Timhaka 27:12 - Testamente Leyimpsha Xichangana

¹² Lesvi hlaluko leri aringalulamelanga kuheta vuxika ka rona, lavanyingi va hina vapimisa kusuka kona ni kuringeta kuyaxwa vuxika le Fenikisi, anga hlaluko ra Kreta, lerilangutanake ni vupelajambu wa dzonga ni vupelajambu wa n'walungu.

BIBELE Mahungu Lamanene

¹² Leswi hlaluko leri a ri nga lulamelanga ku heta vuxika eka rona, lavo tala va hina va anakanya ku suka kona ni ku ringeta ku ya xwa vuxika le Fenikisi, ri nga hlaluko ra Kreta, leri langutanaka ni vupeladyambu bya dzonga ni vupeladyambu bya n'walungu.

Xitsonga (Bibele)

¹² Kambe hikuva hlaluko a ri nga lulameri ku yima kona hi vuxika, lavo tala va vula leswaku ku sukiwa kona ku ya ringetiwa ku tshama vuxika eFenikisi, ri nga hlaluko ra Kreta, leri lavaneke ni mheho ya vupeladyambu bya dzonga, ni ya vupeladyambu bya n'walungu.

Timhaka 27:12 Referans Kwoze

Timhaka 27:8

Kuteloko hi lulamile ni ribuwa hi kukarhateka svinene, hifika ndhawini leyi vange i “Hlaluko rosaseka”, kusuhi ni doropa ra Laziya.

Timhaka 2:11

Van'wana i Vayuda, van'wana i vamatiko lavayamukeliweke Xiyudeni; van'wana va hina i Vakreta ni Vaarabiya; kambe hinkwerhu hivatwa vavula mintirho leyikulu ya Xikwembu hi tindzimi ta hina!”

Timhaka 27:7

Hi masiku lamanyingi hifamba hi kunonoka, kutani svihikarhatela svinene kufika kusuhi na Kinida; lesvi moya wukulu awuhisivela kuya mahlweni tlhelweni lero, higega xihlale xa Kreta hi le hansi, hi tlhelo ra Salmona.

Timhaka 27:13

Kuteloko mheho ya le dzongeni yisungulile kuhunga khwatsi, vapimisa lesvaku makungu ya vona matayendleka, kutani vasuka, valulama ni ribuwa ra Kreta.

Timhaka 27:21

Lesvi akuli khale na vangajanga nchumu, Pawulo ayima xikarhi ka vona, aku: “Loko aminiyingisile, vavanuna, mingasukanga Kreta, ingi mhangu leyi ni kulahleka loku svingahumelelanga.

Tito 1:5

Mhaka leyiyendleke lesvaku nikusiya le Kreta, aniyendlela lesvaku usala uhetisa lesvi asvahalava kululamisiwa, nasvona uhlawula vakulukumba va kereke doropeni rin'wana ni rin'wana. Tsundzuka lesvi nikuleriseke svona:

Tito 1:12

Ku ni Mukreta, mun'we wa vaprofeta wa vona, lweyi angatshama aku: “Vakreta i vanhu va mavunhwa; i sviharhi lesvobiha, ni malolo lawa manga ni makolo.”