Vaefesa 4:12 - Testamente Leyimpsha Xichangana

¹² Ntirho wa vona i kupfuna vahlawuliwa va Xikwembu lesvaku vatakota kutirhela van'wana, vayaka miri wa Kriste.

BIBELE Mahungu Lamanene

¹² Ntirho wa vona i ku pfuna vahlawuriwa va Xikwembu leswaku va ta kota ku tirhela van'wana, va aka miri wa Kriste.

Xitsonga (Bibele)

¹² va ta hetisa vakwetsimi, va endla ntirho wa vurisi, va akisa miri wa Kriste,

Vaefesa 4:12 Referans Kwoze

Vaefesa 4:16

Miri hinkwawu wutiyisiwa hi yena, na svirho hinkwasvu sva wona svili karhi svihlanganisiwa ni kukhomana svinene, sviyendla xilo xin'we. Kutani loko xirho xin'wana ni xin'wana xitirha ntirho wa xona hi mfanelo, miri hinkwawu wukula, wuyakiwa rirhandzwini.

1 Vakorinto 12:27

Xilesvo-ke, n'wina mi miri wa Kriste; kutani mun'wana ni mun'wana wa n'wina i xirho xa wona.

Varhoma 15:14

Loko nili mina, vamakwerhu, natshemba lesvaku na n'wina mitaleliwile hi vunene, ni lesvaku mi ni vutivi lebzinyingi bza tinxakaxaka; masvikota ni kutsundzuxana.

1 Vakorinto 14:26

Vamakwerhu, loko svili lesvo kungayendliwa yini? Loko mihlengeletana, mun'we angava ni Tipisalma, mun'wana angava ni jondzo, kumbe mhaka leyi akombisiweke yona hi Xikwembu, kumbe nyiko yovulavula hi ririmi leringativiwiki, kumbe nyiko yohlamusela lesvivulavuliweke; kambe hinkwasvu asvive lesviyakisaka nhlengeletanu.

Varhoma 14:19

Loko svilitano ke, ahilaveni lesvihipfunaka kuhanya hi kurhula, ni kuyakisana.

1 Timotiya 1:12

Nikhensa lweyi aninyikeke matimba yotirha ntirho lowu, Hosi ya hina, Kriste Yesu; hikuva anivonile na nili lweyi atshembekeke, hi kuniveka ntirhweni wa yena,

1 Vakorinto 14:12

Svitano na n'wina: Lesvi minavelaka kuchivirikela tinyiko ta Moya, yendlani hi matimba kutirhisa letipfunaka kuyaka svirho sva nhlengeletanu.

Vaheveru 13:17

Yingisani varhangeli va n'wina, mititsongahata ka vona, hikuva vahitekela mimoya ya n'wina, kufana ni vanhu lavangatavutisiwa henhla ka yona. Mivona lesvaku valandza ntirho wa vona hi kutsaka, vangawuyendli hi kuvilela, hikuva loko vavilela, asvingamipfuni nchumu n'wina.

Vaheveru 6:1

Hikolaho, ahitshikeni kuyima ka tijondzo letosungula ta vukriste, kambe hikongoma kuhetisekeni, hingahatlheleni hijondzisa hi ta masungulu, tinga ta kuhundzuka ka mintirho leyifeke, ni ta kupfumela ka Xikwembu,

2 Vakorinto 6:3

Ahiveki xikhunguvanyiso ni xin'we ndleleni ya munhu ni mun'we, lesvaku ntirho wa hina wutakala wungasandziwi.

2 Vakorinto 5:18

Hinkwasvu lesvi svihuma ka Xikwembu, lexingayendla lesvaku hivuyelelana na xona ha Kriste; kutani xihinyikile ntirho woyendla lesvaku vanhu vavuyelelana na xona.

Luka 22:32

kambe mina nikukhongelelile, lesvaku kupfumela ka wena kungatshuki kutitivala. Kutani wena, loko utava uhundzukile, utatiyisa vamakwenu.”

2 Timotiya 4:5

Kambe loko ali wena, tiya minkama hinkwayu, yamukela kuxaniseka, tirha ntirho wa kuhiteka wa kuvula evhangeli, hetisa timfanelo ta ntirho wa wena.

Vakolosa 4:17

Nasvona bzelani Arkipo, miku: “Vona lesvaku timfanelo leti unyikiweke tona ntirhweni wa Hosi utihetisisa svinene.”

Vakolosa 1:28

Hi yena lweyi hi mutwalisaka, na hili karhi hi tsundzuxa ni kujondzisa vanhu hinkwavu, hi vutlhari hinkwabzu; hi yendlela kutisa vanhu hinkwavu ka Xikwembu na vali lavahetisekeke ka Kriste.

Vakolosa 1:24

Svosvi-ke, nitsaka hi lesvi nixanisiwaka hikolaho ka n'wina; kutani, hi kuxaniseka ka mina mirini, nihetisa lesvipfumalekeke maxangwini ya Kriste, hikolaho ka miri wa yena, yinga Kereke.

Vaefesa 1:23

Kereke i miri wa yena, yihetiseka hikolaho ka yena lweyi ahetisisaka svilo hinkwasvu hi matlhelo hinkwawu.

2 Vakorinto 12:19

Nkarhi hinkwawu lowu, mipimisa lesvaku hi ringeta kutisasekisa mahlweni ka n'wina. Ahi svona! Hivulavula mahlweni ka Xikwembu, na hili va ka Kriste. Hinkwasvu lesvi, varhandziwa, i sva kumiyaka.

2 Vakorinto 7:1

Varhandziwa, svitshembiso lesvi svinyikiwile hina. Hikolaho, hifanele kutibasisa, hisusa chaka hinkwaru ra miri ni ra moya, hihetiseka vutowini lebzohlawuleka, na hili karhi hichava Xikwembu.

2 Vakorinto 4:1

Hikolaho lesvi Xikwembu, hi timpsalu ta xona, xingahirhuma kutirha ntirho wolowo, ahiheli mbilu.

2 Vakorinto 3:8

Loko svilitano, kuvangama loku kutisiwaka hi Moya, xana akungavi lokukulu kutlulisa ke?

1 Vakorinto 14:14

Hikuva loko nikhongela hi ririmi lero, i moya wa mina lowukhongelaka, kambe miyanakanyu ya mina ayitirhi nchumu.

Varhoma 15:29

Nasvitiva lesvaku, loko nifika ka n'wina, nitamitisela minkateko hinkwayu ya Kriste.

Varhoma 15:2

Mun'wana ni mun'wana wa hina aatsakise munhukulobze, amunavelela lesvinene lesvimuyakaka.

Varhoma 12:7

loko hili ni nyiko ya kutirhela van'wana, ahivatirheleni. Lweyi anga ni nyiko ya kujondzisa, aajondzise;

Timhaka 20:28

Tilanguteleni ke, milangutela ni kereke hinkwayu leyi Moya Wokwetsima wungamiveka kuva vabixopo va yona; risani Kereke ya Xikwembu, leyi xingatikumela yona hi rifu ra N'wana wa xona wa xiviri.

Timhaka 20:24

Hambi svilitano, nivona lesvaku kulahlekeliwa hi vutomi, asvi na mhaka nikutsongo ka mina, loko ningakota ntsena kuheta lesvi ningarhumiwa kuyendla svona, ni ntirho lowu niwuyamukeleke ka Hosi Yesu, wa kuvula Evhangeli ya timpsalu ta Xikwembu.

Timhaka 11:23

Loko afika kona, ni loko avona lesvi timpsalu ta Xikwembu titirheke svona, atsaka; kutani avakhongotela hinkwavu kunamarhela Hosi ni kuyichivirikela hi mbilu.

Timhaka 9:31

Nkameni wolowo, kereke ayili ni kurhula tikweni hinkwaru ra Yudeya, ni ra Galileya, ni ra Samariya, na yili karhi yiyakisiwa ni kuhanya kuxiximeni ka Hosi; kutani ayihandza, yitiyisiwa hi Moya Wokwetsima.

Timhaka 1:25

lesvaku ateka ndhawu ya Yudasi, ntirhweni wa vapostola lowu awutshikeke aya lomu angaya kona.”

Timhaka 1:17

Kasi Yudasi aahlayiwa xikarhi ka hina, nasvona aali mun'we wa hina ntirhweni.”

2 Timotiya 4:11

I Luka ntsena lweyi asaleke na mina. Tana na Marka halenu, hikuva asvikota ngopfu kunitirhela.

Vaefesa 4:29

Akuvulavuleni ka n'wina mingatshukeni mitirhisa marito ya tingana, kambe tirhisani ntsena marito lamapfunaka, lawa mayakisaka ni kuhlamula lesvilavekaka, kutani kuvulavula ka n'wina kutatisa kukateka ka lava vamiyingisaka.

Vaefesa 4:4

Ku ni miri wun'we, ni Moya wun'we, tani hi lesvi kunga ni kulangutela kun'we loku Xikwembu xingaminyika kona, siku leri ximivitaneke;

2 Vakorinto 13:9

Hitsakile loko hitsanile, ni loko n'wina mitiyile; kutani lesvi hisvikombelaka, hi lesvaku n'wina miva lavahetisekeke.

1 Vakorinto 12:7

Munhu mun'wana ni mun'wana apfuleteliwa svin'wana hi Moya, lesvaku svitapfuna hinkwavu.

Varhoma 12:5

hi ndlela yoleyo, na hina, hambi hili vanyingi, hi miri wun'we ka Kriste, kutani mani na mani wa hina i xirho ka mun'wana.

2 Vakorinto 13:11

Svosvi-ke, vamakwerhu, nili: Salani! Vanani lavahetisekeke; yamukelani kuchaveleliwa; miva ni kuyanakanya kun'we; mihanya hi kurhula; kutani Xikwembu xa rirhandzu ni xa kurhula xitava na n'wina.