Vaefesa 2:8 - Testamente Leyimpsha Xichangana

⁸ Hikuva hi tona timpsalu ta Xikwembu leti timiponiseke, hikolaho ka kupfumela; kutani lesvi asvihumi ka n'wina, kambe i nyiko ya Xikwembu.

BIBELE Mahungu Lamanene

⁸ Hikuva hi tona tintswalo ta Xikwembu leti ti mi poniseke, hikwalaho ka ku pfumela; kutani leswi, a swi humi eka n'wina, kambe i nyiko ya Xikwembu.

Xitsonga (Bibele)

⁸ Hikuva mi hlayisekile hi tintswalo, hi ku pfumela, kutani leswo a swi humi ka n'wina, i ku nyika ka Xikwembu;

Vaefesa 2:8 Referans Kwoze

Vaefesa 2:5

Hikolaho, hambilesvi ahifile hi mhaka ya milandzu ya hina, xihivuyisile vuton'wini svin'we na Kriste. I timpsalu ta Xikwembu leti timiponiseke.

Varhoma 4:16

Kupfumela i mhaka leyilavekaka, lesvaku hinkwasvu sviva lesvitirhiwaka hi timpsalu ta Xikwembu, ni kuyendlela lesvaku xitshembiso xiva lexitiyeke ka vatukulu hinkwavu va Abrahamu, kungali ntsena ka lava vanamarhelaka Nawu, kambe ni ka lava vanamarhelaka kupfumela loku aali nakona; hi yena lweyi anga tatana wa hina hinkwerhu,

Varhoma 10:17

Hikolaho-ke, kupfumela kuta hi kutwa, ni kutwa kuta hi kubzeliwa rito ra Kriste.

Timhaka 16:31

Vona vaku: “Pfumela ka Hosi Yesu, kutani utaponisiwa, wena ni va njangu wa wena.”

Yohane 6:37

Hinkwasvu lesvi Tatana aninyikaka svona, svitata ka mina; ni lweyi ataka ka mina, ningakala ningamucukumeti handle.

Yohane 5:24

“Nitiyisile nili ka n'wina lweyi ayingisaka rito ra mina, ava apfumela ka Lweyi anirhumeke, a ni vutomi lebzingaheliki; kutani angakala angayavanyisiwi, kambe ahumile kufeni ayanghena vuton'wini.

Yohane 4:10

Yesu amuhlamula aku: “Loko onge utivile kunyika ka Xikwembu, ni lweyi ange ka wena; ninyike mati ninwa, awutava ukombela ka yena, kutani aatava akunyikile mati lawa mahanyaka.”

Luka 7:50

Hi loko aku ka wansati: “Kupfumela ka wena kukuponisile, famba hi kurhula.”

Marka 16:16

Lweyi angatapfumela, ava akhuvuliwa, ataponisiwa; kambe lweyi angapfumeliki, atayavanyisiwa.

Yohane 3:36

Lweyi apfumelaka ka N'wana a ni vutomi lebzingaheliki; kambe lweyi angapfumeliki ka N'wana angakala angabzivoni vutomi; kambe avukarhi bza Xikwembu bzitshama ka yena.

Varhoma 4:5

Kasi munhu lweyi angatirhiki, kambe atshemba Xikwembu lexihundzulaka mubihi ava lweyi alulameke, ahlayiwa lweyi alulameke hikolaho ka kupfumela ka yena.

Vaefesa 2:10

Hikuva hina hivumbiwile hi Xikwembu, kutani, ka Yesu Kriste, Xikwembu xihivumbele kutirha mintirho leyinene, leyi xihilungiseleke yona khale, lesvaku hitayendla yona.

Vagalatiya 3:22

kambe Matsalwa mahlaya lesvaku hinkwasvu svifumiwa hi vujohi, lesvaku xitshembiso lexifambelanaka ni kupfumela ka Yesu Kriste, xinyikiwa ntsena lavapfumelaka.

Timhaka 13:39

svosvi mun'wana ni mun'wana lweyi apfumelaka warivaleliwa ka svona ha Yesu.

Vagalatiya 3:14

Hi svolesvi Kriste asviyendleke, lesvaku nkateko lowu Xikwembu xiwunyikeke Abrahamu wufika ka vamatiko ha Yesu Kriste, ni lesvaku, hi kupfumela, hiyamukela nyiko ya Moya leyi hitshembisiweke yona.

Yohane 6:40

Tatana wa mina alava lesvaku mani na mani lweyi alangutaka N'wana, ava apfumela ka yena, ava ni vutomi lebzingaheliki, kutani mina nitamupfuxa hi siku ra makumu.”

Yohane 6:35

Yesu aku ka vona: “Hi mina vusva bza vutomi; lweyi ataka ka mina, angakala angatwi ndlala, ni lweyi apfumelaka ka mina angakala angatwi torha ni siku ni rin'we.

Vaefesa 1:19

mitativa ni vukulu lebzingapimekiki bza matimba ya xona lamatirhaka xikarhi ka hina lavapfumelaka. Matimba lamakulu lawa,

Timhaka 14:27

Akufikeni ka vona, vahlengeleta kereke, vavarungulela hinkwasvu lesvi Xikwembu xisviyendleke ha vona, ni hilaha xingapfulela vamatiko anyangwa yonghena kupfumeleni.

Yohane 6:65

Kutani atlhela aku: “Hikolaho nimibzeleke niku: Aku na munhu lweyi angataka ka mina, loko angapfumeleliwanga svona hi Tatana.”

Vakolosa 2:12

Hi kukhuvuliwa, milahliwile sirheni svin'we na yena, mitlhela mipfuxiwa kufeni svin'we na yena, hi kupfumela lesvaku i matimba ya Xikwembu lamangamipfuxa xikarhi ka vafi.

Yohane 6:44

Aku na munhu lweyi angataka ka mina, loko angatisiwanga ka mina hi Tatana lweyi anirhumeke, kutani mina nitamupfuxa hi siku ra makumu.

1 Petro 1:5

n'wina lava mipfumeleke, kutani mihlayisiwa hi matimba ya Xikwembu, lesvaku mitakuma kuponisiwa loku kuyimeleke kukombisiwa nkameni wa makumu.

Vafilipiya 1:29

Hikuva minyikiwile nkateko wotirhela Kriste, kungali ntsena hi lesvi mipfumeleke ka yena, kambe hi lesvi mixanisekaka hikolaho ka yena.

Varhoma 10:14

Kambe vatakhongelisa kuyini ka lweyi vangasikipfumela ka yena xana? Vatapfumelisa kuyini ka lweyi avangasitwa ta yena ke? Vatasvitwisa kuyini, loko vangali na lweyi avachumayelaka xana?

Matewu 16:17

Yesu ahlamula aku: “Ukatekile Simoni n'wana Yona, hikuva ahi munhu wa misava lweyi angakupfuletela svosvo, kambe i Tatana wa mina lweyi anga matilweni.

Timhaka 16:14

Mun'we wa vona lweyi avaku i Lidiya, muxavisi wa tinguvu tovangama ta xivunguvungu, wa doropa ra Tiyatira, wansati wochava Xikwembu, aali kuyingiseni; kutani Hosi yipfula mbilu ya yena lesvaku atwisisa lesvivuliwaka hi Pawulo.

2 Vatesalonika 1:9

Vanhu lava vatayavanyisiwa hi kuyisiwa kuwonhekeni lokungaheliki, ni nghohe ya Hosi avangayivoni, hambi mali matimba ya yona layokwetsima.

Timhaka 15:11

Kambe loko hi pfumela lesvaku timpsalu ta Hosi Yesu, hi tona tihiponisaka, ni le ka vona svitano.”

Varhoma 9:16

Hikolaho-ke, ahi mhaka leyihumaka kurhandzeni ka munhu kumbe kutikarhateni ka yena, kambe yihuma ka Xikwembu, xinga xona xitsetselelaka.

Vaheveru 6:4

Asvinge koteki ka lava vatshamaka vavoningiwa hi Xikwembu, lavanampseke nyiko ya le tilweni, lavayaveliweke Moya Lowokwetsima,

Matewu 20:9

Kutani lavangatholiwa kolomu ka nkarhi wa vukhume ni wun'we vata, mun'wana ni mun'wana akuma denari yin'we.