Vaefesa 3:10 - Testamente Leyimpsha Xichangana

¹⁰ lesvaku minkameni ya svosvi, hi kutirhisa kereke, xitativisa vutlhari bza xona hi matlhelo hinkwawu ya bzona ka mimoya ya tihosana ni ya matimba henhla matilweni.

BIBELE Mahungu Lamanene

¹⁰ leswaku eminkarhini ya sweswi, hi ku tirhisa kereke, xi ta tivisa vutlhari bya xona hi matlhelo hinkwawo ya byona eka mimoya ya vundhuna ni ya matimba ehenhla matilweni.

Xitsonga (Bibele)

¹⁰ leswaku vutlhari bya Xikwembu lebyi mikhuva ya byona yi nga tala hilaha ku nga hlayiwiki, byi kombisiwa sweswi hi Kereke, eka vakulukumba ni ka vafumi va le matilweni,

Vaefesa 3:10 Referans Kwoze

1 Petro 1:12

Vakombisiwile hi kuhlavuteliwa lesvaku avangatitirheli, kambe avatirhela n'wana, ka svilo lesvi mitivisiweke svona svosvi. Mitivisiwile svilo svakona hi lava vapaluxeke Evhangeli ka n'wina, hi Moya Lowokwetsima lowurhumeliweke hi le tilweni. Svilo svakona, tintsumi na tona tanavela kusvihlometela.

Vaefesa 6:12

Hikuva ahilwi ni vanhu va misava leyi, kambe hilwa ni mimoya leyobiha leyinga mpfhukeni: Hilwa ni vafumi, ni vuhosi, ni vakhinyavezi va misava leyi ya munyama, ni mimoya yobiha leyi hanyaka pfukeni.

1 Vakorinto 2:7

kambe hivulavula hi sva vutlhari bza Xikwembu, bzinga bza xihundla, vutlhari lebzi bzifihliweke, lebzi Xikwembu xibzilungiseke kahali kusunguleni, bzintahinyika kudzuneka.

Varhoma 11:33

Vukosi bza Xikwembu, ni vutlhari bza xona, ni vutivi bza xona, ahikuyeta ka svona! Makungu ya xona mangapimisiwa kuyini, ni tindlela ta xona tingatwisisiwa kuyini xana?

Vaefesa 1:21

Kriste wafuma kona, henhla ka hinkwasvu lesvinga ni vukulukumba, ni kufuma, ni matimba, ni vuhosi; na svona, a le henhla ka mavito hinkwawu lawa mangavuliwaka, kungali minkameni leyi ntsena, kambe ni ka minkama leyingatata.

Vaefesa 1:3

Akudzunisiwe Xikwembu, Tatana wa Hosi ya hina Yesu Kriste, lexingahikatekisa ka Kriste hi minkateko ya moya wa kuhambanahambana, henhla matilweni:

1 Vakorinto 1:24

kambe ka lavavitaniweke, hambi vali Vayuda, hambi vali Vagirika, Kriste i matimba ya Xikwembu ni vutlhari bza xona.

1 Petro 3:22

yena lweyi ayeke tilweni, kutani svosvi anga vokweni ra xinene ra Xikwembu, na tintsumi ni vafumi ni lesvi sva matimba svili hansi ka yena.

Vakolosa 1:16

Ha yena, Xikwembu xitumbuluxile svilo hinkwasvu, matilweni ni laha misaveni, svilo lesvivonekaka ni lesvingavonekiki, kukota sviluvelo kumbe lesvinga ni vuhosana, ni lesvinga ni vufumi kumbe matimba yofuma. Hinkwasvu svitumbuluxiwile hi yena, nasvona svitumbuluxeliwe yena.

1 Timotiya 3:16

Hakunene, hingatiyisa lesvaku xihundla xa vukhongeli bza hina i xikulu: “Ahumelelile tani hi munhu, ahlayiwile lweyi alulameke moyeni, avoniwile hi tintsumi; apaluxiwile matikweni, apfumeliwile laha misaveni, atekeliwa henhla kukwetsimeni.”

Vaefesa 1:8

tinga leti xingahichululela tona! Hi vutlhari hinkwabzu bza xona ni kuyanakanya hinkwaku ka xona,

Varhoma 8:38

Hikuva nakholwisisa lesvaku, hambi ringava rifu kumbe vutomi, hambi tingava tintsumi kumbe matimba ya madimoni, hambi svingava lesvinga kona svosvi, kumbe lesvingatata, hambi yingava mimoya ya matimba

Vaefesa 1:23

Kereke i miri wa yena, yihetiseka hikolaho ka yena lweyi ahetisisaka svilo hinkwasvu hi matlhelo hinkwawu.

Vakolosa 2:10

kutani n'wina mikumile vutomi lebzotala ka yena; hi yena lweyi anga nhloko ya vuhosi hinkwabzu ni kufuma hinkwaku.

Vakolosa 2:15

Kriste ahetile matimba ya mimoya ya tihosana ni ya tihosi, ayiyendla xisolo rivaleni, hi kuyihlulela makumu hi xihambanu.