Timhaka 28:2 - Testamente Leyimpsha Xichangana

² Vayaki va xona vahikomba timpsalu letohlamalisa; vahiyamukela hinkwerhu, vahitshivelela ndzilo lowukulu, hikuva mpfula ayina, nasvona akuli ni xirhami.

BIBELE Mahungu Lamanene

² Vaaki va xona va hi komba tintswalo leto hlamarisa; va hi amukela hinkwerhu, va ri karhi va hi tshivelela ndzilo lowukulu, hikuva mpfula a yi na, naswona a ku ri ni xirhami.

Xitsonga (Bibele)

² Kambe Vabarbara va kona va hi endla hi tintswalo letikulu, hikuva va hi amukela hinkwerhu, va kondza va hi tshivelela ndzilo lowukulu, hikuva mpfula a yi na, ni xirhami a xi ri kona.

Timhaka 28:2 Referans Kwoze

Vaheveru 13:2

Mingarivaleni kuyamukela vapfumba, hikuva hi kuyendla svosvo van'wana vayamukelile tintsumi na vangasvitivi.

Vakolosa 3:11

Laha aku na Mugirika ni Muyuda, aku na lweyi ayimbeke ni lweyi angayimbangiki, aku na munhu wa matiko ni munhu wa hava, aku na xikarawa ni mutshunxeki, kambe i Kriste lweyi anga hinkwasvu ka hinkwavu.

Varhoma 1:14

Nibohekile kutirhela Vagirika ni lavangaliki Vagirika, lavojondza ni lavokala vangajondzanga.

2 Vakorinto 11:27

nitikarhatile ni kutivavisa hi mintirho; hakanyingi nipfumale vurhongo, nitwe ndlala ni torha, hakanyingi nipfumalile svakuja, nikhomiwa hi xirhami, nipfumala ni sviyambalu.

Timhaka 28:4

Loko vayaki va xihlale vavona nyoka leyi na yilengalenga vokweni ra Pawulo, vabzelana vaku: “Munhu lweyi i mudlayi hakunene; hambi loko aponile matini, Tilo aringapfumeli lesvaku ahanya.”

1 Vakorinto 14:11

Kutani loko ningativi lesvaku mpfumawulu wakona wuhlaya yini, nitava munhu wa le handle ka lweyi avulavulaka; na yena munhu muvulavuli atava munhu wa le handle ka mina.

Matewu 10:42

Nitiyisile nili ka n'wina: Mani na mani lweyi anyikaka hambi wuli ndzheko wa mati yotitimela ka mun'we wa lavatsongo lava, hi kutiva lesvaku i mujondzisiwa wa mina, angakala angapfumali hakelo ya yena.

Timhaka 27:3

Hi siku leritlhantamaka, hifika Sidoni; kutani Xjuliyo ayendlela Pawulo timpsalu, amupfumelela kuyavona vanakulobze ni kulongeleliwa hi vona.

Varhoma 2:27

Kutani loko munhu lweyi angayimbangiki afamba hi Nawu, atakuthethisa wena lweyi utlulaka Nawu, hambi loko uli ni lesvitsaliweke sva Nawu, kumbe hambi uyimbile.

Yohane 18:18

Svikarawa ni valaveleli avatshivelile ndzilo wa makhala, hikuva akuli ni xirhami; kutani avali karhi vaworha ndzilo; na yena Petrosi aayimile na vona, aworha ndzilo.

Timhaka 28:3

Pawulo atshovatshova mahlahla, alavakuma hoxa ndzilweni, kambe nyoka yihuma kona hi kutwa kukufumela, yitsondzela voko ra yena.

Varhoma 14:1

Lweyi anga ni kupfumela kutsongo, muyamukeleni, kambe mingakanetaneni na yena loko mihambana kuyehleketeni.

Varhoma 14:3

Lweyi ajaka hinkwasvu angatshuki asola lweyi angajiki; ni lweyi angajiki hinkwasvu angatshuki athethisa lweyi ajaka, hikuva i Xikwembu lexi ximuyamukeleke.