Vaefesa 2:15 - Testamente Leyimpsha Xichangana

¹⁵ Ahelisile Nawu lowunga ni svileriso ni svinawanawana; ayendlile lesvi lesvaku, hi tinxaka leti timbirhi, atavumba vanhu van'we lavampsha lavahlanganaka ka yena, kutani svitisa kurhula.

BIBELE Mahungu Lamanene

¹⁵ Ú herisile Nawu lowu nga ni swileriso ni swinawa-nawana; ú endlile leswi leswaku, hi tinxaka leti timbirhi, a ta vumba vanhu van'we lavantshwa lava hlanganaka eka yena, kutani swi tisa ku rhula.

Xitsonga (Bibele)

¹⁵ hikuva u herisile enyameni ya yena nawu wa ku lerisa lowo yimeke hi mikhuva leswaku vambirhi a va hundzulela eka yena, munhu un'we lontshwa, hi ku phahlelana mariyeta,

Vaefesa 2:15 Referans Kwoze

Vakolosa 2:14

xihelisa tsalwa leri khale arihirhwexa nandzu, rihimangalela hi milawu ya rona, kutani xiyisusele tlhelo, xirigongondzela xihambanwini.

Vagalatiya 3:10

Hinkwavu lavatitshembaka hi lesvi vahlayisaka Nawu, va le kurhukiweni, hikuva Matsalwa mali: “Mun'wana ni mun'wana lweyi atsandzekaka kuhlayisa ni kuyendla hinkwasvu lesvitsaliweke bukwini ya Nawu, a le kurhukiweni.”

Vaheveru 8:13

Loko Xikwembu xivulavula hi “ntwananu lowumpsha”, xiteka lowosungula wuva lowungahatirhiki; kutani lesvi svingahatirhiki, lesvihlakalaka, svi le kusuhi ni kunyamalala.

Vakolosa 3:10

hikuva miyambalile munhu wa mahanyela lamampsha lweyi apfuxetiwaka minkama hinkwayu, lesvaku mikota kutiva hi kuhetiseka Xikwembu lexi ximitumbuluxeke hi xifaniso xa xona.

Vakolosa 2:20

Loko mifile na Kriste ni kuhambana ni mimoya leyifumaka misava leyi, hikolaho ka yini mahahanya kufana ni loko mahali va misava xana?

Vagalatiya 6:15

Hikuva, hambi munhu ayimbile kumbe angayimbanga, asvihlayi nchumu. Mhaka leyikulu i kuva xivumbiwa leximpsha.

Vagalatiya 3:28

Hikolaho, aku na Muyuda kumbe Mugriki, aku na xikarawa kumbe mutshunxeki, aku na wanuna kumbe wansati, hikuva hinkwenu miwun'we ka Yesu Kriste.

Vaefesa 4:16

Miri hinkwawu wutiyisiwa hi yena, na svirho hinkwasvu sva wona svili karhi svihlanganisiwa ni kukhomana svinene, sviyendla xilo xin'we. Kutani loko xirho xin'wana ni xin'wana xitirha ntirho wa xona hi mfanelo, miri hinkwawu wukula, wuyakiwa rirhandzwini.

2 Vakorinto 5:17

Loko munhu ali ka Kriste, i xivumbiwa leximpsha.

Vaheveru 7:16

lweyi angava Muprista, kungali hi kulandza milawu ni svileriso sva vanhu, kambe kuli hi matimba ya vutomi lebzingawonhekiki.

Vaheveru 9:23

Loko svilitano, asvifanelile lesvaku svilo lesvi svifanaka kunene ni sva le tilweni, svibasisiwa hi ndlela leyi; kambe svilo sva le tilweni hi svoxe, asvifanele kubasisiwa hi timhamba letitlulaka toleto.

Vaefesa 2:10

Hikuva hina hivumbiwile hi Xikwembu, kutani, ka Yesu Kriste, Xikwembu xihivumbele kutirha mintirho leyinene, leyi xihilungiseleke yona khale, lesvaku hitayendla yona.

Vaefesa 2:14

Kriste hi xiviri, hi yena kurhula ka hina, hikuva ayendlile lesvaku Vayuda ni vamatiko vava vanhu van'we. Hi kunyiketa miri wa yena, ahirimuxile khumbi leri arivahambanisa ni kuvavenganisa.

Vaefesa 2:16

Hi kufa ka yena xihambanwini, Kriste ahelisile rivengo, kutani, hi xihambanu, ahlanganisile tinxaka leti timbirhi tiva vanhu van'we, avavuyisa ka Xikwembu.

Vakolosa 3:11

Laha aku na Mugirika ni Muyuda, aku na lweyi ayimbeke ni lweyi angayimbangiki, aku na munhu wa matiko ni munhu wa hava, aku na xikarawa ni mutshunxeki, kambe i Kriste lweyi anga hinkwasvu ka hinkwavu.

Vakolosa 3:15

Kutani yendlani lesvaku kurhula ka Kriste kufuma timbilwini ta n'wina, kunga kurhula loku mivitaneliweke kona, mirini wun'we ntsena. Nasvona jondzani kukhensa.