Timhaka 20:35 - Testamente Leyimpsha Xichangana

³⁵ Svilo hinkwasvu ni mikombisile, lesvaku hi kutikarhata hi ndlela leyi, hifanele kupfuna lavatsaneke, nasvona hitsundzuka marito ya Hosi Yesu, lawa angamahlaya hi xiviri xa yena loko aku: ‘Kunyika i nkateko lowutlulaka kunyikiwa.’”

BIBELE Mahungu Lamanene

³⁵ Eswilweni hinkwaswo ndzi mi kombisile leswaku, hi ku tikarhata hi mukhuva lowu, hi fanele ku pfuna lava tsaneke, naswona hi tsundzuka marito ya Hosi Yesu, lawa a nga ma vula hi xiviri xa yena loko a te: ‘Ku nyika i nkateko lowu tlulaka ku nyikiwa.’ ”

Xitsonga (Bibele)

³⁵ Ndzi mi kombisile eswilweni hinkwaswo leswaku hi ku tirhisa sweswo, ku fanekele ku pfuniwa lavo tsana, ni ku anakanya rito ra Hosi Yesu, leri a nga ri vula hi xiviri xa yena, loko a te: ‘Ku nyika, i ku kateka loku tlurisaka ku nyikiwa.’ ”

Timhaka 20:35 Referans Kwoze

Vaheveru 13:16

Mingarivaleni kuyendla lesvinene ni kupambulelana lesvi minga na svona, hikuva timhamba leti hi tona letitsakisaka Xikwembu.

Matewu 10:8

Hanyisani lavavabzaka, mipfuxa vafi, mibasisa va nhlokonho, mihlongola madimoni. Minyikiwile mahala; na n'wina, nyikani mahala.

2 Vakorinto 8:9

Matitiva timpsalu ta Hosi ya hina Yesu Kriste: Aafuwile, hambi svilitano ahundzukile xisiwana hikolaho ka n'wina, lesvaku miyendliwa vafuwi hi vusiwana bza yena.

1 Vatesalonika 5:14

Kutani hamikhutaza vamakwerhu, hili: Layani malolo, mitiyisa lavahelaka matimba; pfunani lavanga ni gome, milehisela hinkwavu mbilu.

Varhoma 15:1

Hina lava hinga ni matimba, hifanele kurhwala kuhluleka ka lava vanga ni gome, kungali kutitsakisa hina vinyi.

Timhaka 20:27

hikuva animifihlelanga makungu ya Xikwembu kambe ni mitivisile wona hinkwawu.

Vaheveru 13:3

Yanakanyani lavanga majele, kufana ni loko ingi na n'wina mi le jele na vona; kutani ni lava vaxanisiwaka, mifanele kutitwa na mili na vona, hikuva na n'wina mi ni miri.

Vaefesa 4:28

Lweyi aatolovela kuyiva, angahayi mahlweni ayiva; kambe aatikarhate atirha hi mavoko ya yena, atirhela sva kutipfuna ha svona, lesvaku atakota kupambulela lweyi apfumalaka.

Timhaka 20:20

Masvitiva lesvaku animifihlelanga nchumu xa lesvi svifanelaka kumipfuna, na nili karhi nimipaluxela Rito ni kumijondzisa rivaleni ni le minjangwini ya n'wina.

2 Vakorinto 12:13

Xana mitshama mitluliwa hi tikereke tin'wana? Hi yini ke, loko kungali ntsena hi lesvi ningamurhwexangiki ndzhwalu wonihlayisa? Nikhomeleni ka xihoxo xoxo!

2 Vakorinto 11:9

hikuva loko vamakwerhu lavahumaka Makedoniya vafikile, vanipfunile hi lesvotala lesvi anisvipfumala. Niringetile hi matimba kuvona lesvaku ningamitikiseli, kutani nahaya mahlweni ni yendlisa svosvo.

1 Vatesalonika 4:11

Kunavela ka n'wina lokukulu akuve kuhanya hi kurhula, mitikarhatela sva n'wina, mitirha hi mavoko ya n'wina, hilaha hingarhanga hi mitsundzuxa hakona.

2 Vakorinto 11:12

Hambi svilitano, nahataya mahlweni niyendla lesvi nisviyendlaka svosvi, lesvaku nitakala ninganyiki nkama ka lavalavaka kutidzunisa hi kuvula lesvaku va ni ntirho wofana ni wa hina.

1 Vakorinto 9:12

Loko vanhu van'wana vakuma timfanelo ka n'wina, xana hina ahi na kutikuma kutlula vona ke? Hambi svilitano, ahitirhisanga timfanelo leti. Hisviyamukelile hinkwasvu, lesvaku hingatshuka hihingakanya ndlela ya Evhangeli ya Kriste.

Timhaka 20:34

Masvitiva na n'wina lesvaku mavoko lawa ya mina matirhile kukuma lesvi mina ni lava avali na mina ahisvipfumala.

Timhaka 20:36

Loko Pawulo ahetile kuvula timhaka toleto, akhinsama, akhongela na vona hinkwavu.

3 Yohane 1:7

Hikuva hi vito ra xona vahumile makaya ya vona, na vangatekanga nchumu ka vamatiko.