Timhaka 26:17 - Testamente Leyimpsha Xichangana

¹⁷ nitakuponisa mavokweni ya vanhu va tiko leri ni ya vamatiko lava nikurhumelaka ka vona;

BIBELE Mahungu Lamanene

¹⁷ ndzi ta ku ponisa emavokweni ya vanhu va tiko leri ni ya vamatiko lava ndzi ku rhumelaka eka vona;

Xitsonga (Bibele)

¹⁷ hikuva ndzi ta ku lwela etikweni leri, ni le matikweni lawa ndzi ku rhumelaka eka wona,

Timhaka 26:17 Referans Kwoze

Timhaka 9:15

Hosi yiku ka yena: “Yana, hikuva munhu lweyi i xitirho lexi ningatihlawulela xona kuyapaluxa vito ra mina ka vamatiko, ni ka tihosi, ni ka Vaisrayele;

1 Timotiya 2:7

Kutani, hi svona lesvingayendla lesvaku nivekiwa kuva muchumayeli wa Rito ni mupostola (nivula lesvi svitiyeke, anihembi), nijondzisa vamatiko ta kupfumela ni ta ntiyiso.

Varhoma 11:13

Kutani svosvi nivulavula na n'wina vamatiko, nili: Loko nahali mupostola wa vamatiko, nitadzunisa ntirho wa mina

2 Timotiya 3:11

Uvonile kuxanisiwa ka mina ni mahlomulu ya mina; utiva hinkwasvu lesvi svinihumeleleke le Antiyoka ni le Ikoniya ni le Listra, ni kuxaniseka lokukulu loku nikuvoneke. Hambi svilitano, Hosi yinilamulelile kuxanisekeni loku hinkwaku.

2 Timotiya 1:11

Mina nivekiwile kuva muchumayeli wa Rito ni mupostola ni mujondzisi hikolaho ka Evhangeli leyi.

Vagalatiya 2:9

Hikolaho, Yakobe, na Petrosi, na Yohani, lavalangutiwaka vali vona vafambisi va kereke, vawuvonile nkateko lowu Xikwembu xininyikeke wona, kutani vahikhome hi xiyandla, mina na Barnaba, kufunga kutirhisana ka vona na hina: Hina hitaya ka vamatiko, vona vaya ka lavayimbeke.

Timhaka 28:28

“Loko svilitano, svitiveni lesvaku mahungu ya kuponisiwa hi Xikwembu marhumeliwile ka vamatiko; vona vatamayingisa.”

Varhoma 15:16

kuva mutirhi wa Yesu Kriste xikarhi ka vamatiko. Mina, kufana ni Muprista, nivula Mahungu Lamanene ya Xikwembu lesvaku vamatiko vava mhamba leyiyamukelekaka ka xona, leyihlawulekisiweke hi Moya Lowokwetsima.

Timhaka 25:3

vakhongela Fexto lesvaku avapfuna hi kurhumela Pawulo Yerusalema, kasi avabohile makungu ya kumudlaya ndleleni.

Timhaka 18:10

hikuva ni na wena; aku na munhu lweyi angatakupfukela, akuyendla lesvobiha; hikuva ni ni vanhu lavanyingi doropeni leri.”

Timhaka 17:14

Hikolaho, vamakwavu vahantlisa vahumesa Pawulo, ayafika ribuweni ra lwandle; kambe Silasi na Timotewu vasala Bereya.

Timhaka 17:10

Hi vusiku bzakona, vamakwavu vahantlisa varhuma Pawulo na Silasi Bereya. Loko vapostola vafikile kona, vanghena sinagogeni ra Vayuda.

Timhaka 16:39

Hi loko tita, tikombela kurivaleliwa, tivahumesela handle, tikombela lesvaku vahuma doropeni, vafamba.

Timhaka 13:50

Kambe Vayuda vahlohlotela vavasati lavakuchaviseka va vukhongeli, ni vakulukumba va doropa; vasungula kuxanisa Pawulo na Barnaba, kutani vavahlongola tikweni ra vona.