Timhaka 23:6 - Testamente Leyimpsha Xichangana

⁶ Kutani Pawulo, hi kutiva lesvaku van'wana xikarhi ka vona i Vasaduki, kasi van'wana i Vafarisi, atlakusa rito hubzeni aku: “N'wina valekwerhu, ni Mufarisi, n'wana wa Vafarisi, kutani nithethisiwa kola hikuva nilangutelile kupfuka ka vafi.”

BIBELE Mahungu Lamanene

⁶ Kutani Pawulo, hi ku tiva leswaku van'wana exikarhi ka vona i Vasaduki, kasi van'wana i Vafarisi, a tlakusa rito ehubyeni a ku: “N'wina varikwerhu, ndzi Mufarisi, n'wana wa Vafarisi, kutani ndzi avanyisiwa kwala hikuva ndzi languterile ku pfuka ka vafi.”

Xitsonga (Bibele)

⁶ Kambe Pawulo, hikuva a a swi tiva leswaku van'wana exikarhi ka vona a va ri Vasaduki, kambe van'wana a va ri Vafarisi, a tlakusa rito exikarhi ka Sinedri, a ku: “Vavanuna varikwerhu, ndzi mufarisi, n'wana wa Vafarisi, ndzi avanyisiwa hikwalaho ka ku tshemba ni ka ku pfuka ka vafi.”

Timhaka 23:6 Referans Kwoze

Timhaka 24:21

vangavula xilo xin'we ntsena lexininga huwelela ha xona xikarhi ka vona, loko nite: ‘Nibihisiwa hi n'wina namuntlha hikolaho ka kupfuka ka vafi.’”

Timhaka 24:15

Lesvi nisvilanguteleke ka Xikwembu, hi svona lesvi na vona vasvilanguteleke: Hi lesvaku lavolulama ni lavangalulamangiki vatapfuka kufeni.

Vafilipiya 3:5

Niyimbisiwile na nahali n'wana wa masiku ya ntlhanu ni manharhu ntsena; ni wa rixaka ra Israyele, wa nyimba ya Benjamini; ni Muheberu n'wana wa Vaheberu; hi tlhelo ra kuhlayisa Nawu, anili Mufarisi.

Timhaka 28:20

Hikolaho ni mivitanile lesvaku nitamivona ni kuvulavula na n'wina, hikuva nibohiwile hi chini leri hikolaho ka lweyi Vaisrayele vamulanguteleke.”

Matewu 22:23

Hi siku rolero, van'wana va Vasaduki, vanga vanhu lavavulaka lesvaku vafi avapfuki, vata ka Yesu, vafika vamuvutisa, vaku:

Timhaka 22:5

Timboni ta mina hi yena Muprista lwenkulu, ni nhlengeletanu hinkwayu ya vakulukumba. Niyamukelile ka vona mapapela lamatsaleliweke Vayuda va ka hina le Damaska; niyile kona kuyakhoma lavayakeke kona, nivatisa Yerusalema lesvaku vatabiwa svinene.

Matewu 10:16

Vonani, nimirhuma na mifana ni tinyempfu xikarhi ka mahlolwa; hi kolaho ke tlharihani kufana ni tinyoka, miva lavorhula kufana ni svituvana.

Matewu 3:7

Kambe loko avona Vafarisi ni Vasaduki lavotala vata kutakhuvuliwa hi yena, aku ka vona: “Rixaka ra svipshahla, i mani lweyi amibzeleteleke lesvaku mitapona ka vukarhi bza Xikwembu lebzitaka xana?

Timhaka 22:3

“Mina ni Muyuda; nivelekiwile Tarso wa Kilikiya, kambe ni kulele doropeni leri, na nili mujondzisiwa wa Gamaliyele. Nijondzisiwile Nawu wa vatatana hi mukhuva lowunene, na nili munhu lweyi ahisekelaka Xikwembu, kufana na n'wina hinkwenu namuntlha;

Timhaka 22:30

Hi siku leritlhantamaka, ndhuna yilava kukuma ntiyiso mhakeni ya nandzu lowu Vayuda vamangalelaka Pawulo ha wona; hi kolaho, yimutshunxa, kutani yilerisa lesvaku Vaprista lavakulu vahlengeletana ni huvu hinkwayu ya Sanedri; kutani yitisa Pawulo, yimuyimisa mahlweni ka vona.

Timhaka 23:1

Pawulo ahonokela huvu, aku: “N'wina valekwerhu, nihanyile na nili lweyi atshunxekeke svinene ripfalweni ra mina ni le mahlweni ka Xikwembu, kufikela siku ra namuntlha.”

Timhaka 23:7

Loko avulile svosvo, Vafarisi vasungula kuphikizana ni Vasaduki, kutani nhlengeletanu yiyavana hi le xikarhi.

Timhaka 23:15

Svosvi-ke, n'wina ni vahuvo, yisani rito ka ndhuna ya nyimpi lesvaku yimirhumela Pawulo, miyendla ingi hi loko milava kuya mahlweni ni kukambisisa svin'wana timhakeni ta yena; loko ali hina, hitava hi tilungisele kumudlaya na angasifika.”

Timhaka 23:20

Jaha riku: “Vayuda vatwananile, vaku vatakukombela kutisa Pawulo hubzeni mundzuku, vatayendla ingi hi loko valava kuya mahlweni ni kuvutisisa timhaka ta yena.

Vakolosa 1:5

hikolaho ka kulangutela loku kuhlayiseliweke n'wina matilweni. Kutshemba loku, mirhange mikutwa ritweni ra ntiyiso, yinga Evhangeli,

Vaheveru 6:19

Kulangutela loku kufana ni nsoma ya hefemulo leyitiyeke ni kutshembeka; yinghena kuyafika ni le ndzeni ka nguvu ya xisirhelelo.