Vaefesa 2:12 - Testamente Leyimpsha Xichangana

¹² Minkameni yoleyo, amihambene na Kriste, amingahlayiwi nchumu xikarhi ka Vaisrayele, amingali na kuyaveliwa ka mintwananu ya xitshembiso. Amihanya misaveni leyi na mingali na kulangutela, nasvona mingali na Xikwembu.

BIBELE Mahungu Lamanene

¹² Eminkarhini yoleyo, a mi hambene na Kriste, a mi nga vuriwi nchumu exikarhi ka Vaisraele, a mi nga ri na ku averiwa emintwananweni ya xitshembiso. A mi hanya emisaveni leyi mi nga ri na ku tshemba, naswona mi nga ri na Xikwembu.

Xitsonga (Bibele)

¹² emikarhini yeleyo a mi ri ehandle ka Kriste, a mi hambene ni tiko ra Israele, a mi nga ri na ku averiwa emitwananweni yo tshembisa, a mi nga ri na ku tshemba, a mi nga ri na Xikwembu emisaveni.

Vaefesa 2:12 Referans Kwoze

Vagalatiya 4:8

Khale, loko mingasitiva Xikwembu, amili svikarawa mitirhela svikwembu lesvi hi ntumbuluku svinga sva hava.

Vakolosa 1:21

Na n'wina lava va khale amili kule ni Xikwembu, amili valala va xona hi miyanakanyu ya n'wina ni mintirho ya n'wina leyobiha;

1 Petro 1:3

Akukhensiwe Xikwembu, Tatana wa Hosi ya hina Yesu Kriste! Hi timpsalu ta yena letikulu, ahivelekile ra vumbirhi, lesvaku hiva ni kulangutela loku kuhanyaka, hikolaho ka kupfuka ka Yesu Kriste xikarhi ka vafi,

1 Vatesalonika 4:13

Vamakwerhu, nilava lesvaku mitiva ntiyiso hi tlhelo ra lava vayetleleke vurhongo bza rifu, mitakala mingavaviseki kukota van'wana lavangaliki ni kulangutela.

Vaefesa 4:18

Miyanakanyu ya vona yi le munyameni; ava na kuyaveliwa vuton'wini bza Xikwembu, hikuva ka vona vutivi abzikona, nasvona timbilu ta vona titlanyalile,

1 Vatesalonika 4:5

kungali hi kunavela lokobiha, kufana ni vamatiko lavangativiki Xikwembu.

Yohane 15:5

Hi mina nsinya wa mvhinya; n'wina mimarhavi. lweyi atshamaka ka mina, kukota lesvi na mina nitshamaka ka yena, aveka mihandzu yotala; hikuva handle ka mina mingakala mingakoti kuyendla nchumu.

Vaheveru 6:18

Lesvaku, hi svilo svimbirhi lesvingacinciki, lesvi ka svona svingayendlekiki lesvaku Xikwembu xikumeka na xili muhembi. Kutani hina lava hitsutsumeleke kuyatumbela ka xona, hitiya nhlana svinene, hiyamukela hi mandla mambirhi kulangutela loku kuvekiweke mahlweni ka hina.

Varhoma 9:8

Svihlaya lesvaku ahi vona lavanga vana hi tlhelo ra sva ntumbuluku, lavanga vana va Xikwembu; kambe vana lavangavelekiwa hikolaho ka xitshembiso xa xona, hivona lavahlayiwaka lesvaku i va rixaka ra xiviri.

1 Petro 3:15

Timbilwini ta n'wina, kombisani xichavu ka Kriste, lesvi anga Hosi; masiku hinkwawu tilungiseleni kutihlamulela ka mun'wana ni mun'wana lweyi amivutisisaka henhla ka kulangutela loku minga nakona,

Timhaka 28:20

Hikolaho ni mivitanile lesvaku nitamivona ni kuvulavula na n'wina, hikuva nibohiwile hi chini leri hikolaho ka lweyi Vaisrayele vamulanguteleke.”

Timhaka 3:25

Hi n'wina valandzeli va vaprofeta, hi n'wina vantwananu lowu Xikwembu xingawuyendla ni vatatana va n'wina, loko xite ka Abrahamu: ‘Hi vatukulu va wena, nitakatekisa tinxaka hinkwatu ta misava.’

1 Yohane 3:3

Kutani mani na mani lweyi amulangutelaka, watihlampsa yena hi yexe, kufana ni lesvi yena angatenga.

1 Petro 1:21

Hikolaho ka yena, mi ni kutshemba ka Xikwembu, lexi ximipfuxeke xikarhi ka vafi, xinyika kudzuneka, kuyendlela lesvaku kupfumela ka n'wina ni kulangutela ka n'wina sviva ka Xikwembu.

Vaheveru 11:34

Vatimile ndzilo wa matimba makulu, vapona kutlhaviwa hi matlhari, vakuma matimba na vali lavatsaneke, vahundzuka tinghwazi ta matimba kulweni, vabalekisa tinyimpi ta valala.

1 Timotiya 1:1

Mina Pawulo, mupostola wa Kriste Yesu hi kulerisa ka Xikwembu Muponisi wa hina ni ka Kriste Yesu kulangutela ka hina,

2 Vatesalonika 2:16

Svosvi-ke, ingi Hosi ya hina Yesu Kriste hi yoxe, ni Xikwembu Tatana wa hina lweyi angahirhandza, lweyi angahinyika, hi timpsalu ta yena, kuchavelela lokungaheliki ni kulangutela lokunene,

Vakolosa 1:27

Ka vona Xikwembu xirhandzile kutivisa rifuwo ra xihundla lexi, ni kutwala ka xona xikarhi ka vamatiko; xihundla xakona hi lesvaku Kriste a le ka n'wina, kutani ha yena milangutela kutwala ka Xikwembu lokutaka.

Vakolosa 1:5

hikolaho ka kulangutela loku kuhlayiseliweke n'wina matilweni. Kutshemba loku, mirhange mikutwa ritweni ra ntiyiso, yinga Evhangeli,

Yohane 10:16

Nasvona ni ni tinyempfu tin'wana leti tingaliki ta xib'ala lexi; na tona nifanela kutivuyisa; titayingisa rito ra mina, kutani titayendla ntlhambi wun'we, tiva ni mubzisi mun'we.

Yohane 4:22

N'wina migandzela lexi mingaxitiviki; hina higandzela lexi hixitivaka; hikuva kuponisiwa kuhuma ka Vayuda.

Luka 1:72

Nikukombisa timpsalu ka vatatana va hina, xitsundzuke ntwanano wa xona lowokwetsima;

Timhaka 2:39

hikuva xitshembiso lexi xiyendleliwe n'wina ni vana va n'wina, ni va le kule hinkwavu lavangatavitaniwa hi Yehovha, Xikwembu xa hina.”

Vaefesa 2:19

Hikolaho-ke, n'wina vamatiko amahali va le handle ni vanhu van'wanyana, kambe mi va munti wun'we ni vahlawuliwa va Xikwembu, mi va njangu wa xona.

Vaheveru 8:6

Kambe hilaha timhaka tiyimeke hakona, Kriste akumile vutirheli lebzitlulaka ngopfu lebza khale hi kusaseka, hikuva ntwananu lowu anga muyimeli wa wona wutlakukile kutlula lowa khale, hikuva lowumpsha wubohiwile hi svitshembiso lesvitlakukeke.