Vaefesa 4:16 - Testamente Leyimpsha Xichangana

¹⁶ Miri hinkwawu wutiyisiwa hi yena, na svirho hinkwasvu sva wona svili karhi svihlanganisiwa ni kukhomana svinene, sviyendla xilo xin'we. Kutani loko xirho xin'wana ni xin'wana xitirha ntirho wa xona hi mfanelo, miri hinkwawu wukula, wuyakiwa rirhandzwini.

BIBELE Mahungu Lamanene

¹⁶ Miri hinkwawo wu tiyisiwa hi yena, swirho hinkwaswo swa wona swi ri karhi swi hlanganisiwa ni ku khomana swinene, swi endla xilo xin'we. Kutani loko xirho xin'wana ni xin'wana xi tirha ntirho wa xona hi fanelo, miri hinkwawo wu kula, wu akiwa erirhandzwini.

Xitsonga (Bibele)

¹⁶ yeloyi miri hinkwawo wa yena lowu hlanganeke swinene, ni ku tiyisana swinene hi ku hlangana ka swirho swa wona, wu kuma ku kula hi matimba lama enetaka xirho xin'wana ni xin'wana, leswaku wu akiwa erirhandzwini.

Vaefesa 4:16 Referans Kwoze

Vakolosa 2:19

munhu wotanu anganamarheli nhloko leyi ha yona miri hinkwawu wuphameliwaka ni kuhlanganisiwa svinene, hi minsiha ni tinyama ta wona, kutani wukula hi kukula loku kuhumaka ka Xikwembu.

Yohane 15:5

Hi mina nsinya wa mvhinya; n'wina mimarhavi. lweyi atshamaka ka mina, kukota lesvi na mina nitshamaka ka yena, aveka mihandzu yotala; hikuva handle ka mina mingakala mingakoti kuyendla nchumu.

Vakolosa 2:2

Nilava lesvaku timbilu ta vona titiyisiwa, ni lesvaku vakhomana svin'we hi rirhandzu, kutani vatachaveleliwa hi matlhelo hinkwawu hi kunyikiwa kutwisisa loku kuhetisekeke, lesvaku vativa xihundla xa Xikwembu, anga Kriste.

Vaefesa 4:12

Ntirho wa vona i kupfuna vahlawuliwa va Xikwembu lesvaku vatakota kutirhela van'wana, vayaka miri wa Kriste.

1 Vakorinto 13:13

Svosvi-ke, kutiyile svilo svinharhu: Kupfumela, kulangutela ni rirhandzu; kambe lexikulu ngopfu ka svona i rirhandzu.

Vaefesa 4:15

Matshan'wini ya svosvo, hitahanya ntiyisweni hi moya wa rirhandzu, hikula hi matlhelo hinkwawu ka Kriste, yena lweyi anganhloko.

1 Timotiya 1:5

Kasi, laha xitsundzuxu xa hina xikongomeke kona, i kupfuxa rirhandzu lerihumaka mbilwini leyobasa ni le ripfalwini lerinene, ni le kupfumeleni ka ntiyiso.

1 Vatesalonika 2:13

Kutani mhaka leyi yihisusumetaka kukhensa Xikwembu masiku hinkwawu, hi leyi: Loko himitisele rito ra Xikwembu, miriyingisile ni kuriyamukela, kungali kukota mahungu ya kuhuma ka vanhu, kambe tani hi mahungu ya kuhuma ka Xikwembu. Hakunene mahungu lawa mahuma ka xona, hikuva hi xona xitirhaka hi matimba xikarhi ka n'wina lavapfumeleke.

Vafilipiya 1:9

Xikhongelo xa mina hi lexi: Nikhongela lesvaku rirhandzu ra n'wina riya mahlweni rikula masiku hinkwawu, riva ni vutivi ni kutwisisa loku kuhetisekeke,

Vaefesa 3:17

ni lesvaku Kriste ayaka timbilwini ta n'wina hi kupfumela. Nikhongela lesvaku mimila timintsu rirhandzwini ni kuveka masungulu ya n'wina henhla ka rona,

1 Petro 1:22

Lesvi mibasiseke mimoya ya n'wina hi kuyingisa ntiyiso ni kurhandza vamakwenu hi rirhandzu ra ntiyiso, rhandzananani svinene hi timbilu ta n'wina hinkwatu.

Vaefesa 3:7

Ninyikiwile kuva nandza wa Evhangeli leyi hi timpsalu ta Xikwembu, leti nitikumeke hi matimba ya xona lamatirheke ka mina.

Vaefesa 1:4

Ni loko misava yingasitumbuluxiwa, Xikwembu axihihlawulile ka Kriste, lesvaku hitava lavahlawulekeke ni kupfumala nandzu mahlweni ka xona.

Vagalatiya 5:22

Kasi mihandzu ya Moya i rirhandzu ni kutsaka ni kurhula ni kuleha mbilu ni vunene ni kunyika ni kutshembeka

1 Yohane 4:16

Hikolaho, hina hasvitiva, nasvona hapfumela ka rirhandzu leri Xikwembu xinganarona ka hina. Xikwembu i rirhandzu, lweyi atshamaka rirhandzwini atshama ka Xikwembu, ni Xikwembu xi le ka yena.

2 Vatesalonika 1:3

Svahifanela kukhensa Xikwembu masiku hinkwawu hikolaho ka n'wina, vamakwerhu. Hakunene svafanela svosvo, hikuva kupfumela ka n'wina kuya mahlweni kukula ngopfu, ni kurhandzana ka n'wina hinkwenu kuya kuyengeteleka.

1 Vatesalonika 3:12

Ingi Hosi yingakulisa ni kuyandzisa rirhandzu leri mirhandzanaka ha rona ni kurhandza van'wana, kufana ni lesvi na hina himirhandzisaka xisvona;

1 Vatesalonika 1:3

Mahlweni ka Xikwembu Tatana wa hina, hitsundzuka hilaha kupfumela ka n'wina kutikombeke hakona hi sviyendlo, ni lesvaku michivirika kulanguteleni ka Hosi ya hina Yesu Kriste, hi rirhandzu ni kutikarhata.

Vagalatiya 5:6

Hikuva ka Yesu Kriste, kuyimba kumbe kuva munhu wokala angayimbanga, asvivuli nchumu, kambe lexinga xona i kupfumela loku kutirhaka hi rirhandzu.

1 Vakorinto 8:1

Hi mhaka ya svakuja lesvihumeseliwaka svikwembu sva hava, hitala kuvula lesvaku hi ni vutivi hinkwerhu. Kambe vutivi bzotano bzinyika munhu kutikulisa, kasi rirhandzu rayaka.

Varhoma 12:4

Hikuva kukota lesvi hinga ni svirho lesvinyingi mirini wuli wun'we, nasvona svingaliki na ntirho wun'we,

1 Vakorinto 10:17

Lesvi xinkwa xinga xin'we, hina lava hinga lavanyingi, hi miri wun'we; hikuva hinkwerhu hiyaveliwa xinkwa xin'we.