Vaefesa 4:17 - Testamente Leyimpsha Xichangana

¹⁷ Hikolaho, nivula lesvi ni kusvitiyisa hi vito ra Hosi, nili: Mingahahanyeni kufana ni lesvi vamatiko vahanyisaka xisvona, hi kuyanakanya ka vona lokungapfuniki nchumu.

BIBELE Mahungu Lamanene

¹⁷ Hikokwalaho, ndzi vula leswi ni ku swi tiyisa hi vito ra Hosi, ndzi ri: Mi nga ha hanyi ku fana ni leswi vamatiko va hanyisaka xiswona, hi miehleketo ya vona leyi nga pfuniki nchumu.

Xitsonga (Bibele)

¹⁷ Lexi ndzi xi vulaka, ni lexi ndzi xi tiyisaka eHosini, hileswaku mi nga tshuki ma ha famba kukotisa vahedeni lava fambaka hi miehleketo ya hava ya vona,

Vaefesa 4:17 Referans Kwoze

Varhoma 1:21

Hambi loko vativile Xikwembu, avaxidzunisanga vaku i Xikwembu, avaxikhensanga; kambe vapimisile lesvokala svingapfuni nchumu, ni timbilu ta vona letingaliki na kutwisisa tibihisiwile.

2 Petro 2:18

Vatlakusa rito ni kutidzunisa ngopfu hi svilo sva hava; hi kunavela lokobiha ka sva manyala sva laha misaveni, vaphasa vanhu lava vaha kuponaka mavokweni ya valahleki.

Vakolosa 2:4

Nihlaya lesvi lesvaku kungavi na lweyi amikanganyisaka hi marito lamaringetaka kumikholwisa.

1 Petro 1:18

Masvitiva lesvaku miponisiwile ka tindlela letingapfuniki nchumu, leti mitikumeke ka vatatana va n'wina; miponisiwile kungali hi svilo lesviwonhekaka kufana ni silivhere kumbe golidi,

Timhaka 20:21

Nitsundzuxile svinene Vayuda ni Vagirika kuhundzukela ka Xikwembu ni kupfumela ka Hosi ya hina Yesu.

Timhaka 18:5

Loko Silasi na Timotewu vatile hi le Makedoniya, Pawulo atinyiketa kujondzisa Rito ntsena, angahatirhi svin'wana; atiyisa ka Vayuda lesvaku Mesiya, hi yena Yesu.

Timhaka 14:15

vaku: “Vavanuna, hikolaho ka yini miyendla lesvo xana? Kuve na hina hi vanhu lava vafanaka na n'wina hi ntumbuluku; mahungu lamanene lawa hi mitiselaka wona hi lesvaku mitshika mintirho leyi ya sva hava, mihundzukela ka Xikwembu lexihanyaka, lexingayendla tilo ni misava, ni lwandle, ni svilo hinkwasvu lesvinga ka svona;

2 Timotiya 4:1

Mahlweni ka Xikwembu ni le ka Kriste Yesu lweyi angatayavanyisa lavahanyaka ni lavafeke, ni hikolaho ka kuhumelela ka Yesu ni Mfumu wa yena, na kukhongotela svinene nili:

1 Timotiya 6:13

Mahlweni ka Xikwembu lexinyikaka vutomi ka svilo hinkwasvu, ni le mahlweni ka Kriste Yesu lweyi avekeke vumboni lebzinene mahlweni ka Pontiyo Pilato, nakubzela nili:

1 Timotiya 5:21

Mahlweni ka Xikwembu ni ka Kriste Yesu ni ka tintsumi letohlawuleka, nakukhongotela svinene kuhlayisa timfanelo leti, ungatekeli kuyavanyisa, nakona ungayi hi nghohe.

1 Vatesalonika 4:6

Amhakeni leyi, kungavi ni lweyi ajohelaka makwavu, kumbe kumukanganyisa, hikuva Hosi i murihiseli wa svilo lesvi hinkwasvu, hilaha hingamibzela khale ni kumitsundzuxa svinene hakona.

Vakolosa 2:18

Munhu angatshuki amitekela hakelo ya n'wina hi kutitsongahata, kukanganyisa ni kugandzela tintsumi, na ali karhi apfumela ngopfu sva milorho ya yena, atikulisa hi sva hava, hi miyehleketo ya yena ya sva nyama;

Vaefesa 4:22

Hikolaho, tshikani mahanyela ya n'wina ya khale, mihlivila munhu wa khale lweyi aawonhiwa hi mhaka ya kunavela ka yena loku kukanganyisaka.

Vaefesa 1:22

Kutani Xikwembu xivekile hinkwasvu hansi ka minkondzo ya Kriste, xitlhela ximuveka Kerekeni, kuva nhloko ya hinkwasvu.

Vagalatiya 5:3

Nilava kuyengeta nitiyisa kambe, ka mun'wana ni mun'wana lweyi apfumelaka kuyimbisiwa, lesvaku afanela kuyendla hinkwasvu lesvi Nawu wuleletaka svona.

Vagalatiya 3:17

Lesvi nihlayaka svona hi lesvi: Nawu lowu wungata ndzhaku ka malembe ya mune wa madzana ni makume manharhu (430), awuhelisi ntwananu lowutiyisiweke khale hi Xikwembu, ni xitshembiso xa xona axicukumetiwi.

2 Vakorinto 9:6

Yanakanyani lesvi: Lweyi abzalaka svitsongo, atatshovela svitsongo; kambe lweyi abzalaka svinyingi, atatshovela svinyingi.

1 Vakorinto 15:50

Lesvi nihlayaka svona, vamakwerhu, hi lesvi: Nyama ni ngati svingakala svingaji ndzhaka ya Mfumu wa Xikwembu, nasvona lesvihantlaka kuwonheka svingakala svingaji ndzhaka ya lesvi svingawonhekiki.

1 Vakorinto 1:12

Nivula lesvi hikuva mun'we wa n'wina ali: “Mina, ni wa ka Pawulo”, mun'wana aku: “Mina ni wa ka Apolosi”, mun'wana aku: “Mina ni wa ka Kefasi”, kasi mun'wana aku: “Mina ni wa ka Kriste.”

Timhaka 2:40

Petrosi atiyisa vumboni bza yena hi marito man'wana lawa yotala, avakhongotela aku: “Hambanani ni rixaka leri rohomboloka lesvaku mitapona.”

Luka 16:28

hikuva ni ni vamakwerhu va ntlhanu. Ataya valaya, lesvaku vangatshuki vata na vona ndhawini leyi ya kuxaniseka.’