Vaefesa 4:24 - Testamente Leyimpsha Xichangana

²⁴ Yambalani munhu lwe mumpsha lweyi avumbiweke hi xifaniso xa Xikwembu, lweyi atikombaka hi kululama ka yena ni kuhlawuleka lokunga ni ntiyiso.

BIBELE Mahungu Lamanene

²⁴ Ambalani munhu lontshwa la vumbiweke hi xifaniso xa Xikwembu, la tikombaka hi ku lulama ka yena ni ku hlawuleka loku nga ni ntiyiso.

Xitsonga (Bibele)

²⁴ ni leswaku mi ambala munhu lontshwa, la vumbiweke hi xifaniso xa Xikwembu, eku lulameni ni le ku kwetsimeni ka ntiyiso.

Vaefesa 4:24 Referans Kwoze

2 Vakorinto 5:17

Loko munhu ali ka Kriste, i xivumbiwa leximpsha.

Vaefesa 2:10

Hikuva hina hivumbiwile hi Xikwembu, kutani, ka Yesu Kriste, Xikwembu xihivumbele kutirha mintirho leyinene, leyi xihilungiseleke yona khale, lesvaku hitayendla yona.

Varhoma 13:14

kambe miyambala Hosi Yesu Kriste, kutani mingatsetseleleni sva nyama ya n'wina, hi kuyikolwisa kunaveleni ka yona.

Vaefesa 6:11

Yambalani svisirhelelo ni matlhari hinkwawu lawa Xikwembu ximinyikaka wona, lesvaku mitakota kuyima milwa ni mindzingo yobiha ya Diyavulosi.

Varhoma 6:4

Loko svilitano, hikhuvuleliwa kufa ka yena, hilahliwile na yena, lesvaku kukotisa lesvi Kriste apfuxiweke xikarhi ka vafi, hi matimba ya kukwetsima ya Tatana, na hina hitahanya hi ndlela leyimpsha.

2 Vakorinto 3:18

Hina hinkwerhu lava hinga ni tinghohe tofununguliwa, hikombaka kuphatima ka Hosi kufana ni xib'uku, hihundzukile lavafanaka na yena hi kuphatima loku kungangamukaka kuya mahlweni. Hosi yiyendlile svosvo, yona yinga Moya.

2 Vakorinto 4:16

Hikolaho ahiheli mbilu; hambilesvi hihlakalaka hi tlhelo ra munhu wa hina wa le handle, hi tlhelo ra munhu wa hina wa le ndzeni, hihundzuka lavampsha siku rin'wana ni rin'wana.

Varhoma 13:12

Vusiku bzihundzile, vuxa bzitshinele. Hikolaho, ahicukumeteni mintirho ya munyama, kutani hitamela matlhari ya kuvonakala.

Tito 2:14

Hi yena lweyi atinyiketeke hikolaho ka hina, lesvaku ahikutsula kuhombolokeni hinkwaku, ahiyendla vanhu lavatengeke, lava vanga va yena ntsena, ni lava vachivirikelaka kuyendla lesvinene.

1 Petro 2:2

Kufana ni vatsongwana lava vahakuvelekiwaka, mifanele kunavela ntswamba lowubaseke wa moya, lesvaku ha wona mitakota kukula miya kuponisiweni,

Varhoma 8:29

Hikuva lava xivativeke kahali kusunguleni, xilulamisile kahali khale lesvaku vatavonaka na vali lavafanaka ni N'wana wa xona, ni lesvaku ava yena wa mativula xikarhi ka vamakwavu lavanyingi.

Yohane 17:17

Vakwetsimisi antiyisweni; rito ra wena i ntiyiso.

Vagalatiya 6:15

Hikuva, hambi munhu ayimbile kumbe angayimbanga, asvihlayi nchumu. Mhaka leyikulu i kuva xivumbiwa leximpsha.

Vagalatiya 3:27

Hinkwenu lava mingatsakamisiwa ka Kriste, miyambalile Kriste.

1 Vakorinto 15:53

Hikuva lexibolaka xifanele kufunengela lexingaboliki, ni lexi xifaka xifanele kufunengela lexingafiki.

Vaefesa 2:15

Ahelisile Nawu lowunga ni svileriso ni svinawanawana; ayendlile lesvi lesvaku, hi tinxaka leti timbirhi, atavumba vanhu van'we lavampsha lavahlanganaka ka yena, kutani svitisa kurhula.

Vaheveru 12:14

Ringetani hi matimba kuhanya hi kurhula ni vanhu hinkwavu, miringeta ni kukwetsima, hikuva handle ka kukwetsima aku na munhu ni mun'we lweyi angatavona Hosi.

Vaheveru 1:8

Kambe hi tlhelo ra N'wana, xite: “Xiluvelo xa wena, we Xikwembu, i xa minkarhi ni minkarhi, nhonga ya wena ya vuhosi i nhonga ya kululama.

Luka 1:75

hi kuhlawuleka ni kululama mahlweni ka xona, masiku hinkwawu ya kuhanya ka hina.

Varhoma 7:6

Kambe svosvi hitshunxiwile Nawini, lesvi hingafa hi tlhelo ra lesvi ahibohiwile hi svona khale; hi kolaho ke, hitirhela Xikwembu hi ndlela leyimpsha ya Moya, kungali hi leyi ya khale ya lesvitsaliweke Nawini.

Varhoma 12:2

Mingalandzeni hanyela ra nguva leyi, kambe mipfumela kuhundzuka miva vampsha kupimiseni ka n'wina, mitakota kutwisisa lesvi kurhandza lokunene ka Xikwembu, lokukhensekaka ni kuhetiseka, kunga svona.

2 Petro 1:4

Hi ndlela leyi hinyikiwile svitshembiso sva Hosi lesvikulu ngopfu, sva risima, lesvaku ha svona mitakota kupona kuwonhekeni lokunga kona misaveni hikolaho ka kunavela lokobiha, mihundzuka lavayaveliweke vutomi lebzi bzihumaka ka Xikwembu.