Timhaka 2:42 - Testamente Leyimpsha Xichangana

⁴² Avachivirika tijondzweni ta vapostola, kuhlengeletaneni, akukhemeni ka xinkwa, ni le kukhongeleni.

BIBELE Mahungu Lamanene

⁴² A va chivirikela ku dyondzisiwa hi vaapostola, ni ku hlengeletana, ni ku phema xinkwa, ni ku khongela.

Xitsonga (Bibele)

⁴² Kutani a va chivirika edyondzweni ya vaapostola, ni le ku hlanganeni ka vona, ni le ku phemeni ka vuswa ni le mikhongelweni.

Timhaka 2:42 Referans Kwoze

Vaheveru 10:25

Hingatshukeni hitshika kuhlengeletana, kufana ni lesvi van'wana vatoloveleke kuyendla svona, kambe hi khongotelana, ngopfu ngopfu lesvi mivonaka lesvaku siku ra Hosi riya ritshunela.

Timhaka 1:14

Volavo hinkwavu avatiyisela kukhongeleni, hi mbilu yili yin'we, vali ni vavasati van'wana, na Mariya mamana wa Yesu, ni vamakwavu va Yesu.

1 Yohane 1:3

Lesvi hisvivoneke ni lesvi hisvitweke, himitivisa svona na n'wina, lesvaku miva ni vuhlengeli svin'we na hina; avuhlengeli bzi kona xikarhi ka hina na Tatana, na yena N'wana wa yena Yesu Kriste.

1 Yohane 1:7

Loko hifamba kuvonakaleni, kufana na xona xinga kuvonakaleni, hi ni vuhlengeli, kutani angati ya Yesu Kriste N'wana wa xona yahibasisa ka svijoho hinkwasvu.

Timhaka 2:46

Masiku hinkwawu avachivirika kukumana Tempeleni, vali mbilu yin'we, nasvona avakumana vakhema xinkwa minjangwini ya vona, vaja svakuja sva vona hi kutsaka lokukulu ni timbilu tobasa,

Timhaka 20:7

Hi siku rorhanga ra vhiki, loko hihlengeletene kukhema xinkwa, Pawulo avulavula ni va le Trowasi, alehisa kuvulavula ka yena kuyafika xikarhi ka vusiku, hikuva aalava kufamba ni mixo wakona.

Vaefesa 6:18

Yendlani hinkwasvu lesvi hi kukhongela, mikombela kupfuniwa hi Xikwembu; khongelani minkama hinkwayu hilaha Moya wumiletelaka hakona. Hikolaho, tshamani na mihiteka, mingakarhali kukhongelela vahlawuliwa va Xikwembu hinkwavu.

Yuda 1:20

Kambe n'wina, varhandziwa, tiyakeni kupfumeleni ka n'wina lokokwetsima ngopfu, Khongelani hi matimba ni Moya Lowokwetsima.

Vakolosa 4:2

Yanani mahlweni mitiyisela mikhongelweni, mihitekela kona mili karhi mikhensa;

Vakolosa 1:23

Kambe mifanele kutiya kupfumeleni, na miyimile masungulweni yakona mingatsekatseki, na mingahambani ni kulangutela loku mikukumeke hi kutwa Evhangeli. Evhangeli leyi yitwalisiwile ka svivumbiwa hinkwasvu lesvinga hansi ka tilo, kutani mina Pawulo, ni yendliwile mutirhi wa yona.

2 Timotiya 3:14

Kambe loko ali wena, yana mahlweni ni lesvi usvijondzeke, svinga lesvi ungapfumela ni kutiya ka svona, hikuva utiva lweyi usvijondzeke ka yena;

Vaefesa 2:20

Na n'wina miyakiwa henhla ka masungulu lamavekiweke hi vapostola ni vaprofeta, ribze lerikulu ra masungulu na ali yena Yesu Kriste hi xiviri.

Timhaka 14:22

na vali karhi vatiyisa timbilu ta vajondzisiwa, vavakhongotela kutiyisela kupfumeleni, vaku: “Amfun'wini wa Xikwembu, hifanele kunghena hi maxangu lamanyingi.”

Timhaka 6:4

Loko hili hina, hitaya mahlweni ni svikhongelo, hivula ni Rito.”

Timhaka 4:31

Kuteloko vahetile kukhongela, ndhawu leyi avahlengeletane ka yona yitsekatseka, hinkwavu vatala hi Moya Wokwetsima, kutani vavula rito ra Xikwembu na vatiyile.

1 Vakorinto 10:21

Asviyendleki lesvaku minwela ndzhekweni wa Hosi ni le ndzhekweni wa madimoni. Asviyendleki lesvaku mija mezeni wa Hosi ni le mezeni wa madimoni.

Varhoma 12:12

Tsakani kulanguteleni, tiyiselani maxangwini, hitekani kukhongeleni.

Vaheveru 10:39

Kutani hina ahi va ntlawa wa lavatlhelelaka ndzhaku vayakuloveni, kambe hi va ntlawa wa lavanga ni kupfumela, lesvaku hihlayisa mimoya ya hina.

Timhaka 11:23

Loko afika kona, ni loko avona lesvi timpsalu ta Xikwembu titirheke svona, atsaka; kutani avakhongotela hinkwavu kunamarhela Hosi ni kuyichivirikela hi mbilu.

1 Vakorinto 11:2

Namikhensa, hikuva manitsundzuka minkama hinkwayu, nasvona mihlayisa milawu hilaha ningamijondzisa yona hakona.

Timhaka 20:11

Kutani atlhela akhandziya, akhema xinkwa, aja, avulavula na vona nkarhi lowo leha, riko rixa, kutani asuka.

1 Yohane 2:19

Vahumile ka hina, kambe avangali va hina; hikuva loko avali va hina avatatshama na hina ni svosvi, kambe lesvi svihumelelile akuva kutavoneka lesvaku ahi hinkwavu vanga va ka hina.

Vagalatiya 1:6

Manihlamalisa: Hi nkamanyana wutsongo, mifularhele lweyi amivitaneke hi timpsalu ta Kriste, kutani mitsutsumela ka evhangeli yin'wana.

Timhaka 4:23

Kuteloko Petrosi na Yohani vatshunxiwile, vatlhelela ka vamakwavu, kutani vavativisa hinkwasvu lesvi Vaprista lavakulu ni vakulukumba vangavabzela svona.

Luka 24:35

Kutani na vona va Emawusi varungula lesvi svingavahumelela ndleleni, ni hilaha vamutiveke hakona, kukhemeni ka xinkwa.

Luka 24:30

Kuteloko vali kujeni, ateka xinkwa, akhensa, kutani akhema, avanyika.

1 Vakorinto 14:6

Hikolaho-ke, vamakwerhu, loko nita ka n'wina, nifika nivulavula hi tindzimi letingatwisisiwiki, nitamipfunisa kuyini xana? Aningamipfuni, handle ka loko ningatirhisa mavulavulela lawa mahlavutelaka svin'wana, kumbe ya vutivi, kumbe ya kuprofeta, kumbe ya kujondzisa.

Vafilipiya 1:5

hikolaho ka ndlela leyi minipfuneke ha yona ntirhweni wa Evhangeli, kusukela siku rosungula kufikela namuntlha.