Timhaka 21:33 - Testamente Leyimpsha Xichangana

³³ Hi loko ndhuna ya nyimpi yikongoma Pawulo, yimukhoma, yilerisa lesvaku abohiwa hi machini mambirhi; kutani yivutisa yiku: “Munhu lweyi i mani xana? Ayendlile yini ke?”

BIBELE Mahungu Lamanene

³³ Kavaloko ndhuna ya nyimpi yi kongoma Pawulo, yi n'wi khoma, yi lerisa leswaku a bohiwa hi tinketani timbirhi; kutani yi vutisa yi ku: “Munhu loyi i mani xana? Ú endlile yini ke?”

Xitsonga (Bibele)

³³ Kavaloko ndhuna ya nyimpi yi tshinela, yi n'wi khoma, kutani yi lerisa leswaku a bohiwa hi timpecana timbirhi; kutani a vutisa leswaku i mani, ni leswaku xana lexi a xi endleke i yini?

Timhaka 21:33 Referans Kwoze

Vaefesa 6:20

Nimuyimeli wa Evhangeli leyi, hambi loko nipfaleliwile jele, hi kolaho khongelani lesvaku nitiya nhlana, niyihlaya hilaha nifanelaka kuyihlaya hakona.

Timhaka 21:11

Ata ka hina, ateka bandi ra Pawulo, atiboha mavoko ni milenge ha rona, aku: “Moya Wokwetsima wuvula lesvi: Wanuna lweyi bandi leri ringa ra yena, Vayuda vatamubohisa xisvolesvi le Yerusalema, vamunyiketa mavokweni ya vamatiko.”

Timhaka 20:23

nitiva ntsena lesvaku Moya Wokwetsima wukarhi wunitsundzuxa svinene doropeni rin'wana ni rin'wana, lesvaku kukhomiwa ni maxangu svinirindzelile.

Timhaka 12:6

Loko Heroda ali kusuhi ni kumuhumesa mahlweni ka tiko, hi vusiku bzakona, Petrosi aayetlele xikarhi ka masochwa mambirhi; aabohiwile hi machini mambirhi, nasvona valanguteli va nyangwa avarindza jele.

Timhaka 28:20

Hikolaho ni mivitanile lesvaku nitamivona ni kuvulavula na n'wina, hikuva nibohiwile hi chini leri hikolaho ka lweyi Vaisrayele vamulanguteleke.”

Timhaka 22:29

Hi nomo-lo lava avatilungisela kuvutisa Pawulo ni kumuba, vamutshika; loko yili ndhuna ya nyimpi, yichava loko yitwa lesvaku Pawulo i Muroma, hikuva ayimubohile.

2 Timotiya 2:9

Evhangeli yakona yinivangele kuxaniseka, nikondza nibohiwa hi machini kukota xigevenga, kambe Rito ra Xikwembu rona aribohiwanga,

2 Timotiya 1:16

Ingi Hosi yingatsetselela njangu wa ka Oneziforo, hikuva makhambi yotala anirhulisile mbilu; na svona, kubohiwa ka mina hi machini akumukhomisanga tingana.

Timhaka 26:29

Pawulo aku: “Hambi loko nkama wukomile, hambi loko wulehile, nikhongela Xikwembu lesvaku kungavi wena ntsena kambe ni hinkwavu lava vaniyingisaka namuntlha, miva tani hi mina, handle ka machini lawa.”

Timhaka 25:16

Nivahlamulile, niku: Ahi ntolovelo wa Varoma kunyiketa munhu lweyi angamangaleliwa, hambi ali mani na mani, loko angasungulanga hi kuhumelela mahlweni ka vamangaleli va yena, anyikiwa nkama wa kutihlamulela ka lesvi vamumangalelaka ha svona.

Timhaka 22:30

Hi siku leritlhantamaka, ndhuna yilava kukuma ntiyiso mhakeni ya nandzu lowu Vayuda vamangalelaka Pawulo ha wona; hi kolaho, yimutshunxa, kutani yilerisa lesvaku Vaprista lavakulu vahlengeletana ni huvu hinkwayu ya Sanedri; kutani yitisa Pawulo, yimuyimisa mahlweni ka vona.

Vafilipiya 1:7

Hikolaho, nikuma na svinilulamelile kuyanakanya hi ndlela leyi henhla ka n'wina hinkwenu, hikuva mi le mbilwini ya mina, ingava kubohiweni kumbe kuhlamuleni ka mina ni le kutiyiseni ka Evhangeli, kutani n'wina hinkwenu miyaveliwile nkateko wun'we na mina.