Timhaka 19:8 - Testamente Leyimpsha Xichangana

⁸ Pawulo anghena sinagogeni, avulavula na angachavi nchumu; kutani, hi tihweti tinharhu, ahlamulana ni vanhu vakona, avakholwisa timhakeni ta Mfumu wa Xikwembu.

BIBELE Mahungu Lamanene

⁸ Pawulo a nghena esinagogeni, a vulavula a nga chavi nchumu; kutani, hi tin'hweti tinharhu, a hlamulana ni vanhu va kona, a va khorwisa etimhakeni ta Mfumo wa Xikwembu.

Xitsonga (Bibele)

⁸ Kutani Pawulo a nghena esinagogeni, a vulavula a nga chavi, a hlamulana ni Vayuda hi tin'hweti tinharhu, a va khorwisa etimhakeni ta ku fuma ka Xikwembu.

Timhaka 19:8 Referans Kwoze

Timhaka 1:3

Ndzhaku ka loko axanisiwile, atikombile ka vona ali lweyi ahanyaka hi svikombiso lesvotala lesvikholwisaka; avoniwile hi vona, hi masiku ya mune wa makume, na ali karhi avulavula na vona hi ta Mfumu wa Xikwembu.

Timhaka 28:23

Vamuvekela siku, kutani vata ka yena na vali vanyinginyana, ka yindlo leyi aatshama ka yona. Pawulo avahlamusela ta Mfumu wa Xikwembu, atitiyisa hi vumboni bza yena; aringeta ni kuvakombisa ta Yesu, hi kuvula Nawini wa Moxe, ni ka vaprofeta, avulavula kusukela ni mixo kuyafika nimajambu.

Yuda 1:3

Varhandziwa, aninavela ngopfu kumitsalela timhaka ta kuponisiwa lokunga ka hina hinkwerhu, kambe nikumile lesvaku svanifanela kumitsalela nimikhongotela kulwela vupfumeli lebzi Xikwembu xibzinyikeke kan'we vahlawuliwa va xona.

Timhaka 19:9

Kambe van'wana vasungula kutinonon'hwisa timbilu ni kutiyalisa, vasola Ndlela ya Hosi mahlweni ka nhlengeletanu hinkwayu; hi loko Pawulo ahambana na vona, atitekela vajondzisiwa hi tlhelo; kutani siku rin'wana ni rin'wana ahlamulana ni vanhu axikolweni xa Tirano.

Timhaka 18:19

Vayafika le Efesa, laha Pawulo angasiya va Akila kona; kutani anghena sinagogeni, ahlamulana ni Vayuda.

Timhaka 18:4

Kutani, masiku hinkwawu ya Savata, Pawulo aahlamulana ni lava avali sinagogeni, aringeta kukholwisa Vayuda ni Vagirika.

Timhaka 17:17

Hikolaho, loko ali sinagogeni, ahlamulana ni Vayuda ni lavachavaka Xikwembu; kutani ayendlisa svosvo ni le hubzeni ya doropa masiku hinkwawu, ahlamulana ni lava avali kona.

Timhaka 14:1

Loko Pawulo na Barnaba vali le Ikoniya, vanghena sinagogeni ra Vayuda kufana ni le Antiyoka, vajondzisa kona, kukondza kupfumela vunyingi lebzikulu bza Vayuda ni bza Vagirika.

Timhaka 13:46

Kambe Pawulo na Barnaba vahlamula na vangachavi nchumu, vaku: “Asvifanela lesvaku Rito ra Xikwembu ribzeliwa n'wina kusunguleni; kambe lesvi miricukumetaka, ni lesvi mititsemelaka hi n'wexe, miku amifaneliwi hi vutomi lebzingaheliki, masvivo hina hihundzukela ka vamatiko.”

Timhaka 13:14

Loko valivona, vasuka le Perxje, vayafika doropeni ra Antiyoka wa Pizidiya; kutani vanghena sinagogeni hi siku ra Savata, vatshamisa.

Timhaka 18:26

Asungula kuvulavula sinagogeni, na angachavi nchumu. Kuteloko Priskila na Akila vamutwile, vamurhurhela, vamuhlamusela svinenenene hi ta Ndlela ya Xikwembu.

Timhaka 19:7

Vavanuna volavo avalava kuva khume ni vambirhi.

Timhaka 19:10

Svifambile hi ndlela leyo hi malembe mambirhi, kuyafika loko hinkwavu lavayakeke tikweni ra Aziya, Vayuda ni vamatiko, vatwa rito ra Hosi.

Timhaka 20:31

Loko svilitano, lavelelani, mitsundzuka lesvaku, vusiku ni nhlekanhi, anirhutelanga kujondzisa hi minhloti mun'wana ni mun'wana wa n'wina, hi nkarhi woringana malembe manharhu.