Vaefesa 4:3 - Testamente Leyimpsha Xichangana

³ Yendlani hi matimba kuhlayisa vun'we lebzinyikiwaka hi Moya, mihanyisana hi kurhula.

BIBELE Mahungu Lamanene

³ Endlani hi matimba ku hlayisa vun'we lebyi nyikiwaka hi Moya, mi hanyisana hi ku rhula.

Xitsonga (Bibele)

³ mi chivirika ku hlayisa vun'we bya Moya hi xiboho xa ku rhula.

Vaefesa 4:3 Referans Kwoze

1 Vakorinto 1:10

Namikhongotela vamakwerhu, hi vito ra Hosi ya hina Yesu Kriste, nili: Twananani hinkwenu kuvulavuleni. Kungatshuki kuva ni kuhambana xikarhi ka n'wina, kambe mihlangana miva van'we kupimiseni ni le makungwini ya n'wina;

Vaheveru 12:14

Ringetani hi matimba kuhanya hi kurhula ni vanhu hinkwavu, miringeta ni kukwetsima, hikuva handle ka kukwetsima aku na munhu ni mun'we lweyi angatavona Hosi.

Yohane 13:34

Niminyika Nawu lowumpsha nili: Rhandzanani! Kukotisa lesvi mina nimirhandzeke, rhandzanani na n'wina.

2 Vakorinto 13:11

Svosvi-ke, vamakwerhu, nili: Salani! Vanani lavahetisekeke; yamukelani kuchaveleliwa; miva ni kuyanakanya kun'we; mihanya hi kurhula; kutani Xikwembu xa rirhandzu ni xa kurhula xitava na n'wina.

1 Vatesalonika 5:13

mivaxixima svinene hi rirhandzu, hikolaho ka ntirho wa vona. Hanyani svin'we hi kurhula.

Vaefesa 4:4

Ku ni miri wun'we, ni Moya wun'we, tani hi lesvi kunga ni kulangutela kun'we loku Xikwembu xingaminyika kona, siku leri ximivitaneke;

Vaefesa 4:13

Kutani kuheteleleni, hitahlangana svin'we hinkwerhu ka vun'we lebzitisiwaka hi kupfumela ka N'wana wa Xikwembu ni kumutiva, kutani hihundzuka vanhu lavawupfeke, hikula ni kufika ka xiyimu lexihetisekeke xa Kriste.

Marka 3:24

Nasvona, loko mfumu wuyavana hi le xikarhi, mfumu lowu awukoti kutiya.