Timhaka 2:5 - Testamente Leyimpsha Xichangana

⁵ Akulini Vayuda lavayakeke Yerusalema, vanhu vochava Xikwembu lavahumaka matikweni hinkwawu ya laha misaveni.

BIBELE Mahungu Lamanene

⁵ A ku ri ni Vayuda lava akeke eYerusalema, vanhu vo chava Xikwembu lava humaka ematikweni hinkwawo ya laha misaveni.

Xitsonga (Bibele)

⁵ Kambe a ku ri ni Vayuda lava akeke eYerusalema, lava chavaka Xikwembu, va huma ematikweni hinkwawo lama nga ehansi ka tilo.

Timhaka 2:5 Referans Kwoze

Timhaka 8:2

Kutani vavanuna lavachavaka Xikwembu valahla Stefano; vaba nkosi lowukulu vamurila.

Luka 2:25

Le Yerusalema akuli ni munhu lweyi avuliwaka Simiyoni; munhu lweyi aalulamile, achava Xikwembu; aalangutela kuchaveleliwa ka Israyele. Moya Lowokwetsima awuli ka yena.

Vakolosa 1:23

Kambe mifanele kutiya kupfumeleni, na miyimile masungulweni yakona mingatsekatseki, na mingahambani ni kulangutela loku mikukumeke hi kutwa Evhangeli. Evhangeli leyi yitwalisiwile ka svivumbiwa hinkwasvu lesvinga hansi ka tilo, kutani mina Pawulo, ni yendliwile mutirhi wa yona.

Timhaka 22:12

“Kona kolano, akuli ni munhu lweyi avaku i Ananiya; aali munhu wa vukhongeli, afamba hi Nawu, akhensiwa svinene hi Vayuda hinkwavu lavayakeke Damaska.

Timhaka 13:50

Kambe Vayuda vahlohlotela vavasati lavakuchaviseka va vukhongeli, ni vakulukumba va doropa; vasungula kuxanisa Pawulo na Barnaba, kutani vavahlongola tikweni ra vona.

Timhaka 10:7

Kuteloko ntsumi leyivulavuleke na yena yisukile, Korneliyo avitana vambirhi xikarhi ka vatirhi va yena, avitana ni sochwa rin'we lerichavaka Xikwembu xikarhi ka masochwa lawa mamutirhelaka.

Timhaka 10:2

aali munhu wa vukhongeli, achava Xikwembu kun'we ni vamunti wa yena hinkwavu; aapfuna vanhu va tiko hi tinyiko letinyingi, angakarhali kukhongela Xikwembu.

Timhaka 8:27

Kutani Filipi asuka, afamba. Hi loko kuhumelela wanuna wa Muetiyopiya, mutheniwa lweyi aali ndhuna leyikulu ni mulanguteli wa rifuwo hinkwaru ra Kandake, hosi ya wansati ya Etiyopiya; munhu lweyi aatile Yerusalema kutagandzela kona;

Timhaka 2:1

Loko siku ra Pentekoxta rifikile, vajondzisiwa hinkwavu avahlengeletanile ndhawini yin'we.

Yohane 12:20

Xikarhi ka lava vatlhantukele nkhubzini kuyagandzela, akuli ni Vagirika vangali vangani.

Luka 24:18

Mun'we lweyi avaku i Kleyopasi, ahlamula, aku: “Xikarhi ka lavayendzeleke Yerusalema, xana hi wena uliwexe lweyi angativiki timhaka letihumeleleke kona hi masiku lawa ke?”

Luka 17:24

Hikuva kukotisa rihati loko rihatima, rivoninga kusukela tlhelweni rin'we ra tilo kuyafika ka lerin'wana, N'wana-wa-Munhu atayendlisa svosvo hi siku ra yena.

Matewu 24:14

Kutani Evhangeli leyi ya Mfumu yitachumayeliwa misaveni hinkwayu, tani hi vumboni ka vanhu va matiko hinkwawu; kutani hi kona makumu mangatafika.