Timhaka 2:46 - Testamente Leyimpsha Xichangana

⁴⁶ Masiku hinkwawu avachivirika kukumana Tempeleni, vali mbilu yin'we, nasvona avakumana vakhema xinkwa minjangwini ya vona, vaja svakuja sva vona hi kutsaka lokukulu ni timbilu tobasa,

BIBELE Mahungu Lamanene

⁴⁶ Masiku hinkwawo a va chivirika ku hlangana eTempeleni, va ri mbilu yin'we, naswona a va hlangana va phema xinkwa emindyangwini ya vona, va dya swakudya swa vona hi ku tsaka lokukulu ni timbilu to basa,

Xitsonga (Bibele)

⁴⁶ Na swona a va tiyisela etempeleni hi masiku hinkwawo, va ri ni mbilu yin'we, va ri karhi va phema vuswa endlwini yin'wana ni yin'wana, va dya swakudya swa vona hi ku tsaka, ni timbilu leti tengeke,

Timhaka 2:46 Referans Kwoze

Timhaka 5:42

Kutani masiku hinkwawu, avangarhuteli kujondzisa ni kupaluxa Evhangeli Tempeleni ni le minjangwini ya vanhu, vaku: “Kriste, hi yena Yesu.”

Timhaka 2:42

Avachivirika tijondzweni ta vapostola, kuhlengeletaneni, akukhemeni ka xinkwa, ni le kukhongeleni.

Timhaka 20:7

Hi siku rorhanga ra vhiki, loko hihlengeletene kukhema xinkwa, Pawulo avulavula ni va le Trowasi, alehisa kuvulavula ka yena kuyafika xikarhi ka vusiku, hikuva aalava kufamba ni mixo wakona.

2 Vakorinto 1:12

Kutidzunisa ka hina hi loku: Ripfalu ra hina rihibzela lesvaku hihanyile xikarhi ka vanhu hi kululama ni kutenga loku kuhumaka ka Xikwembu, ngopfungopfu loko hitirhisana na n'wina. Hihanyile kungali hi vutlhari bza misava leyi, kambe hi timpsalu ta Xikwembu.

Timhaka 16:34

Ndzhaku ka svosvo, ayisa Pawulo na Silasi kaya ka yena, avaphamela svakuja, kutani atsaka svin'we ni va njangu wa yena hinkwavu, hi lesvi aapfumelile ka Xikwembu.

Vakolosa 3:22

Vatirhi, yingisani vinyi va n'wina va laha misaveni timhakeni hinkwatu, kungali ntsena loko vamilangutile, onge hi loko milava kutsakisa vanhu, kambe hi timbilu letinene, na mili karhi michava Hosi.

Varhoma 12:8

lweyi anga ni nyiko ya kukhongotela, aakhongotele; lweyi anyikaka, aanyike hi mbilu leyobasa; lweyi afambisaka van'wana, aavafambise hi kutivonela; lweyi ayendlaka mintirho ya timpsalu, aayiyendle hi kutsaka.

Luka 24:53

Kutani avali Tempeleni masiku hinkwawu, na vali karhi vadzunisa Xikwembu.

2 Vakorinto 11:3

Kambe, kufana ni lesvi nyoka yikanganyiseke Evha hi maqhinga ya yona, nachava lesvaku hi tindlela tin'wana miyanakanyu ya n'wina yingawonhiwa, kutani mingahasvikoti kulandzela Kriste hi kutinyiketa ni kutenga.

Timhaka 5:21

Hi loko vona vayingisa, vayanghena Tempeleni loko rilava kuxa, kutani vajondzisa kona. Kambe loko Muprista lwenkulu ni vaseketeli va yena vafika, vavitana huvu ya Sanedri, yinga nhlengeletanu ya vakulukumba hinkwavu va tiko ra Israyele, kutani varhuma vanhu jele kuyateka vapostola.

Timhaka 3:1

Siku rin'wana, Petrosi na Yohani avatlhantukela Tempeleni nimajambu, hi nkama wa xikhongelo.

Luka 24:30

Kuteloko vali kujeni, ateka xinkwa, akhensa, kutani akhema, avanyika.

Matewu 6:22

Rivoni ra miri i tihlo; hikolaho, loko mahlo ya wena mali manene, miri wa wena hinkwawu wutava kuvonakaleni.

Vaefesa 6:5

N'wina svikarawa, yingisani vinyi va n'wina va laha misaveni, hi xichavu ni kurhurhumela, misviyendla hi mbilu leyibaseke, kufana ni loko mitirhela Kriste hi xiviri;

Luka 11:41

Kambe nyikani svisiwana lesvinga ndzeni ka svibza, hi kona hinkwasvu svingatava svibasile ka n'wina.

1 Vakorinto 10:16

Ndzheko wa minkateko lowu hiwukhensaka, xana awuvuli lesvaku hi ni kuhlangana svin'we ni ngati ya Kriste ke? Ni xinkwa lexi hikhemelanaka, xana axihlayi lesvaku hi ni kuhlangana svin'we ni miri wa Kriste ke?