Vaefesa 4:14 - Testamente Leyimpsha Xichangana

¹⁴ Kutani ahingahavi vatsongwana lavatsekatsekisiwaka, nasvona ahingehepengwisiwi hi jondzo yokala yingali yona, hi kuxengiwa hi vanhu lavakanganyisaka van'wana ni kuvahambukisa hi maqhinga ya vona.

BIBELE Mahungu Lamanene

¹⁴ Kutani a hi nga ha vi swihlangi leswi tlhekatlhekisiwaka ni ku yisiwa hala ni hala hi mheho yihi ni yihi ya dyondzo yo hambuka, hi ku xisetela ka vanhu lava kanganyisaka van'wana ni ku va hambukisa hi mano ya vona.

Xitsonga (Bibele)

¹⁴ hileswaku hi nga ha ti tshama hi va swihlangi leswi nga ni ku kanakana ni ku tsekatsekisiwa hi mheho yihi ni yihi ya dyondzo, hi ku dyelela ka vanhu, ni mano ya vona yo hambukisa hi mavunwa;

Vaefesa 4:14 Referans Kwoze

Vaheveru 13:9

Mingakanganyisiweni hi tijondzo ta tinxakaxaka letingatwisisekiki. Svilulamile loko mbilu yitiyisiwa hi timpsalu ta Xikwembu, kungali hi milawu hi tlhelo ra svakuja, lesvingapfuniki nchumu ka lava vasvilandzelelaka.

1 Vakorinto 14:20

Vamakwerhu, mingafaneni ni vatsongwana kuyanakanyeni ka n'wina. Loko kuli ka lesvobiha mifanele kufana ni svihlangi kambe miva lavakuleke kuyanakanyeni.

1 Yohane 4:1

Varhandziwa, mingapfumeleni ka mimoya hinkwayu, kambe kambisisani mimoya kutiva lesvaku hakunene i ya Xikwembu; hikuva vaprofeta va mavunhwa vahangalakile misaveni.

2 Vakorinto 2:17

Hikuva ahifani ni lavotala, lavayendlaka bindzu leri ra kubiha hi Rito ra Xikwembu; kambe hivulavula kufana ni vanhu va timbilu ta kutenga, kufana ni lavarhumiweke hi Xikwembu; hivulavula mahlweni ka Xikwembu na hili va ka Kriste.

Yakobo 1:6

Ntsena, aakombele hi kupfumela, na angakanakani, hikuva lweyi akanakanaka, afana ni gandlati ra lwandle leribiwaka riyisiwa hala ni hala hi mheho.

Vaefesa 6:11

Yambalani svisirhelelo ni matlhari hinkwawu lawa Xikwembu ximinyikaka wona, lesvaku mitakota kuyima milwa ni mindzingo yobiha ya Diyavulosi.

Matewu 24:24

Hikuva kutahumelela va kriste va mavunhwa, ni vaprofeta va mavunhwa, vatayendla mahlori lamakulu ni svihlamaliso, kukanganyisa hambi valivona vahlawuliwa va Xikwembu, loko svikoteka.

2 Timotiya 4:3

Hikuva nkama wata, lowu vanhu vangatakala vangayamukeli jondzo leyinga yona ya ntiyiso; kambe lesvi tindleve ta vona tinwayisaka, vatatihlengeletela vajondzisi lavangatavajondzisa lesvi vasvitsakelaka.

Yuda 1:12

Vanhu lava i svivati minkhubzeni ya n'wina ya rirhandzu, loko vali karhi vacina vanwa ngopfu na vangali na tingana, vatiphina voxe. I marefu lawa mangahava mpfula, lawa mayisiwaka hala ni hala hi kuhunga ka mimoya; i minsinya ya vuxika yopfumala mihandzu, leyidlayiweke kambirhi hi kutsuvuliwa ni timintsu;

Nhlavutelo 19:20

Xivandzana xikhomiwa, kukhomiwa ni muprofeta wa mavunhwa lweyi aayendla masingita mahlweni ka xona hi masingita lawa, aaxisa lava avali ni mfungu wa xivandzana ni lava avagandzela xifaniso xa xona. Kutani xivandzana ni muprofeta wa mavunhwa vahoxiwa svin'we na vahahanya tiveni ra ndzilo lowupfurhaka na wuli ni xivavula.

Vagalatiya 3:1

Yo! Vagalatiya, sviphukuphuku ndzin'wina! Mixengiwile hi mani xana, n'wina lava mihlamuseliweke svinene ta kuvambiwa ka Yesu Kriste xihambanwini, onge hi loko svihumelelile na misvivona hi mahlo?

Matewu 24:11

Kutahumelela vaprofeta va mavunhwa lavotala, vatakanganyisa vanhu lavanyingi.

1 Yohane 2:26

Nimitsalela svilo lesvi hinkwasvu hikolaho ka lava vamikanganyisaka.

2 Timotiya 3:13

nasvona vanhu lavobiha ni vakanganyisi vataya mahlweni vayengeteleka kubiha, na vali karhi vakanganyisa, na vona vakanganyisiwa.

2 Vakorinto 4:2

Hitshikile mintirho hinkwayu ya munyama ni ya tingana; ahihanyi hi kukanganyisa vanhu; ahihambukisi Rito ra Xikwembu; kambe hihumelelisa ntiyiso rivaleni, kutani hitikomba na hili lavakhensekaka aripfalwini ra mun'wana ni mun'wana, ni le mahlweni ka Xikwembu.

Matewu 11:7

Kutani loko varhumiwa vasukile, Yesu asala avulavula hi Yohani, aku ka xitshungu: Amiyile kuyavona yini mananga xana? Arili rihlanga leritsekatsekisiwaka hi moya xana? Ahihim!

1 Vakorinto 12:2

Masvitiva lesvaku, loko mahali vamatiko, amiyisiwa hala ni hala, mikokeliwa ka svikwembu sva hava lesvingavulavuliki.

Timhaka 23:21

Ungatshuki uvapfumelela, hikuva vavanuna lavatlulaka mune wa makume vamutumbelelile, vatibohile hi kufunga, vaku: ‘Hingakala hingaji ni kunwa, loko hingasi mudlaya.’ Ni svosvi vatilungisile, vakarhi valangutela lesvaku upfumela.”

1 Yohane 2:19

Vahumile ka hina, kambe avangali va hina; hikuva loko avali va hina avatatshama na hina ni svosvi, kambe lesvi svihumelelile akuva kutavoneka lesvaku ahi hinkwavu vanga va ka hina.

2 Petro 2:18

Vatlakusa rito ni kutidzunisa ngopfu hi svilo sva hava; hi kunavela lokobiha ka sva manyala sva laha misaveni, vaphasa vanhu lava vaha kuponaka mavokweni ya valahleki.

Yakobo 3:4

Langutani svitimela sva mati tani hi xikombiso: Hambilesvi svinga svikulu svinene ni kususumetiwa hi mimoya ya matimba, svifambisiwa hi xihendzulo lexitsongo ngopfu, sviya laha mufambisi wa svona alavaka kuya kona.

1 Timotiya 3:6

Angavi munhu lweyi ahakupfumelaka, hikuva angatshuka ateliwa hi kutikulisa atikukumuxa, kutani ayavanyisiwa kufana na Diyavulosi.

2 Timotiya 1:15

Wasvitiva lesvaku hinkwavu lavanga le tikweni ra Aziya vanisukelile, xikarhi ka vona ku na Fixjelo na Hermoxjene.

1 Vakorinto 3:19

Hikuva vutlhari bza misava leyi i vuhunguki mahlweni ka Xikwembu. Kutsaliwile lesvi: “Xikwembu xiphasa tintlhari ka maqhinga ya tona.”