Timhaka 2:10 - Testamente Leyimpsha Xichangana

¹⁰ le Frixjiya ni le Pamfiliya, le Gibita ni le matlhelweni ya Libiya lawa manga kusuhi na Kirene; ku ni vayendzi lavahumaka Roma:

BIBELE Mahungu Lamanene

¹⁰ le Frigiya ni le Pamfiliya, le Egipta ni le matlhelweni ya Libiya lama nge kusuhi na Kirena; ku ni vaendzi lava humaka eRhoma:

Xitsonga (Bibele)

¹⁰ ni le Frigiya, na Pamfiliya, na Egipta, ni matlhelo ya Libiya la nga ekusuhi na Kirene; ni lava luveleke eRhoma, Vayuda ni vaproselita,

Timhaka 2:10 Referans Kwoze

Timhaka 16:6

Vapostola vatsemakanya matiko ya Frixjiya ni ya Galatiya, kutani Moya Wokwetsima wuvasivela kuyavula Rito tikweni ra Aziya.

Timhaka 18:23

Atshama nkarhinyana kona, kutani asuka, arhendzeleka hinkwaku matikweni ya Galatiya ni ya Frixjiya, na atiyisa vajondzisiwa hinkwavu.

Timhaka 15:38

Kambe Pawulo avona lesvaku svitava svihoxekile loko vafamba ni munhu lweyi, hikuva aahambene na vona Pamfiliya, angayanga na vona ntirhweni.

Timhaka 13:43

Kuteloko nhlengeletanu yihangalakile, Pawulo na Barnaba valandziwa hi Vayuda ni vamatiko lavanyingi vavukhongeli, lavayamukeliweke Xiyudeni; vapostola vavulavula na vona, vavakhongotela kutiyisela timpsalwini ta Xikwembu.

Timhaka 13:13

Pawulo ni lava avali na yena, vasuka Pafo hi ngalawa, vapelela le Perxje, doropa ra Pamfiliya. Kambe Yohani ahambana na vona, atlhelela Yerusalema.

2 Timotiya 1:17

Kambe loko afikile le Roma anilavile hinkwaku hi matimba akondza anikuma.

Varhoma 1:15

Hikolaho nihisekelaka kuvula Evhangeli ni le ka n'wina lava minga seyo Roma.

Timhaka 27:5

Kuteloko hipelile lwandle ra Kilikiya ni ra Pamfiliya, hifika Mira, tikweni ra Likiya.

Timhaka 14:24

Kuteloko vatsemakanya tiko ra Pizidiya, vanghena tikweni ra Pamfiliya.

Timhaka 11:20

Kambe van'wana va vona, vanga vavanuna lavahumeke Kipra ni le Kirena, loko vafike le Antiyoka, vahlaya Rito ni le ka Vagirika, vavativisa Evhangeli ya Hosi Yesu.

Marka 15:21

Vamuyisa handle ka doropa kuyamuvamba. Vahlangana ni wanuna mun'we lweyi aahundza kolaho na ata hi le masin'wini, kutani vamusindzisa kurhwala xihambanu xa Yesu. Wanuna lweyi aali Simoni wa Kirene, tatana wa Alexandre na Rufo;

Matewu 27:32

Loko vali karhi vahuma, vahlangana ni mun'we wa nuna wa Kirene, lweyi avaku i Simoni, vamusindzisa kurhwala xihambanu.

Nhlavutelo 11:8

Kutani mintsumbu ya vona yiku chanjala ntsendzeleni wa doropa lerikulu, laha Hosi ya vona yingavambiwa kona xihambanwini, doropa leri loko vafanisa vange, i Sodoma ni Gibita.

Varhoma 1:7

Namixeweta, n'wina hinkwenu lava minga Roma, lavarhandziwaka hi Xikwembu, lavavitaniweke kuva vahlawuliwa va xona, nili: Timpsalu ni kurhula asvive na n'wina, svihuma ka Xikwembu Tatana wa hina, ni ka Hosi Yesu Kriste.

Timhaka 28:15

Loko vamakwerhu va le Roma vatwa lesvaku hafika, vatatahitlhangaveta ntsendzeleni wa Apiyo, laha kuvuliwaka “svitolo svinharhu”; kuteloko Pawulo avavona, akhensa Xikwembu, atiyisa mbilu.

Timhaka 18:2

Doropeni leri, akuma Muyuda mun'we lweyi avaku i Akila, lweyi avelekiweke Ponto, lweyi aatile hi le Italiya kungali khale, ali na Prisika nsati wa yena; hikuva hosi Klawudiyo ayileletile lesvaku Vayuda hinkwavu vasuka Roma. Pawulo aya ka vona.

Timhaka 13:1

Akerekeni ya le Antiyoka, akuli ni vaprofeta ni vajondzisi van'wana, vanga Barnaba, na Simiyoni lweyi avaku i Nigere na Lukiyo wa Kirena, na Manaheme lweyi angakula svin'we na hosi Heroda, na Sawulo.

Timhaka 6:9

Kambe kuhumelela van'wana vasinagoga leyivuliwaka ya Vatshunxiwa, van'we vali lavahumaka Kirene ni le Alexandriya, van'wana vahuma Kilikiya ni le Aziya; kutani vayima vakanetana na Stefano.

Timhaka 6:5

Marito wolawo mayamukeliwa hi nhlengeletanu hinkwayu; kutani vahlawula Stefano, wanuna lweyi ateleke hi kupfumela ni Moya Wokwetsima; vahlawula na Filipi, na Prokoro, na Nikanoro, na Timoni, na Parmena, na Nikolawu wa Antiyoka, munhu lweyi aarhange ayamukeliwa Xiyudeni.

Matewu 2:15

ayatshama kona, Heroda akondza afa, lesvaku kuhetiseka lesvingavuliwa hi Hosi, hi nomo wa muprofeta lweyi angaku: “Nivitanile n'wananga, ahuma tikweni ra Gibita.”

Timhaka 23:11

Avusikwini lebzitlhantamaka, Hosi yitikomba ka Pawulo, yiku: “Tiyisa mbilu Pawulo, hikuva kukotisa lesvi uhumeseke vumboni lebzotiya henhla ka mina kola Yerusalema, svifanele lesvaku uhumesa vumboni lebzotano ni le Roma.”

Matewu 23:15

“Yowee, n'wina Vatsali ni Vafarisi, hikuva mi vakanganyisi! Hikuva mirhendzeleka malwandle ni le misaveni, lesvaku mitakuma mujondzisiwa mun'we ntsena; kutani loko mimukumile, mimuyendla lweyi afaneliwaka hi Tihele, kuphindha kambirhi kutlula n'wina.

Timhaka 2:11

Van'wana i Vayuda, van'wana i vamatiko lavayamukeliweke Xiyudeni; van'wana va hina i Vakreta ni Vaarabiya; kambe hinkwerhu hivatwa vavula mintirho leyikulu ya Xikwembu hi tindzimi ta hina!”

Timhaka 17:21

(Vaatena hinkwavu, ni vanhu vamatiko man'wana lavayendzeke ka vona, avangatirhi nchumu, loko kungali kurungulelana timhaka, kumbe kuyingisa tin'wana letahakuhumelelaka.)