Vaefesa 4:22 - Testamente Leyimpsha Xichangana

²² Hikolaho, tshikani mahanyela ya n'wina ya khale, mihlivila munhu wa khale lweyi aawonhiwa hi mhaka ya kunavela ka yena loku kukanganyisaka.

BIBELE Mahungu Lamanene

²² Hikokwalaho, tshikani mahanyelo ya n'wina ya khale, mi hluvula munhu wa khale loyi a a onhiwa hi mhaka ya ku navela ka yena loku kanganyisaka.

Xitsonga (Bibele)

²² hileswaku, loko ku ri ku famba ka n'wina ka khale, mi tintshunxa eka munhu wa khale, la onhiweke hi ku navela loku dyelelaka,

Vaefesa 4:22 Referans Kwoze

Varhoma 6:6

Lesvi hisvitivaka hi lesvaku munhu wa hina wa khale avambiwile na Kriste xihambanwini lesvaku matimba ya munhu lweyi wa kujoha mahelisiwa, ni lesvaku hitakala hingahavi svitirhi sva kujoha.

Vaheveru 12:1

Hikolaho, lesvi hirhendzeliweke hi refu lerikulu ra timboni, na hina ahitshikeni hinkwasvu lesvi svihisivelaka, ni vujoho lebzihantlaka kuhinamarhela, hitsutsuma na hili ni kutiyisela kutsutsumeni ka mpfhuka lowu hi vekeliweke wona.

Yakobo 1:21

Hikolaho, susani chaka hinkwaru ni vubihi hinkwabzu lebzihantlaka kumila, kutani miyamukela hi kutitsongahata rito leribzaliwaka timbilwini ta n'wina, lerikotaka kumiponisa.

Vaheveru 3:13

Kambe khongotelanani masiku hinkwawu, loko mahatwa rito leringe “namuntlha”, lesvaku kungavi na mun'we xikarhi ka n'wina lweyi atinonon'hwisaka hi kuxisiwa hi vujohi.

Tito 3:3

Na hina khale ahili sviphukuphuku, hihumile ndleleni, hiyala kuyingisa; ahili svikarawa sva kunavela, ni sva kutitsakisa kohambanahambana; ahili lavahanyaka hi mona ni mavondzo; ahivengiwa, na hina hivengana.

Vaefesa 4:25

Hikolaho-ke, tshikani mavunhwa; mun'wana ni mun'wana aavulavuli ntiyiso ka munhukulobze, hikuva hinkwerhu hi svirho sva miri wun'we.

1 Petro 4:3

Tshikani kuyendla lesvitsakeliwaka hi vamatiko, hikuva sviringene loko misviyendlile minkameni leyihundzeke. Khale amihanya hi kuyendla sva kubiha, hi kunavela kutitsakisa, hi kudakwa, ni makolo, ni kuhanya mabzaleni, ni kugandzela svikwembu sva hava lesvingalavekiki.

Vaefesa 4:17

Hikolaho, nivula lesvi ni kusvitiyisa hi vito ra Hosi, nili: Mingahahanyeni kufana ni lesvi vamatiko vahanyisaka xisvona, hi kuyanakanya ka vona lokungapfuniki nchumu.

2 Petro 2:13

Vatayamukela hakelo yobiha, hilaha vangayendla svobiha hakona. Vakuma svivatsakisa vona kucina mintlangu, vanwa nhlekanhi hinkwawu. I svivati, ni svisandzu vanhwini. Ni loko vali na n'wina minkhubzini, vona vatsakela kucina ni kunwa ngopfu.

1 Petro 1:18

Masvitiva lesvaku miponisiwile ka tindlela letingapfuniki nchumu, leti mitikumeke ka vatatana va n'wina; miponisiwile kungali hi svilo lesviwonhekaka kufana ni silivhere kumbe golidi,

Vakolosa 2:11

Ka yena miyimbisiwile, kungali hi mavoko ya vanhu, kambe hi kuyimbisiwa ka Kriste, loku kuhitshunxaka ka miri lowu wa vujohi.

Vaefesa 2:3

Na hina hinkwerhu khale ahifana na vona, hihanya hi kunavela ka nyama ya hina ya laha misaveni, hiyendla hinkwasvu lesvitsakisaka miri ni kuyehleketa ka hina; kutani na hina, hi kutumbuluka, ahifaneliwile hi vukarhi bza Xikwembu, kufana ni vanhu van'wana.

2 Petro 2:7

Nasvona xiponisile Loti munhu wolulama, loko yena atwile kuvava hi mhaka ya svilo sva tingana lesvi asviyendliwa hi vanhu lavobiha;

Vagalatiya 1:13

Mitwile lesvi anihanyisa svona khale, loko na ha hanya Xiyuda. Mitiva hilaha ningaxanisa ni kuhelisa kereke ya Xikwembu hakona, ningatsetseleli munhu.

Varhoma 7:11

Hikuva kujoha kukumile ndlela hi mhaka ya xileriso, kutani kunikanganyisile, ni kunidlaya hikolaho ka xileriso lexi.

Yakobo 1:26

Loko munhu ayanakanya lesvaku a ni vukhongeli, kambe angafumi ririmi ra yena, munhu lweyi watikanganyisa, vukhongeli bza yena abzipfuni nchumu.

2 Vakorinto 11:3

Kambe, kufana ni lesvi nyoka yikanganyiseke Evha hi maqhinga ya yona, nachava lesvaku hi tindlela tin'wana miyanakanyu ya n'wina yingawonhiwa, kutani mingahasvikoti kulandzela Kriste hi kutinyiketa ni kutenga.

Vaefesa 4:31

Lesvi sva kubava hinkwasvu, ni mahlundzu hinkwawu, ni kukariha hinkwaku, asvisusiwe xikarhi ka n'wina; tshikani kuholova ni kurhuketelana, misusa mona hinkwawu.