Timhaka 22:30 - Testamente Leyimpsha Xichangana

³⁰ Hi siku leritlhantamaka, ndhuna yilava kukuma ntiyiso mhakeni ya nandzu lowu Vayuda vamangalelaka Pawulo ha wona; hi kolaho, yimutshunxa, kutani yilerisa lesvaku Vaprista lavakulu vahlengeletana ni huvu hinkwayu ya Sanedri; kutani yitisa Pawulo, yimuyimisa mahlweni ka vona.

BIBELE Mahungu Lamanene

³⁰ Hi siku leri tlhandlamaka, ndhuna yi lava ku kuma ntiyiso emhakeni ya nandzu lowu Vayuda va mangalelaka Pawulo ha wona; hikokwalaho, yi n'wi ntshunxa, kutani yi lerisa leswaku vaprista lavakulu va hlengeletana ni huvo hinkwayo ya Sanedri; kutani yi tisa Pawulo, yi n'wi yimisa emahlweni ka vona.

Xitsonga (Bibele)

³⁰ Hi siku leri tlhandlamaka, hikuva a a rhandza ku tiva swinene lexi Vayuda va n'wi hehlaka ha xona, a n'wi tshunxa, kutani a lerisa leswaku vaprista lavakulu ni va huvo hinkwavo va hlengeletana; kutani a tisa Pawulo a n'wi veka emahlweni ka vona.

Timhaka 22:30 Referans Kwoze

Timhaka 23:28

Kutani hi kulava kutiva lexi vamumangalelaka ha xona, ni muyisile hubzeni ya ka vona;

Timhaka 21:33

Hi loko ndhuna ya nyimpi yikongoma Pawulo, yimukhoma, yilerisa lesvaku abohiwa hi machini mambirhi; kutani yivutisa yiku: “Munhu lweyi i mani xana? Ayendlile yini ke?”

Timhaka 26:29

Pawulo aku: “Hambi loko nkama wukomile, hambi loko wulehile, nikhongela Xikwembu lesvaku kungavi wena ntsena kambe ni hinkwavu lava vaniyingisaka namuntlha, miva tani hi mina, handle ka machini lawa.”

Timhaka 23:15

Svosvi-ke, n'wina ni vahuvo, yisani rito ka ndhuna ya nyimpi lesvaku yimirhumela Pawulo, miyendla ingi hi loko milava kuya mahlweni ni kukambisisa svin'wana timhakeni ta yena; loko ali hina, hitava hi tilungisele kumudlaya na angasifika.”

Timhaka 22:5

Timboni ta mina hi yena Muprista lwenkulu, ni nhlengeletanu hinkwayu ya vakulukumba. Niyamukelile ka vona mapapela lamatsaleliweke Vayuda va ka hina le Damaska; niyile kona kuyakhoma lavayakeke kona, nivatisa Yerusalema lesvaku vatabiwa svinene.

Timhaka 21:11

Ata ka hina, ateka bandi ra Pawulo, atiboha mavoko ni milenge ha rona, aku: “Moya Wokwetsima wuvula lesvi: Wanuna lweyi bandi leri ringa ra yena, Vayuda vatamubohisa xisvolesvi le Yerusalema, vamunyiketa mavokweni ya vamatiko.”

Timhaka 5:21

Hi loko vona vayingisa, vayanghena Tempeleni loko rilava kuxa, kutani vajondzisa kona. Kambe loko Muprista lwenkulu ni vaseketeli va yena vafika, vavitana huvu ya Sanedri, yinga nhlengeletanu ya vakulukumba hinkwavu va tiko ra Israyele, kutani varhuma vanhu jele kuyateka vapostola.

Matewu 27:2

Kuteloko vamubohile, vafamba na yena, vayamunyikela ka hosi Pilato.

Matewu 10:17

Tivoneleni, hikuva vanhu vataminyiketa atihubzeni, vamiba hi minkhavi masinagogeni ya vona.

Matewu 5:22

“Kambe mina nili ka n'wina: Mani na mani lweyi akarhiyelaka makwavu, atafanela kuyavanyisiwa; lweyi ange ka makwavu: ‘U xiphukuphuku!’ Afanela kuyisiwa ka muyavanyisi; lweyi ange ka yena: ‘Xihunguki ndziwena!’ Afaneliwa hi ndzilo wa Tihele.”

Timhaka 23:1

Pawulo ahonokela huvu, aku: “N'wina valekwerhu, nihanyile na nili lweyi atshunxekeke svinene ripfalweni ra mina ni le mahlweni ka Xikwembu, kufikela siku ra namuntlha.”

Timhaka 23:6

Kutani Pawulo, hi kutiva lesvaku van'wana xikarhi ka vona i Vasaduki, kasi van'wana i Vafarisi, atlakusa rito hubzeni aku: “N'wina valekwerhu, ni Mufarisi, n'wana wa Vafarisi, kutani nithethisiwa kola hikuva nilangutelile kupfuka ka vafi.”

Timhaka 23:20

Jaha riku: “Vayuda vatwananile, vaku vatakukombela kutisa Pawulo hubzeni mundzuku, vatayendla ingi hi loko valava kuya mahlweni ni kuvutisisa timhaka ta yena.