Timhaka 3:26 - Testamente Leyimpsha Xichangana

²⁶ Loko Xikwembu xirhumelile nandza wa xona, ximuhumesile hi le ka n'wina kusunguleni lesvaku amikatekisa hi kuhundzula mun'wana ni mun'wana wa n'wina amikhuveni ya yena leyobiha.”

BIBELE Mahungu Lamanene

²⁶ Loko Xikwembu xi rhumerile nandza wa xona, xi n'wi humesile hi le ka n'wina eku sunguleni leswaku a mi katekisa hi ku hundzuluxa un'wana ni un'wana wa n'wina emikhuveni ya yena leyo biha.”

Xitsonga (Bibele)

²⁶ Xikwembu xi sungurile ha n'wina, ku mi humesela nandza wa xona Yesu, xi n'wi rhuma ku ta mi katekisa, hi ku hundzuluxa un'wana ni un'wana wa n'wina eku biheni ka yena.”

Timhaka 3:26 Referans Kwoze

Matewu 1:21

Ataveleka n'wana wa mufana, kutani wena utamuchula vito ra Yesu, hikuva hi yena lweyi angataponisa vanhu va yena asvijohweni sva vona.”

Timhaka 3:22

Hakunene Moxe ahlayile, aku: ‘Yehovha Xikwembu xa n'wina xitamihumesela muprofeta lweyi afanaka na mina, ahuma xikarhi ka va ka n'wina; mitamuyingisa ka hinkwasvu lesvi angatamibzela svona.

Yuda 1:24

Eka yena lweyi anga ni matimba ya kumihlayisa lesvaku mingakhunguvanyeki miwa, ka yena lweyi akwetsimaka, lweyi akotaka kumiyimisa mahlweni ka yena na mingali na xivati, na mitsakile svinene kutwalisiweni ka yena.

Varhoma 1:16

Mhaka hi lesvaku a ni na tingana hi Evhangeli, hikuva i matimba ya Xikwembu yoponisa hinkwavu lavapfumelaka, kusukela ka Vayuda, kuyafika ka vamatiko.

Timhaka 3:25

Hi n'wina valandzeli va vaprofeta, hi n'wina vantwananu lowu Xikwembu xingawuyendla ni vatatana va n'wina, loko xite ka Abrahamu: ‘Hi vatukulu va wena, nitakatekisa tinxaka hinkwatu ta misava.’

1 Petro 1:3

Akukhensiwe Xikwembu, Tatana wa Hosi ya hina Yesu Kriste! Hi timpsalu ta yena letikulu, ahivelekile ra vumbirhi, lesvaku hiva ni kulangutela loku kuhanyaka, hikolaho ka kupfuka ka Yesu Kriste xikarhi ka vafi,

Vaefesa 1:3

Akudzunisiwe Xikwembu, Tatana wa Hosi ya hina Yesu Kriste, lexingahikatekisa ka Kriste hi minkateko ya moya wa kuhambanahambana, henhla matilweni:

Varhoma 15:29

Nasvitiva lesvaku, loko nifika ka n'wina, nitamitisela minkateko hinkwayu ya Kriste.

Timhaka 26:20

Nisungulile hi va le Damaska ni va le Yerusalema, ni ya mahlweni tikweni hinkwaru ra Yudeya, ni le ka vamatiko, na nivakhongotela kuhundzuka, vatlhelela ka Xikwembu, kutani vatirha mintirho leyifambelanaka ni kuhundzuka ka vona.

Timhaka 3:15

kutani midlaya munyiki wa vutomi; kambe Xikwembu ximupfuxile kufeni; hina hi timboni ta svona.

Timhaka 2:24

Kambe Xikwembu ximupfuxile kufeni, ximutshunxa kuvavisekeni ka rifu, hikuva asvingayendleki lesvaku abohiwa ha rona.

Timhaka 1:8

kambe mitanyikiwa matimba, siku leri Moya Wokwetsima wungatata henhla ka n'wina; kutani mitava timboni ta mina kola Yerusalema, ni le tikweni hinkwaru ra Yudeya, ni ra Samariya, ni kuyafika magan'wini ya misava.”

1 Petro 3:9

Mingatlheliseleni vubihi hi vubihi, kumbe kurhuka hi kurhuka, kambe matshan'wini ya svosvo, katekisani, hikuva hi lesvi mingavitaneliwa kuyendla svona, lesvaku mitakuma nkateko na n'wina.

Timhaka 13:26

“N'wina valekwerhu minga rixaka ra Abrahamu, ni van'wana lava vachavaka Xikwembu xikarhi ka n'wina: Mahungu lawa ya kuponisiwa marhumeliwile ka hina.”

Timhaka 3:20

ni lesvaku minkama yotitimela leyihumaka Hosini yisungula, ni lesvaku Hosi yimirhumela Yesu, yena lweyi angavekiwa kuva Mesiya wa n'wina;

Luka 24:47

Kutani, hi vito ra yena, timhaka ta kuhundzuka ni ta kurivaleliwa svijoho titapaluxiwa matikweni hinkwawu, kusungula hilaha Yerusalema.’

Matewu 15:24

Yesu ahlamula aku: “Anirhumiwanga ka van'wana, loko kungali ka Vaisrayele, lavalahlekeke kufana ni tinyempfu.”

Yohane 4:22

N'wina migandzela lexi mingaxitiviki; hina higandzela lexi hixitivaka; hikuva kuponisiwa kuhuma ka Vayuda.

Timhaka 2:32

“Hi yena Yesu lweyi Xikwembu xingamupfuxa kufeni, kutani hinkwerhu hi timboni ta mhaka leyi.”

Timhaka 3:13

Xikwembu xa Abrahamu ni xa Izaki ni xa Yakobe, Xikwembu xa vatatana va hina, xidzunisile nandza wa xona Yesu, lweyi mingamunyiketa, mitlhela mimulandzula mahlweni ka Pilato; kambe Pilato yena aahlayile lesvaku atlhantlhiwa.

Varhoma 15:8

Hikuva namibzela lesvaku Kriste ave mutirhi ka Vayuda, kukombisa kutshembeka ka Xikwembu, ni kuyendla lesvaku svitshembiso lesvinganyikiwa vakokwana svihetiseka,