Tito 1:15 - Testamente Leyimpsha Xichangana

¹⁵ Svilo hinkwasvu svitengile ka lava vatengeke; kambe aku na lexitengeke ka lavanyameke, ni ka lava vangapfumeliki, hikuva miyehleketo ya vona ni mapfalu ya vona svinyamisiwile.

BIBELE Mahungu Lamanene

¹⁵ Swilo hinkwaswo swi tengile eka lava tengeke; kambe a ku na lexi tengeke eka lava nyameke, ni ka lava nga pfumeriki, hikuva miehleketo ya vona ni mapfalo ya vona swi nyamisiwile.

Xitsonga (Bibele)

¹⁵ Hinkwaswo swi tengile eka lava tengeke; kambe a ku na lexi tengeke eka lava thyaka ni ka lava nga pfumeriki; va nyamisiwile timbilu ni mapfalo.

Tito 1:15 Referans Kwoze

Varhoma 14:14

Nasvitiva ni kukholwa svinene, hikolaho ka Hosi Yesu, lesvaku axi kona xilo ni xin'we lexi, hi xoxe, xibiheke; kambe xilo xibihile ntsena ka yena lweyi apimisaka lesvaku xibihile.

Varhoma 14:20

Ungahahluli ntirho wa Xikwembu hikolaho ka svakuja. Svilo hinkwasvu svibasile; kambe i kuhoxa loko munhu, hi kuja ka yena, akhunguvanyisa van'wana.

1 Vakorinto 10:23

Mili: “Hinkwasvu svapfumeleleka.” Svatwala, kambe ahi hinkwasvu lesvipfunaka. Mili: “Hinkwasvu svapfumeleleka.” Kambe ahi hinkwasvu lesviyakisaka.

Matewu 15:18

Kasi lesvihumaka non'weni, svita hi le mbilwini, kutani hi svona lesvinyamisaka munhu.

Varhoma 14:23

Kambe lweyi akanakanaka, wathethisiwa loko aja, hikuva angayendli hi kukholwa; kutani xin'wana ni xin'wana lexingayendliwiki hi kukholwa, i xijoho.

1 Vakorinto 10:31

Nhlamulu hi leyi: Hambi mija, hambi minwa, hambi miyendla yini na yini, yendlani hinkwasvu kudzunisa Xikwembu.

Timhaka 10:15

Rito ritlhela riku ka yena ka vumbirhi: “Svilo lesvi Xikwembu xingavula lesvaku svibasile, ungahlayi lesvaku svayila.”

1 Vakorinto 8:7

Ahi hinkwavu lava vanga ni vutivi lebzi; lesvi vanhu van'wana vahatoloveleke svikwembu sva hava, vaja svakuja sva vona kufana ni loko svili lesvihumeseliweke svikwembu lesvi, kutani ripfalu ra vona richakile hikolaho ka gome ra vona.

Vaheveru 10:22

ahitshineleleni Xikwembu hi mbilu leyinamarhelaka ntiyiso ni kupfumela lokuhetisekeke; timbilu ta hina leti n'watsekiweke, atibase tihambana ni ripfalu lerobiha, ni miri wa hina wuva lowuhlampsiweke hi mati lawa yotenga.

1 Vakorinto 10:25

Nyama leyixaviweke lomu yixavisiwaka kona, janani yona hi ripfalu leritshunxekeke, mingavutisi lomu yihumaka kona,

1 Timotiya 6:5

nasvona svivanga kuholova xikarhi ka vanhu lavaboleke miyanakanyu ni kulahlekeliwa hi ntiyiso, lavayanakanyaka lesvaku vukhongeli i ndlela yokuma rifuwo.

Vaheveru 9:14

ngati ya Kriste yitava leyitlulisaka ngopfu hi matimba; hikuva Kriste atinyiketile hi yexe, hi Moya lowungaheliki, na angali na xisandzu mahlweni ka Xikwembu, kutani ngati ya yena yibasisa mapfalu ya hina mintirhweni leyifeke, lesvaku hitirhela Xikwembu lexihanyaka.

Vaheveru 12:15

Mitivonela ka lesvaku kungavi ni mun'we lweyi atsandzekaka kukuma minkateko ya Hosi; tivoneleni xikarhi ka n'wina kungatshuki kumila “rimintsu ra kubava” lerivangaka kukarhateka, ni kunyamisa lavotala.