Timhaka 2:40 - Testamente Leyimpsha Xichangana

⁴⁰ Petrosi atiyisa vumboni bza yena hi marito man'wana lawa yotala, avakhongotela aku: “Hambanani ni rixaka leri rohomboloka lesvaku mitapona.”

BIBELE Mahungu Lamanene

⁴⁰ Petro a tiyisa vumbhoni bya yena hi marito man'wana layo tala, a va khongotela a ku: “Hambanani ni rixaka leri ro homboloka leswaku mi ta pona.”

Xitsonga (Bibele)

⁴⁰ Kutani a tiyisa vumbhoni bya yena hi marito man'wana layo tala, a va khongotela, a ku: “Tiponiseni erixakeni leri ra ku homboloka.”

Timhaka 2:40 Referans Kwoze

Vafilipiya 2:15

lesvaku mitapfumala nandzu, miva lavabaseke, miva vana va Xikwembu lavangaliki na xisandzu xikarhi ka rixaka lerohomboloka, leritiyalisaka; mifanela kuphatima xikarhi ka rona kufana ni tinyeleti, laha misaveni,

1 Timotiya 4:16

Tikambisise hi wexe, ni jondzo leyi uyijondzisaka. Tiya ka svona, hikuva loko uyendlisa svosvo, utatiponisa ni kuponisa vayingisi va wena.

Vaefesa 4:17

Hikolaho, nivula lesvi ni kusvitiyisa hi vito ra Hosi, nili: Mingahahanyeni kufana ni lesvi vamatiko vahanyisaka xisvona, hi kuyanakanya ka vona lokungapfuniki nchumu.

2 Vakorinto 6:17

Hikolaho, Hosi yili: “Humani xikarhi ka vona, mihambana na vona; mingatshukeni mikhumba lesvinyameke, kutani nitamiyamukela.

Matewu 17:17

Yesu ahlamula, aku: “Ha! Rixaka leringapfumeliki, lerohomboloka, nitava na n'wina kufika rini xana? Nitamixanisekela kufika kwihi ke? Mutiseni halenu.”

Matewu 16:4

Rixaka leri ra mona, ni vuwosvi, rilava xikombiso, kambe ringakala ringanyikiwi xona, loko xingali xikombiso xa muprofeta Yonasi.” Kutani avasiya, atifambela.

Vagalatiya 5:3

Nilava kuyengeta nitiyisa kambe, ka mun'wana ni mun'wana lweyi apfumelaka kuyimbisiwa, lesvaku afanela kuyendla hinkwasvu lesvi Nawu wuleletaka svona.

Timhaka 28:23

Vamuvekela siku, kutani vata ka yena na vali vanyinginyana, ka yindlo leyi aatshama ka yona. Pawulo avahlamusela ta Mfumu wa Xikwembu, atitiyisa hi vumboni bza yena; aringeta ni kuvakombisa ta Yesu, hi kuvula Nawini wa Moxe, ni ka vaprofeta, avulavula kusukela ni mixo kuyafika nimajambu.

Matewu 23:33

N'wina tinyoka, rixaka ra svipshahla, xana mitaponisa kuyini kuyavanyiseliwa Tihele ke?

1 Petro 5:12

Nimitsalela hi kukomisa, hi xiyandla xa Silvhano, makwerhu lweyi hi kuvona ka mina anga lweyi atshembekeke; namikhongotela, ni kutiyisa lesvaku timpsalu ta ntiyiso ta Xikwembu hi tona leti! Tiyani ka tona.

1 Vatesalonika 2:11

Masvitiva lesvaku hihlayisile mun'wana ni mun'wana wa n'wina kufana ni loko tatana ahlayisa vana va yena;

2 Vakorinto 5:20

Hikolaho, hi varhumiwa va Kriste; Xikwembu hi xoxe xamikhongotela ha hina; hamikhongotela hi matimba hikolaho ka Kriste, hili:

Timhaka 20:24

Hambi svilitano, nivona lesvaku kulahlekeliwa hi vutomi, asvi na mhaka nikutsongo ka mina, loko ningakota ntsena kuheta lesvi ningarhumiwa kuyendla svona, ni ntirho lowu niwuyamukeleke ka Hosi Yesu, wa kuvula Evhangeli ya timpsalu ta Xikwembu.

Luka 21:36

Hitekani ke, mikhongela minkarhi hinkwayu, lesvaku mikuma matimba ya kupona ka svilo hinkwasvu lesvi svingatahumelela, ni kuyima na mitiyile mahlweni ka N'wana-wa-Munhu.”

Marka 8:38

Lweyi anga ni tingana hikolaho ka mina ni marito ya mina rixakeni leri ra vawosvi ni vajohi, N'wana-wa-Munhu na yena atakhomiwa hi tingana hikolaho ka munhu lweyi siku leri angatavuya akukwetsimeni ka Tatana na ali ni tintsumi letokwetsima.”

Timhaka 20:21

Nitsundzuxile svinene Vayuda ni Vagirika kuhundzukela ka Xikwembu ni kupfumela ka Hosi ya hina Yesu.

Yohane 21:25

Kahali ni timhaka tin'wana letotala leti Yesu angatiyendla; loko atiyotsaliwa ha yin'we ni yin'we, anitshembi lesvaku misava hinkwayu ayitaringana tibuku leti atitatsaliwa.

Timhaka 20:11

Kutani atlhela akhandziya, akhema xinkwa, aja, avulavula na vona nkarhi lowo leha, riko rixa, kutani asuka.

Timhaka 20:9

Jaha rin'wana leri avaku i Yatiko, aritshamile jineleni; risungula kukhudzehela loko Pawulo aya mahlweni hi kuvulavula; kutani vurhongo bzihlula jaha leri; riwela hansi hi le xitezini xa vunharhu xa le henhla, kutani varitlakula na rifile.

Timhaka 20:2

Kuteloko atsemakanyile matiko lawa, ni loko akhongotelile vamakwavu hi marito lamanyingi, ayafika tikweni ra Gresiya;

Timhaka 15:32

Lesvi Yuda na Silasi avali vaprofeta, vakhongotelile vamakwavu hi marito layotala, vavatiyisa.

Timhaka 10:42

Kutani ahileletile kupaluxa Evhangeli tikweni, ni kutiyisa vumboni bza lesvaku hi yena lweyi avekiweke hi Xikwembu kuva muyavanyisi wa lavahanyaka ni lavafeke.

Matewu 12:34

“N'wina rixaka ra svipshahla, mingasvikotisa kuyini kuhumesa marito lamanene, lesvi minga lavobiha ke? Nomo wuvula lesvi mbilu yitaleke hi svona.

Luka 16:28

hikuva ni ni vamakwerhu va ntlhanu. Ataya valaya, lesvaku vangatshuki vata na vona ndhawini leyi ya kuxaniseka.’

Timhaka 4:36

Hi mukhuva lowu Yosefa, Mulevhi lweyi apsaliweke Kipra, lweyi vapostola avaku i Barnaba (hi lesvaku “Lweyi atiyisaka van'wana”),