Vaefesa 1:13 - Testamente Leyimpsha Xichangana

¹³ Asvili tano na n'wina vamatiko, loko mitwile Rito ra ntiyiso, anga Evhangeli ya kuponisiwa ka n'wina: Mipfumelile ka Kriste, kutani Xikwembu ximifungile hi Moya Lowokwetsima lowu axitshembisile kuminyika wona.

BIBELE Mahungu Lamanene

¹³ A swi ri tano na n'wina vamatiko, loko mi twile Rito ra ntiyiso, ma nga Mahungu Lamanene ya ku ponisiwa ka n'wina: Mi pfumerile eka Kriste, kutani Xikwembu xi mi funghile hi Moya lowo Kwetsima lowu a xi tshembisile ku mi nyika wona.

Xitsonga (Bibele)

¹³ yeloyi, na n'wina mi nga ka yena, n'wina lava yingiseke rito leri tiyeke, yi nga Evhangeli ya ku hlayiseka ka n'wina, yeloyi kambe, siku mi pfumeleke ka yena, mi funghiweke hi Moya lowo Kwetsima lowu tshembisiweke vanhu;

Vaefesa 1:13 Referans Kwoze

2 Vakorinto 1:22

Xihifungile, xivekile Moya wa xona timbilwini ta hina, wuva xitiyiso xa lesvi svahataka.

Vaefesa 4:30

Mingakhomisini tingana Moya Lowokwetsima wa Xikwembu, hikuva i mfungu wa Xikwembu wukomba lesvaku mi vanhu va xona, ni lesvaku siku rata, leri xingatamiponisa ha rona.

2 Timotiya 2:19

Hambi svilitano, masungulu layotiya lamavekiweke hi Xikwembu amatsekatseki; matiyisiwa hi rito leringe: “Hosi yitiva lavanga va yona.” Nasvona: “Mani na mani lweyi avulaka vito ra Hosi, aahambane ni lesvohomboloka.”

1 Vatesalonika 2:13

Kutani mhaka leyi yihisusumetaka kukhensa Xikwembu masiku hinkwawu, hi leyi: Loko himitisele rito ra Xikwembu, miriyingisile ni kuriyamukela, kungali kukota mahungu ya kuhuma ka vanhu, kambe tani hi mahungu ya kuhuma ka Xikwembu. Hakunene mahungu lawa mahuma ka xona, hikuva hi xona xitirhaka hi matimba xikarhi ka n'wina lavapfumeleke.

Varhoma 4:11

Aangasiyimba, ayimbisiwile ndzhaku. Kutani anyikiwile kuyimba wuli mfungu wotiyisa kululama loku akukumeke hi kupfumela, loko angasiyimba. Asvili lesvaku Abrahamu atava tatana moyeni wa hinkwavu lavapfumelaka, kutani vahlayiwa lavalulameke hambi loko vangayimbanga.

Tito 2:11

Hakunene timpsalu ta Xikwembu ta kuponisa vanhu hinkwavu, tihumeseliwe rivaleni;

Vagalatiya 3:14

Hi svolesvi Kriste asviyendleke, lesvaku nkateko lowu Xikwembu xiwunyikeke Abrahamu wufika ka vamatiko ha Yesu Kriste, ni lesvaku, hi kupfumela, hiyamukela nyiko ya Moya leyi hitshembisiweke yona.

Varhoma 1:16

Mhaka hi lesvaku a ni na tingana hi Evhangeli, hikuva i matimba ya Xikwembu yoponisa hinkwavu lavapfumelaka, kusukela ka Vayuda, kuyafika ka vamatiko.

Timhaka 2:33

Svosvi-ke atlhantukisiwile aya vokweni ra xinene ra Xikwembu; ayamukele Moya Wokwetsima lowutshembisiweke, wunga lowuhumaka ka Tatana, kutani achelile henhla ka hina lesvi misvivonaka ni lesvi misvitwaka.

Yohane 14:26

Kambe Muchaveleli anga Moya Lowokwetsima lowu Tatana angatawurhuma hi vito ra mina, atamujondzisa hinkwasvu, ni kumutsundzuxa hinkwasvu lesvi nimibzeleke svona.

Yohane 1:17

Hikuva Nawu wunyikiwile hi Moxe; kambe timpsalu ni ntiyiso svitile ha Yesu Kriste.

Luka 24:49

Loko ali mina, nitamirhumela lesvi Tatana wa mina amitshembiseke svona. Kambe n'wina tshamani kola doropeni, mikondza mifunengetiwa hi matimba ya le henhla.”

1 Petro 2:10

Khale amingali tiko, kambe svosvi mi tiko ra Xikwembu; khale amingatsetseleliwi, kambe svosvi mikumile kutsetseleliwa.

Varhoma 6:17

Kambe akukhensiwe Xikwembu, hikuva n'wina lava va khale amili svikarawa sva kujoha, svosvi miyingisile hi mbilu hinkwayu ntiyiso wa jondzo leyi miyikumeke.

Timhaka 1:4

Siku rin'wana, loko ali na vona, avabzela aku: “Mingatshukeni misuka Yerusalema, kambe tshamani kona, milangutela lesvi Tatana amitshembiseke svona, lesvi mingasvitwa nisvihlaya,

Yohane 15:26

“Siku kungatafika Muchaveleli lweyi ningatamurhumela yena ata hi le ka Tatana, anga Moya wa ntiyiso lowuhumaka ka Tatana, ataveka vumboni ha mina;

Timhaka 13:26

“N'wina valekwerhu minga rixaka ra Abrahamu, ni van'wana lava vachavaka Xikwembu xikarhi ka n'wina: Mahungu lawa ya kuponisiwa marhumeliwile ka hina.”

Yohane 6:27

Mingatirheli svakuja lesvibolaka, kambe tirhelani svakuja lesvingaboliki, svinga lesvinyikaka vutomi lebzingaheliki. Svakuja lesvi, mitanyikiwa hi N'wana-wa-Munhu, hikuva hi yena lweyi Xikwembu Tatana ximufungeke hi mfungu wa xona.”

Luka 11:13

Kutani-ke, lesvi n'wina minga vanhu vatihanyi, mitivaka kunyika vana va n'wina svilo lesvinene, xana Tatana wa letilweni angetlulisi ngopfu kunyika Moya Lowokwetsima ka lavakombelaka ka yena ke?”

Nhlavutelo 7:2

Kutani nivona ntsumi yin'wana yitlhantuka hi tlhelo ra vuxa na yitamele mfungu wa Xikwembu lexi xihanyaka. Yivitana, hi rito leritlakukeke, tintsumi leti ta mune leti Xikwembu xitinyikeke matimba yowonha misava ni lwandle.

Yakobo 1:18

Hi kurhandza ka yena, ahivelekile hi rito ra ntiyiso, lesvaku hiva lavavuliwaka mativula ya svivumbiwa sva yena.

Vaheveru 2:3

xana hina hingapona hi ndlela yihi, loko hinyenya kuponisiwa lokukulu kotanu ke? Hosi yivulile ta kuponisiwa loku, na kahali kusunguleni, kutani kutlhela kutiyisiwa ka hina hi lava vatweke timhaka takona.

2 Timotiya 3:15

nasvona utiva lesvaku kusukela vutsongwanini bza wena, utolovelile Matsalwa Layohlawuleka, lamakotaka kukunyendla ntivi, makuponisa hi kupfumela ka Kriste Yesu.

2 Timotiya 2:15

Yendla hi matimba kuvoneka na uli lweyi akhensekaka mahlweni ka Xikwembu, na ungali na tingana hi ntirho wa wena, ujondzisa Rito ra ntiyiso hi ndlela leyinene.

Vaefesa 4:21

timhaka ta yena mititwile, kutani lesvi minga vanhu va yena Yesu, mijondzisiwile ntiyiso lowu wunga ka yena.

2 Vakorinto 6:7

na hivulavula ntiyiso, na hili ni matimba ya Xikwembu. Matlhari ya hina i kululama, himatamela hi voko ra xinene ni leri ra ximatsi.

Yohane 3:33

Lweyi apfumelaka vumboni bza yena, atiyisile lesvaku Xikwembu i ntiyiso.

Yakobo 1:21

Hikolaho, susani chaka hinkwaru ni vubihi hinkwabzu lebzihantlaka kumila, kutani miyamukela hi kutitsongahata rito leribzaliwaka timbilwini ta n'wina, lerikotaka kumiponisa.