Timhaka 9:20 - Testamente Leyimpsha Xichangana

²⁰ Kutani hi kuhantlisa asungula kupaluxa ta Yesu masinagogeni, aku: “Lweyi hi yena N'wana wa Xikwembu.”

BIBELE Mahungu Lamanene

²⁰ Kutani hi ku hatlisa a sungula ku twarisa ta Yesu emasinagogeni, a ku: “Loyi hi yena N'wana wa Xikwembu.”

Xitsonga (Bibele)

²⁰ Kutani Sawulo a hatlisa ku dyondzisa ta Yesu emasinagogeni, a tiyisa leswaku hi yena N'wana wa Xikwembu.

Timhaka 9:20 Referans Kwoze

Yohane 20:28

Tomasi amuhlamula, aku: “Hosi yanga ni Xikwembu xanga!”

Vagalatiya 2:20

hi kolaho, angahali mina lweyi ahanyaka, kambe i Kriste lweyi ahanyaka ka mina. Svosvi, loko nihanya mirini, nihanya hi kupfumela, kunga kupfumela ka N'wana wa Xikwembu lweyi anirhandzeke, ava atinyiketa hikolaho ka mina.

Yohane 1:49

Nataniyeli amuhlamula aku; “Mujondzisi, wena u N'wana wa Xikwembu, wena u Hosi ya Israyele.”

Matewu 27:43

Atshembile Xikwembu, aximuponise svosvi loko ximutsakela, hikuva ate: ‘Ni N'wana wa Xikwembu.’”

Matewu 4:3

Kutani muringi ata ka yena, ataku: “Loko uli N'wana wa Xikwembu, bzela maribze lawa lesvaku mahundzuka svakuja.”

Nhlavutelo 2:18

Tsalela ni ntsumi ya kereke ya le Tiyatira, uku: Marito ya N'wana wa Xikwembu, lweyi anga ni mahlo lawa mafanaka ni malangavi ya ndzilo, lweyi minkondzo ya yena yifanaka ni koporo leyipolichiweke, hi lawa:

Varhoma 1:4

kambe, hi tlhelo ra moya wa yena lowukwetsimaka, svitikombile lesvaku i N'wana wa Xikwembu lweyi anga ni matimba hinkwawu, hi kupfuka ka yena xikarhi ka vafi.

Timhaka 13:14

Loko valivona, vasuka le Perxje, vayafika doropeni ra Antiyoka wa Pizidiya; kutani vanghena sinagogeni hi siku ra Savata, vatshamisa.

Timhaka 13:5

Loko vafikile Salamina, vapaluxa Rito ra Xikwembu masinagogeni ya Vayuda. Avali na Yohani, mupfuni wa vona.

Timhaka 9:22

Kambe Sawulo aali karhi ayengeteleliwa matimba, amiyeta Vayuda lavayakeke Damaska, hi kuvakombisa lesvaku Yesu i Mesiya.

Timhaka 8:36

Vaku vahafamba ndleleni, vafika laha akuli ni mati, kutani ndhuna yiku: “Wasvivo, mati hi lawa; kungasivela yini lesvaku nikhuvuliwa xana?” [

Yohane 20:31

Kambe timhaka leti titsaleliwile n'wina, lesvaku mitakota kupfumela lesvaku Yesu i Kriste, N'wana wa Xikwembu, ni lesvaku, hi mhaka ya kupfumela, miva ni vutomi vitweni ra yena.

Yohane 19:7

Vayuda vamuhlamula, vaku: “Hi ni nawu, kutani hi nawu wa hina afanele kufa, hikuva atiyendlile N'wana wa Xikwembu.”

Matewu 27:54

Loko ndhuna ya dzana ra masochwa ni lava avali na yona kurindza Yesu, vavona kutsekatseka ka misava ni lesvihumeleleke, vachava ngopfu, vaku: “Hakunene munhu lweyi aali N'wana wa Xikwembu.”

Timhaka 13:33

hi lesvaku Xikwembu xihetisisile xitshembiso xakona ka hina vana va vona, hi kupfuxa Yesu kufeni; hi svona lesvitsaliweke ka Pisalma ya vumbirhi, leyinge: “‘U n'wananga, namuntlha ni kupsalile.’”

Timhaka 13:46

Kambe Pawulo na Barnaba vahlamula na vangachavi nchumu, vaku: “Asvifanela lesvaku Rito ra Xikwembu ribzeliwa n'wina kusunguleni; kambe lesvi miricukumetaka, ni lesvi mititsemelaka hi n'wexe, miku amifaneliwi hi vutomi lebzingaheliki, masvivo hina hihundzukela ka vamatiko.”

Timhaka 14:1

Loko Pawulo na Barnaba vali le Ikoniya, vanghena sinagogeni ra Vayuda kufana ni le Antiyoka, vajondzisa kona, kukondza kupfumela vunyingi lebzikulu bza Vayuda ni bza Vagirika.

Timhaka 16:13

Hi siku ra Savata hihuma doropeni, hiya nambzeni, laha hi pimiseke lesvaku kungava ni ndhawu yokhongela ka yona; kuteloko hitshamile, hivulavula ni vavasati lavahlengeletaneke kona.

Timhaka 17:2

Hi kutolovela ka yena, Pawulo anghena nhlengeletanu na vona; kutani hi masiku manharhu ya Savata ahlamulana na vona hi kulandza Matsalwa,

Timhaka 17:10

Hi vusiku bzakona, vamakwavu vahantlisa varhuma Pawulo na Silasi Bereya. Loko vapostola vafikile kona, vanghena sinagogeni ra Vayuda.

Timhaka 17:17

Hikolaho, loko ali sinagogeni, ahlamulana ni Vayuda ni lavachavaka Xikwembu; kutani ayendlisa svosvo ni le hubzeni ya doropa masiku hinkwawu, ahlamulana ni lava avali kona.

Timhaka 18:4

Kutani, masiku hinkwawu ya Savata, Pawulo aahlamulana ni lava avali sinagogeni, aringeta kukholwisa Vayuda ni Vagirika.

Timhaka 18:19

Vayafika le Efesa, laha Pawulo angasiya va Akila kona; kutani anghena sinagogeni, ahlamulana ni Vayuda.

Timhaka 19:8

Pawulo anghena sinagogeni, avulavula na angachavi nchumu; kutani, hi tihweti tinharhu, ahlamulana ni vanhu vakona, avakholwisa timhakeni ta Mfumu wa Xikwembu.

Vagalatiya 1:16

xisvitsakelile kuhlavutela N'wana wa xona ka mina, lesvaku nitamutwalisa ndzeni ka vamatiko. Nkameni wolowo, anivutisanga munhu,

Timhaka 8:37

Filipi aku: “Loko upfumela hi mbilu ya wena hinkwayu, ungakhuvuliwa.” Ahlamula aku: “Napfumela lesvaku Yesu Kriste i N'wana wa Xikwembu.”]