Timhaka 9:14 - Testamente Leyimpsha Xichangana

¹⁴ Kutani ni kola, anyikiwile matimba hi Vaprista lavakulu kukhoma vanhu hinkwavu lavakhongelaka vito ra wena.”

BIBELE Mahungu Lamanene

¹⁴ Kutani ni kwala, ú nyikiwile matimba hi vaprista lavakulu ku khoma vanhu hinkwavo lava khongelaka vito ra wena.”

Xitsonga (Bibele)

¹⁴ Kambe ni kwala, u tile a nyikiwile hi vaprista lavakulu matimba ya ku boha hinkwavo lava khongelaka vito ra wena.”

Timhaka 9:14 Referans Kwoze

Timhaka 9:21

Hinkwavu lavamutwaka, vahlamala ngopfu, vaku: “Xana munhu lweyi ahi yena lweyi aaringeta kuhelisa lavakhongelaka vito lero Yerusalema ke? Xana ni halenu angatelanga kutavakhoma, avayisa ka Vaprista lavakulu ke?”

Timhaka 7:59

Kakuloko vali karhi vamukhandla hi maribze, Stefano akhongela, aku: “Hosi Yesu, yamukela moya wa mina!”

2 Timotiya 2:22

Chava kuhluliwa hi kunavela loku kutelaka lavampsha, ulandza kululama, ni kupfumela, ni rirhandzu, ni kurhula, svin'we ni lavakhongelaka Hosi hi timbilu letitengeke.

1 Vakorinto 1:2

ka kereke ya Xikwembu leyinga Korinto, vanga lavavitaniweke kuva vahlawuliwa va Xikwembu hi kubasisiwa ha Kriste Yesu; ka hinkwavu lavanga matikweni hinkwawu, lavakhongelaka vito ra Hosi ya hina Kriste Yesu, yinga Hosi ya vona ni ya hina, hili:

Timhaka 22:16

Svosvi-ke, uhlwelela yini? Suka uyima, ukhuvuliwa lesvaku ubasisiwa asvijohweni sva wena, hi kukhongela vito ra yena.’

Yohane 15:21

Kambe vatayendla hinkwasvu lesvi ka n'wina hikolaho ka mina, hikuva avamutivi lweyi anirhumeke.