Timhaka 17:31 - Testamente Leyimpsha Xichangana

³¹ Hikuva xivekile siku leri xingatayavanyisa misava akululameni, hi wanuna lweyi ximuhlawuleke; kutani xikombisile vanhu hinkwavu kutiya ka mhaka leyi hi kupfuxa munhu lweyi xikarhi ka vafi.”

BIBELE Mahungu Lamanene

³¹ Hikuva xi vekile siku leri xi nga ta avanyisa misava eku lulameni, hi wanuna loyi xi n'wi hlawuleke; kutani xi kombisile vanhu hinkwavo ku tiya ka mhaka leyi hi ku pfuxa munhu loyi exikarhi ka vafi.”

Xitsonga (Bibele)

³¹ Hikuva xi vekile siku leri xi nga ta avanyisa misava ha rona hi mukhuva lowo lulama, hi wanuna loyi xi n'wi hlawuleleke swona; kutani xi tiyisile eka hinkwavo mhaka leyi, hi ku n'wi pfuxa eku feni.”

Timhaka 17:31 Referans Kwoze

2 Petro 3:7

Kambe hi ro rito lero, matilo ni misava ya svosvi, svihlayiseliwe kupsha hi ndzilo, sviyimele siku ra kuyavanyisiwa ni ra kuhelisiwa ka vanhu lavangaliki na mhaka ni Xikwembu.

Varhoma 2:16

svitava tano hi siku leri Xikwembu xingatathethisa svihundla sva vanhu ha Yesu Kriste, hilaha Evhangeli leyi niyijondzisaka yihlayaka hakona.

2 Vakorinto 5:10

Hikuva hinkwerhu hitafanela kuyima mahlweni ka Xitshamu xa kuyavanyisa xa Kriste, lesvaku mun'wana ni mun'wana atayamukela hakelo ya lesvi asviyendleke loko ahali mirini, hambi lesvosaseka kumbe lesvobiha.

1 Vakorinto 4:5

Hikolaho mingayavanyiseleni nchumu makumu, na nkama wungasifika. Rindzelani Hosi yikondza yivuya; hi yona leyingatahumesela rivaleni svilo sva munyama lesvifihliweke, ni kupaluxa makungu ya timbilu ta vanhu; kutani hi kona mun'wana ni mun'wana angatakuma kudzunisiwa ka yena loku kuhumaka ka Xikwembu.

Varhoma 2:5

Hi mbilu ya wena leyi ya kunonon'hwa, leyingalaviki kuhundzuka, utiyengetelela vukarhi lebzingatakuwela hi siku lerochavisa, leri kuthethisa loku kululameke ka Xikwembu kungatahumelela ha rona.

Timhaka 4:10

svitiveni n'wina hinkwenu, ni tiko hinkwaru ra Israyele arisvitive: Munhu lweyi ayimeke mahlweni ka n'wina na awololokile, ahanyisiwile hi vito ra Yesu Kriste wa Nazareta, yena lweyi mingamuvamba xihambanwini, lweyi Xikwembu ximupfuxeke kufeni.

2 Timotiya 4:1

Mahlweni ka Xikwembu ni le ka Kriste Yesu lweyi angatayavanyisa lavahanyaka ni lavafeke, ni hikolaho ka kuhumelela ka Yesu ni Mfumu wa yena, na kukhongotela svinene nili:

Matewu 10:15

Nitiyisile nili ka n'wina: Hi siku ra kuyavanyisa, tiko ra Sodoma na Gomora ritavevukiseliwa kutlula doropa rolero.

Timhaka 2:32

“Hi yena Yesu lweyi Xikwembu xingamupfuxa kufeni, kutani hinkwerhu hi timboni ta mhaka leyi.”

Timhaka 17:18

Kambe tintlhari tin'wana ta ntlawa wa Vaepikuro ni wa Svitoyika tikanetana na yena; van'wana vaku: “Xana munhu lweyi wa miharihari alava kuhibzela yini ke?” Van'wana vaku: “Ingi i mujondzisi wa ta svikwembu svin'wana.” Avavula svosvo, hikuva Pawulo aavabzela ta Yesu nitakupfuka kufeni.

Matewu 24:14

Kutani Evhangeli leyi ya Mfumu yitachumayeliwa misaveni hinkwayu, tani hi vumboni ka vanhu va matiko hinkwawu; kutani hi kona makumu mangatafika.

Luka 22:22

Loko ali N'wana-wa-Munhu, atatifambela hilaha svibohiweke hakona; kambe, ani khombo munhu lweyi amuxengaka.”

Yohane 5:27

Nasvona, amunyikile matimba ya kuyavanyisa, hikuva i N'wana-wa-Munhu.

Yohane 12:48

Lweyi anifularhelaka, kutani angayamukeli marito ya mina, a ni lweyi amuyavanyisaka; i marito lawa nimavulaka lawa mangatamiyavanyisa hi siku ra makumu.

Yohane 16:10

hi ta kululama, hikuva niya ka Tatana, kutani amingahanivoni;

Timhaka 17:6

Kambe loko vangavakumi, vakokela Yaso ni vamakwavu van'wana mahlweni ka tindhuna ta doropa, vahuwelela, vaku: “Vanhu lavapfilunganyaka misava hinkwayu, vafikile ni halenu, kutani Yaso avarhurhelile;

Timhaka 17:32

Loko vatwa ta kupfuka ka vafi, van'wana vahleka, kambe van'wana vaku: “Hahatakutwa nakambe mhakeni leyi.”

Vaheveru 6:2

jondzo henhla ka ta kukhuvula, nitakutlhanteka vanhu mavoko, ni ta kupfuka ka vafi, ni ta siku ra kuyavanyisiwa ka makumu.