Tito 1:9 - Testamente Leyimpsha Xichangana

⁹ aave munhu lweyi anamarhelaka Rito leritshembekeke, lerifambelanaka ni lesvi svijondzisiwaka, atakota kutiyisa van'wana hi jondzo leyinga ya ntiyiso, nikukomba kuhoxa ka lava valwaka na yona.

BIBELE Mahungu Lamanene

⁹ a a ve munhu la namarhelaka Rito leri tshembekeke, leri fambelanaka ni leswi swi dyondzisiwaka, a ta kota ku tiyisa van'wana hi dyondzo leyi nga yona ya xiviri, ni ku komba ku hoxa ka lava lwaka na yona.

Xitsonga (Bibele)

⁹ la namarhelaka rito hilaha dyondzo yi kombaka hakona a ta lulamela ku khongotela hi dyondzo leyi hanyisaka, ni ku laya vakaneti.

Tito 1:9 Referans Kwoze

2 Vatesalonika 2:15

Hikolaho, vamakwerhu, yimani mitiya, minamarhela timhaka leti himijondziseke tona hi nomo, kumbe hi papela.

2 Timotiya 1:13

Tshama amaritweni lamatiyeke ya ntiyiso, lawa umatweke ka mina, kupfumeleni ni le rirhandzwini leringa ka Kriste Yesu.

1 Timotiya 6:3

Loko munhu mun'wana ajondzisa svotiviwa hi yena, lesvihambaneke ni marito lawa mahanyaka ya ntiyiso ya Hosi ya hina Kriste Yesu, ni jondzo leyifambelanaka ni vukhongeli,

1 Timotiya 1:10

ni vawosvi ni vavanuna lavativanaka hi xinuna kulobze, ni lavayivaka vanhu, ni vahembi, ni lava vokala vangavulavuli ntiyiso, ni lavayendlaka hinkwasvu lesvihambaneke ni jondzo leyinga yona ya ntiyiso.

Nhlavutelo 3:3

Svosvi-ke, tsundzuka lesvi usviyamukeleke ni kusvitwa; svihlayise, uva uhundzuka. Loko ungapfuki uhiteka, nitata kufana ni muyivi, kutani awungatawutiva nkarhi lowu ningatata ka wena ha wona.

1 Timotiya 1:15

Rito leri ritiyile, rifanele kuyamukeliwa hi mandla mambirhi, leringe: “Kriste Yesu atile misaveni kutaponisa vajohi.” Kutani ka vajohi lava, mina ni lweyi worhanga hi vubihi.

Tito 2:1

Kambe wena, ufanela kujondzisa lesvi jondzo leyinga yona ya ntiyiso yilavaka svona.

Tito 1:11

Svafanela lesvaku volavo vamiyetiwa, hikuva vakokela kule vanhu hinkwavu va minjangu yin'wana, vajondzisa lesvi vangafanelangiki kusvijondzisa, hi kunavela rifuwo rohomboloka.

2 Timotiya 4:3

Hikuva nkama wata, lowu vanhu vangatakala vangayamukeli jondzo leyinga yona ya ntiyiso; kambe lesvi tindleve ta vona tinwayisaka, vatatihlengeletela vajondzisi lavangatavajondzisa lesvi vasvitsakelaka.

1 Vatesalonika 5:21

kambe kambisisani hinkwasvu, mitiya ka lesvinene.

Nhlavutelo 3:11

Nitata kungali khale. Hlayisa lesvi unga na svona, lesvaku kungavi na lweyi angatakutekela hari ya wena.

Nhlavutelo 2:25

Ntsena khomani svitiya ka lesvi minga na svona, kukondza nita.

Yuda 1:3

Varhandziwa, aninavela ngopfu kumitsalela timhaka ta kuponisiwa lokunga ka hina hinkwerhu, kambe nikumile lesvaku svanifanela kumitsalela nimikhongotela kulwela vupfumeli lebzi Xikwembu xibzinyikeke kan'we vahlawuliwa va xona.

2 Timotiya 2:25

alaya khwatsi vakaneti va yena; hikuva kumbexana Xikwembu xingayendla lesvaku vatisola vahundzuka, vafika laha vangativaka lesvinga ntiyiso.

2 Timotiya 2:2

Kutani lesvi usvitweke ka mina mahlweni ka timboni letotala, svihundzisele ka vanhu lavotshembeka, lava na vona vangatakota kujondzisa van'wana.

1 Timotiya 4:9

Rito leri ritiyile, rifanela kuyamukeliwa hi mandla mambirhi.

1 Timotiya 1:19

uhlayisa kupfumela hi ripfalu leritshunxekeke. Hi kudlaya mapfalu ya vona, van'wana valahlekeliwile hi kupfumela.

Timhaka 18:28

hikuva, hi marito ya matimba, aakanetana ni Vayuda rivaleni, na avakomba hi Matsalwa lesvaku Mesiya, hi yena Yesu.

1 Vakorinto 14:24

Kambe loko mun'wana ni mun'wana aprofeta, kutani kutanghena munhu lweyi angaliki mupfumeli, marito ya hinkwavu matamukholwisa lesvaku i mujohi, kutani hinkwavu vamuyavanyisa;

2 Timotiya 3:14

Kambe loko ali wena, yana mahlweni ni lesvi usvijondzeke, svinga lesvi ungapfumela ni kutiya ka svona, hikuva utiva lweyi usvijondzeke ka yena;