Vaefesa 4:30 - Testamente Leyimpsha Xichangana

³⁰ Mingakhomisini tingana Moya Lowokwetsima wa Xikwembu, hikuva i mfungu wa Xikwembu wukomba lesvaku mi vanhu va xona, ni lesvaku siku rata, leri xingatamiponisa ha rona.

BIBELE Mahungu Lamanene

³⁰ Mi nga khomisi Moya lowo Kwetsima wa Xikwembu tingana, hikuva i mfungho wa Xikwembu wo komba leswaku mi vanhu va xona, ni leswaku siku ra ta, leri xi nga ta mi kutsula ha rona.

Xitsonga (Bibele)

³⁰ Kutani mi nga tshuki mi khomisa Moya lowo Kwetsima wa Xikwembu tingana, wolowu mi funghiweke ha wona siku ra ku kutsuriwa ka n'wina.

Vaefesa 4:30 Referans Kwoze

1 Vatesalonika 5:19

Mingatimeni Moya.

Timhaka 7:51

“N'wina vatinhamu letononon'hwa, n'wina va timbilu letingapfumeliki ni tindleve letingatwiki! Masiku hinkwawu miyalela Moya Wokwetsima; mifana svinene ni vatatana va n'wina.

Varhoma 8:23

Akukonyi svivumbiwa ntsena, kambe na hina hingayamukela mihandzu yorhanga ya Moya Lowokwetsima, hakonya ndzeni ka hina, na hili karhi hilangutela kuyendliwa vana, kunga kuponisiwa ka miri wa hina.

Varhoma 8:11

Kutani loko Moya wa Xikwembu lexingapfuxa Yesu xikarhi ka vafi wuyakile ka n'wina, yena lweyi apfuxeke Kriste xikarhi ka vafi, atahanyisa miri wa n'wina lowufaka, hi Moya wa yena lowuyakeke ka n'wina.

Marka 3:5

Yesu avarhalarhala hi mahlo na ahlundzukile, na avavisekile hi kunonon'hwa ka timbilu ta vona, kutani aku ka wanuna lwiya: “Tshabuluta voko ra wena.” Aritshabuluta, kutani voko ra yena ritlhela riwololoka.

Vaheveru 3:10

Hikolaho ka svona, nihlundzukela vanhu va rixaka lero, niku: ‘Timbilu ta vona tihambuka ndleleni masiku hinkwawu, avativanga tindlela ta mina.’

1 Vakorinto 1:30

Hi kuyendla ka xona, mi le ka Kriste Yesu, kutani hi xona Xikwembu lexingayendla lesvaku Kriste ava vutlhari ka hina; ha yena hiyendliwa lavalulameke, hihundzuka vakwetsimi va Xikwembu, hiva ni kukutsuliwa.

Vaheveru 3:17

Kutani avali vamani lava xingavahlundzukela hi malembe ya mune wa makume ke? Xana ahi lava vajoheke, lava mintsumbu ya vona yiweke yisala mananga ke?

1 Vakorinto 15:54

Kutani loko lexibolaka xitava xifunengele lexingaboliki, ni loko lexifaka xitava xifunengele lexingafiki, hi kona rito leritsaliweke ringatahetiseka, leringe: “Rifu rimitiwile, rihluliwele makumu.”

Luka 21:28

Loko svilo svosvo svisungula kuhumelela, wololokani mitlakusa tinhloko ta n'wina, milanguta henhla, hikuva kukutsuliwa ka n'wina kule kusuhi.”

Yohane 3:33

Lweyi apfumelaka vumboni bza yena, atiyisile lesvaku Xikwembu i ntiyiso.

Vaheveru 10:29

Kutani-ke, miyehleketa yini hi munhu lweyi akandziyeleke milengeni ya N'wana wa Xikwembu, lweyi anyamiseke ngati ya ntwananu leyi angakwetsimisiwa ha yona, atlhela arhuketela Moya wa timpsalu, xana? Xana munhu lweyi atabiwa hi nhonga leyovavisa kufika kwihi ke?