Timhaka 4:36 - Testamente Leyimpsha Xichangana

³⁶ Hi mukhuva lowu Yosefa, Mulevhi lweyi apsaliweke Kipra, lweyi vapostola avaku i Barnaba (hi lesvaku “Lweyi atiyisaka van'wana”),

BIBELE Mahungu Lamanene

³⁶ Hi mukhuva lowu Yosefa, Mulevhi la tswariweke eKipra, loyi vaapostola a va ku i Barnaba (hileswaku “La tiyisaka van'wana”),

Xitsonga (Bibele)

³⁶ Yena Yose, la nga thyiwa Barnaba hi vaapostola, hileswaku N'wana wa ku Chavelela, loyi ingi a ri Mulevhi la tswariweke eKipra,

Timhaka 4:36 Referans Kwoze

Vagalatiya 2:13

Vayuda van'wana lava avali kona, na vona vatluleliwile hi vukanganyisi bza Petrosi, Barnaba akondza akokiwa na yena hi kukanganyisa koloko.

Vagalatiya 2:9

Hikolaho, Yakobe, na Petrosi, na Yohani, lavalangutiwaka vali vona vafambisi va kereke, vawuvonile nkateko lowu Xikwembu xininyikeke wona, kutani vahikhome hi xiyandla, mina na Barnaba, kufunga kutirhisana ka vona na hina: Hina hitaya ka vamatiko, vona vaya ka lavayimbeke.

Vagalatiya 2:1

Ndzhaku ka malembe ya khume ni mune, nitlhele ni tlhantukela Yerusalema na nili na Barnaba, kutani niteka na Tito.

Timhaka 15:39

Kutani kuhumelela kuholovisana xikarhi ka vona, vakondza vayavana; Barnaba ateka Marka, aya Kipra hi ngalawa.

1 Vakorinto 9:6

Xana hi hina ntsena, mina na Barnabasi, lava hikalaka mfanelo yotshika kutirha ke?

Timhaka 21:16

Vajondzisiwa van'wana va Khezariya vafamba na hina, vahifikisa njangwini wa Mnasoni, munhu wo huma Kipra, mun'we wa vajondzisiwa lavakurhanga, laha ahiya rhurheliwa kona.

Timhaka 15:37

Barnaba aanavela lesvaku vateka Yohani, lweyi avaku i Marka, vafamba na yena.

Timhaka 12:25

Kutani loko Barnaba na Sawulo vahetile ntirho wa vona, vasuka Yerusalema, vavuya na vali na Yohani, lweyi avaku i Marka.

Timhaka 11:30

Kunene vayendlisa svosvo, kutani varhumela tinyiko takona ka vakulukumba, tifamba na Barnaba na Sawulo.

Timhaka 15:12

Nhlengeletanu hinkwayu ayimiyelile, yiyingisa Barnaba na Pawulo loko varungula hilaha Xikwembu xivatirhiseke hakona kuyendla mahlori ni svihlamaliso lesvinyingi xikarhi ka vamatiko.

Timhaka 15:2

Kambe Pawulo na Barnaba vahambana ngopfu na vona mhakeni leyi, vaphikizana na vona hi matimba; kutani valulamisa lesvaku Pawulo na Barnaba vataya Yerusalema ni van'wana va Antiyoka, kuyavutisa mhaka leyi ka vapostola ni ka vakulukumba.

Timhaka 9:27

Kutani Barnaba amuteka, amuyisa ka vapostola, avahlamusela hilaha Sawulo avoneke Hosi hakona, loko ali ndleleni, ni lesvaku Hosi yivulavule na yena; ahlamusela ni hilaha angajondzisa hakona hi vito ra Yesu doropeni ra Damaska, na angachavi nchumu.

Marka 3:17

na Yakobe na Yohani vana va Zebedewu (lava angavachula vito ra Bowanerjesi, hi lesvaku vana vaxingwalangwandza);

Timhaka 13:1

Akerekeni ya le Antiyoka, akuli ni vaprofeta ni vajondzisi van'wana, vanga Barnaba, na Simiyoni lweyi avaku i Nigere na Lukiyo wa Kirena, na Manaheme lweyi angakula svin'we na hosi Heroda, na Sawulo.

Timhaka 13:2

Loko vali karhi na vatitsona svakuja vagandzela Hosi, Moya Wokwetsima wuku: “Nihlawuleleni Barnaba na Sawulo, vaya ntirhweni lowu ni vavitaneleke wona.”

Timhaka 13:4

Vona ke, hi kurhumiwa hi Moya Wokwetsima, vangirimela Selukiya, vanghena ngalaweni vapelela Kipra.

Timhaka 13:15

Ndzhaku ka loko kuhlayiwile tindzimana ta Nawu ni ta Vaprofeta, vafambisi va sinagoga vavarhumela rito, vaku: “N'wina valekwerhu, loko mili ni rito rokhongotela vanhu, mingavulavula.”

Timhaka 21:3

Loko hifika laha kulangutaneke ni xihlale vokweni ra ximatsi, hikongoma Siriya, kutani hifika Tiro, hikuva hi kona laha ngalawa ayifanele kuhumesa mindzhwalu ya yona kona.

Timhaka 27:4

Xilesvo hisuka kona, hifamba na hisirheleliwa hi xihlale xa Kipra, hikuva ngalawa ayisiveliwa hi moya lowukulu.

1 Vakorinto 14:3

Kasi lweyi aprofetaka, abzela vanhu marito lawa mayakisaka, ni lawa matiyisaka, ni lawa machavelelaka.

Vakolosa 4:10

Arixtarko, lweyi anga jele svin'we na mina, wamirungula; svafana na Marka makwavu wa Barnaba, lweyi nimileleteke lesvaku mimuyamukela, loko ata koseno .