Vaefesa 3:1 - Testamente Leyimpsha Xichangana

¹ Mina Pawulo, mubohiwa avutirheleni bza Kriste Yesu, namikhongelela n'wina vamatiko.

BIBELE Mahungu Lamanene

¹ Hikokwalaho, mina Pawulo ndza mi khongelela n'wina vamatiko, ndzi ri mubohiwa hi mhaka ya ku tirhela Kriste.

Xitsonga (Bibele)

¹ Hikwalaho-ke, mina Pawulo, ndzi nga mubohiwa wa Yesu Kriste hikwalaho ka n'wina vahedeni.

Vaefesa 3:1 Referans Kwoze

Vakolosa 1:24

Svosvi-ke, nitsaka hi lesvi nixanisiwaka hikolaho ka n'wina; kutani, hi kuxaniseka ka mina mirini, nihetisa lesvipfumalekeke maxangwini ya Kriste, hikolaho ka miri wa yena, yinga Kereke.

Vaefesa 4:1

Hikolaho-ke, mina ninga mubohiwa ntirhweni wa Hosi, na mikhongotela kuhanya hi ndlela leyifambelanaka ni kuvitaniwa ka n'wina.

2 Timotiya 1:8

Hikolaho, ungavi ni tingana kuveka vumboni hi tlhelo ra Hosi ya hina, hambilesvi mina ninga mubohiwa hikolaho ka yona. Na wena, khensa kuxanisekela Evhangeli, hi kupfuniwa hi matimba ya Xikwembu.

Vaefesa 6:20

Nimuyimeli wa Evhangeli leyi, hambi loko nipfaleliwile jele, hi kolaho khongelani lesvaku nitiya nhlana, niyihlaya hilaha nifanelaka kuyihlaya hakona.

Filemoni 1:9

svayampsa akuva nikukombela hikolaho ka rirhandzu, ni lesvi ninga xikoxa, nasvona ninga mubohiwa ka Yesu Kriste.

Vafilipiya 1:7

Hikolaho, nikuma na svinilulamelile kuyanakanya hi ndlela leyi henhla ka n'wina hinkwenu, hikuva mi le mbilwini ya mina, ingava kubohiweni kumbe kuhlamuleni ka mina ni le kutiyiseni ka Evhangeli, kutani n'wina hinkwenu miyaveliwile nkateko wun'we na mina.

Filemoni 1:1

Pawulo mubohiwa hikolaho ka Kriste Yesu, ni makwerhu Timotewu, ka Filimoni lweyi arhandzekaka ni mupfuni wa hina,

Timhaka 23:18

Kutani ndhuna ya masochwa yifamba ni jaha, yiriyisa ka ndhuna ya nyimpi, yiku: “Mubohiwa Pawulo anivitanile, anikombela lesvaku nita ni jaha leri ka wena; ri ni mhaka leyi ringatakubzela yona.”

Luka 21:12

“Kambe loko svilo lesvi hinkwasvu svingasivakona, vatamikhoma, vamixanisa, vaminyiketa masinagogeni ni le majele, vamiyisa mahlweni ka tihosi ni ka tindhuna hikolaho ka vito ra mina;

Filemoni 1:23

Wakurungula Epafrasi, mubohiwa svin'we na mina ka Yesu Kriste;

Timhaka 26:29

Pawulo aku: “Hambi loko nkama wukomile, hambi loko wulehile, nikhongela Xikwembu lesvaku kungavi wena ntsena kambe ni hinkwavu lava vaniyingisaka namuntlha, miva tani hi mina, handle ka machini lawa.”

2 Timotiya 1:16

Ingi Hosi yingatsetselela njangu wa ka Oneziforo, hikuva makhambi yotala anirhulisile mbilu; na svona, kubohiwa ka mina hi machini akumukhomisanga tingana.

Vakolosa 4:18

Nitsala lesvi hi xiyandla xa mina, nili: Hi mina Pawulo! Mingarivaleni lesvaku ni le jele. Timpsalu ta Xikwembu ative na n'wina!

Vakolosa 4:3

na hina mihikhongelela, lesvaku Xikwembu xihipfulela nyangwa yojondzisa Rito ra xona, lesvaku hitavula rivaleni xihundla xa Kriste, lexi ninga jele hikolaho ka xona.

2 Vakorinto 11:23

Xana i malandza ya Kriste? Na mina ni nandza wa yena, kutlula vona (nivulavula tani hi loko nili munhu wa rihuhe). Nixanisekile kuvatlula, hi kutirha svononon'hwa, ni kupfaleliwa majele, ni kubiwa kutlulisa mpimo, ni kuva kusuhi ni kudlayiwa minkama yotala.

2 Vakorinto 10:1

Mina Pawulo hanoxe, na mikhongotela hi musa ni vunene bza Kriste, mina Pawulo lweyi minge ni ntsongo loko nili xikarhi ka n'wina, kasi loko nili kule na n'wina mili ni nhenha!

Timhaka 21:33

Hi loko ndhuna ya nyimpi yikongoma Pawulo, yimukhoma, yilerisa lesvaku abohiwa hi machini mambirhi; kutani yivutisa yiku: “Munhu lweyi i mani xana? Ayendlile yini ke?”

Nhlavutelo 2:10

Ungachavi lesvinga kusuhi ni kukutwisa kuvava. Vona, Diyavulosi alava kuhoxa van'wana va n'wina jele, lesvaku mitaringiwa, kutani mitava ni kuxaniseka loku kungataheta khume ra masiku. Vana lweyi atshembekaka kufika kufeni, kutani mina nitakunyika hari ya vutomi.

Vaefesa 3:13

Hikolaho nakombela nili: Mingaheleni mbilu, loko mivona lesvaku nixaniseka hikolaho ka n'wina; hinkwasvu lesvi svipfuna n'wina.

Vagalatiya 5:11

Kambe loko mina nahajondzisa hi ta kuyimba, vamakwerhu, xana nahaxanisiwa hikolaho ka yini? Hikuva, loko svilitano, kujondzisa ka mina hi ta xihambanu akungatakwatisa munhu.

Vagalatiya 5:2

Masvivo, mina Pawulo ni mibzela lesvi: Loko mipfumela kuyimbisiwa, svihlaya lesvaku Kriste angamipfuni nchumu nikutsongo.

Timhaka 9:15

Hosi yiku ka yena: “Yana, hikuva munhu lweyi i xitirho lexi ningatihlawulela xona kuyapaluxa vito ra mina ka vamatiko, ni ka tihosi, ni ka Vaisrayele;

2 Vakorinto 1:6

Hikolaho, loko hixaniseka, sviyendlela lesvaku n'wina miva ni kuchaveleliwa ni kuponisiwa; loko hichaveleliwa, sviyendlela lesvaku na n'wina miva ni kuchaveleliwa, kutani minyikiwa matimba yotiyisela mahlomulweni lawa mafanaka ni mahlomulu lawa mahixanisaka.

Vagalatiya 5:24

Lavanga va ka Kriste Yesu va vambile nyama ni sva yona, svifa; avahasvihisekeli, avahasvinaveli.

Vaefesa 3:8

Mina, ninga lwentsongo ngopfu ka vahlawuliwa va Xikwembu hinkwavu, ninyikiwile nkateko lowu wa kufikisa ka vamatiko Evhangeli ya rifuwo leringakontekiki ra Kriste,

Vaefesa 3:11

Xikwembu xiyendlile lesvi hi kulandza kutilulamisela ka xona ka khale, loku xikuhetisiseke ha Yesu Kriste, Hosi ya hina.