Vaefesa 3:9 - Testamente Leyimpsha Xichangana

⁹ ni kuyendla lesvaku vanhu hinkwavu vativa hilaha xihundla xa makungu ya Xikwembu xiyendlekaka hakona. Xikwembu, lexinga mutumbuluxi wa hinkwasvu, xitlhotile xihundla lexi minkameni hinkwayu leyihundzeke,

BIBELE Mahungu Lamanene

⁹ ni ku endla leswaku vanhu hinkwavo va tiva hilaha xihundla xa makungu ya Xikwembu xi endlekaka hakona. Xikwembu, lexi nga mutumbuluxi wa hinkwaswo, xi fihlile xihundla lexi eminkarhini hinkwayo leyi hundzeke,

Xitsonga (Bibele)

⁹ ni ku vonakarisa emahlweni ka hinkwavo, ku averiwa ka xihundla lexi ngi xi fihliwile, ka hari mpfhuka wo sungula, eka Xikwembu lexi nga endla hinkwaswo,

Vaefesa 3:9 Referans Kwoze

Vakolosa 1:26

xinga xihundla lexi axitumbelile malembe ni malembe, ka tinxaka hinkwatu, kambe svosvi xipfuleteliweke ka vahlawuliwa va Xikwembu.

Matewu 13:35

lesvaku kutayendleka hilaha rito ra muprofeta ringaku: “Nitavulavula hi svifaniso, nipaluxa timhaka leti atifihliwile, hi mpfhuka misava yitumbuluxiwile.”

2 Timotiya 1:9

Xihiponisile ni kuhivitana hi vitaniwo rokwetsima kuva vanhu va xona, kungali hikolaho ka mintirho ya hina, kambe kuli hikolaho ka makungu ya xona ntsena ni hikolaho ka timpsalu leti xihinyikeke tona ka Kriste Yesu na minkama yingasiva kona.

Vakolosa 3:3

Hikuva mifile, kutani vutomi bza n'wina bzitumbetiwile na Kriste ka Xikwembu.

Matewu 28:19

hi kolaho, fambani ka tinxaka hinkwatu, mivayendla vajondzisiwa va mina, mivakhuvula hi vito ra Tatana, ni ra N'wana, ni ra Moya Lowokwetsima,

Nhlavutelo 4:11

“Svakufanela we Hosi, Xikwembu xa hina, kuyamukela kutwala, ni kudzunisiwa, ni matimba, hikuva hi wena Muyendli wa svilo hinkwasvu, kutani hi kurhandza ka wena svitumbulukile, svikuma kuhanya.”

Tito 1:2

bzinga lebziyakiweke henhla ka kulangutela vutomi lebzingaheliki. Xikwembu lexingaliki na kuhemba xihitshembisile vutomi lebzi, na minkarhi yingasiva kona;

1 Timotiya 3:16

Hakunene, hingatiyisa lesvaku xihundla xa vukhongeli bza hina i xikulu: “Ahumelelile tani hi munhu, ahlayiwile lweyi alulameke moyeni, avoniwile hi tintsumi; apaluxiwile matikweni, apfumeliwile laha misaveni, atekeliwa henhla kukwetsimeni.”

Nhlavutelo 13:8

Kutani vayaki hinkwavu va laha misaveni vataxigandzela; vanga lava mavito ya vona mangatsaliwangiki ka Buku ya Xinyempfana lexi xingadlawa kusukela kutumbulukeni ka matilo ni misava.

1 Petro 1:20

Lweyi angativiwa hi Xikwembu, na misava yingasitumbuluka, akombisiwa hikolaho ka n'wina, minkameni leyi ya makumu.

2 Timotiya 4:17

Kambe Hosi yiyimile na mina yinitiyisa, lesvaku nikota kuchumayela Rito niheta, ni lesvaku vamatiko hinkwavu vatakota kuritwa. Nasvona niwutliwile non'weni wa nghonyama;

2 Vatesalonika 2:13

Svahifanela kukhensa Xikwembu masiku hinkwawu hikolaho ka n'wina vamakwerhu, n'wina lava Hosi yimirhandzaka, hikuva Xikwembu ximihlawulile lesvaku miva lavorhanga kuponisiwa, hi Moya lowumiyendlaka lavabaseke, ni kupfumela ka n'wina ka ntiyiso.

Vakolosa 1:23

Kambe mifanele kutiya kupfumeleni, na miyimile masungulweni yakona mingatsekatseki, na mingahambani ni kulangutela loku mikukumeke hi kutwa Evhangeli. Evhangeli leyi yitwalisiwile ka svivumbiwa hinkwasvu lesvinga hansi ka tilo, kutani mina Pawulo, ni yendliwile mutirhi wa yona.

Vaefesa 1:4

Ni loko misava yingasitumbuluxiwa, Xikwembu axihihlawulile ka Kriste, lesvaku hitava lavahlawulekeke ni kupfumala nandzu mahlweni ka xona.

1 Vakorinto 2:7

kambe hivulavula hi sva vutlhari bza Xikwembu, bzinga bza xihundla, vutlhari lebzi bzifihliweke, lebzi Xikwembu xibzilungiseke kahali kusunguleni, bzintahinyika kudzuneka.

Timhaka 15:18

Hosi yivula svosvo, yona yitirhaka svilo lesvi, svinga svilo lesvitivisiweke khale.

Yohane 10:30

Mina na Tatana hi mun'we.

Yohane 5:19

Hi loko Yesu aku ka vona: “Nitiyisile nili ka n'wina. N'wana angakala angatisunguleli ayendla xilo hi yexe; ayendla ntsena lexi axivoneke xiyendliwa hi Tatana wa yena; hinkwasvu lesvi Tatana asviyendlaka, na yena N'wana wasviyendla.

Yohane 5:17

Kambe Yesu avabzela aku: “Kufika svosvi, Tatana wa mina angasitshika kutirha, kutani na mina, tani hi yena, natirha.”

Luka 24:47

Kutani, hi vito ra yena, timhaka ta kuhundzuka ni ta kurivaleliwa svijoho titapaluxiwa matikweni hinkwawu, kusungula hilaha Yerusalema.’

Matewu 25:34

Hilaha Hosi yingatabzela lavanga vokweni ra yona ra xinene yiku: “‘Tanani n'wina lavakatekisiweke hi Tatana wa mina, yamukelani Mfumu lowungalungiseliwa n'wina hi mpfhuka misava yitumbuluka;

Matewu 10:27

Lesvi nimibzelaka svona axinyameni, svivuleni kuvonakaleni; ni lesvi misvitwaka svihleveteliwa tindleveni, svihuweleleni asvichungweni sva tiyindlo.

Nhlavutelo 17:8

Xivandzana lexi uxivoneke, axili kona, kutani axahali kona, kambe xitafanela kutlhantuka xihuma hi le kheleni leroyenta svinene rokala makumu, xiya kuloveni. Kutani vayaki va laha misaveni, lava mavito ya vona makalaka mangatsaliwanga bukwini ya vutomi khale, na misava yingasitumbuluka, vatahlamala kuvona xivandzana, hikuva axili kona, kutani axahali kona, kambe xitafanela kutlhela xiva kona.

Nhlavutelo 14:6

Kutani nivona ntsumi yin'wana na yili karhi yihaha hi le xikarhi ka tilo, na yili ni Evhangeli leyingaheliki, lesvaku yitayipaluxa ka lava vayakeke misaveni, ka vanhu va matiko hinkwawu, ni va tinxaka hinkwatu, ni va tindzimi hinkwatu, ni va svib'ongo hinkwasvu.

Varhoma 11:25

Kutani vamakwerhu, kuyendlela lesvaku mingatitshuka mititiva ngopfu, nilava lesvaku mitiva xihundla lexi: Hi lesvaku, hi tlhelo rin'wana, Vaisrayele vanonon'hwisiwile, kukondza vamatiko vanghena hinkwavu ka Xikwembu.

Vaefesa 3:2

Mitava mitwile hilaha Xikwembu, hi timpsalu ta xona, xininyikeke hakona ntirho lowu lesvaku nimipfuna,

Vaefesa 6:19

Na mina minikhongelela, lesvaku Xikwembu xinipfula xifuva loko nilava kujondzisa, nitakota kuvulavula na ningachavi nchumu, ni kutivisa vanhu xihundla xa Evhangeli.

Vakolosa 4:3

na hina mihikhongelela, lesvaku Xikwembu xihipfulela nyangwa yojondzisa Rito ra xona, lesvaku hitavula rivaleni xihundla xa Kriste, lexi ninga jele hikolaho ka xona.