhu wa tinyimpi, kambe aave lweyi wa kurhula, angavi ni vumpsaka, nasvona angavi lweyi arhandzaka ngopfu male.

1 Timotiya 2:10

kambe avatibombise hi mintirho leyinene, hilaha svifanelaka hakona vavasati lavativulaka va vukhongeli.

Vafilipiya 1:27

Ntsena, mahanyela ya n'wina mafanela kufambelana ni Evhangeli ya Kriste, lesvaku hambi ni ta nitatamivona, hambi ni ngati, nitatwa lesvaku mahayimile na mitiyile moyeni wun'we, milwa svin'we hi mbilu yin'we, milwela kupfumela loku kutisiwaka hi Evhangeli.

Varhoma 16:2

Muyamukeleni hi vito ra Hosi, hilaha vakwetsimi va Xikwembu vafanelaka kuyamukeliwa hakona; kutani mimupfuna hi xin'wana ni xin'wana lexi angakombelaka lesvaku mimupfuna ha xona, hikuva apfunile lavanyingi, na mina anipfunile.

Varhoma 6:13

mingahanyiketeni svirho sva n'wina kujoheni, mingahasvitirhiseni kuyendla lesvohomboloka; kambe tinyiketeni ka Xikwembu tani hi vanhu lavahanyaka, lavahumeke xikarhi ka vafi. Kutani minyiketa svirho sva n'wina ka Xikwembu, misvitirhisa kuyendla lesvolulama.

Varhoma 1:29

Vatele kuhomboloka hinkwaku, ni lesvobiha, ni kuphanga, ni mona; vatele mavondzo, ni kudlaya, ni kuphikizana, ni kukanganyisa, ni kuxengana; i vahlevi

Timhaka 20:33

Anilavanga male ya silivhere kumbe ya golidi, hambi xili xiyambalu, ka munhu ni mun'we.

Luka 16:14

Vafarisi, vanga vanhu va makwanga ni male, avatwa timhaka toleto hinkwatu, kutani vamusola.

1 Timotiya 6:10

Hikuva kurhandza ngopfu male i rimintsu ra lesvobiha hinkwasvu; hi yo mhaka ya kunavela male ngopfu leyi yingahambukisa van'wana, vatshika vupfumeli, kutani timbilu ta vona tingheniwa hi svivilelo lesvotala.

Luka 12:15

Kutani aku ka vona: “Tlharihani mitivonela ka makwanga wahi ni wahi, hikuva vutomi bza munhu abzihumi ka svilo lesvi asvifuweke hambi loko svimutalele ngopfu.”