Timhaka 16:19 - Testamente Leyimpsha Xichangana

¹⁹ Loko vinyi va nhwanyana vavona lesvaku vaheleliwe hi bindzu leri avarilangutelile, vakhoma Pawulo na Silasi, vavakokela vanhwini, mahlweni ka tindhuna ta vuthethisi;

BIBELE Mahungu Lamanene

¹⁹ Loko vini va wanhwana va vona leswaku va lahlekeriwe hi bindzu leri a va ri languterile, va khoma Pawulo na Silasi, va va kokela ehubyeni, emahlweni ka tindhuna;

Xitsonga (Bibele)

¹⁹ Veni va yena, kuteloko va vonile leswaku va lahlekele hi ku tshemba bindzu ra vona, va khoma Pawulo na Silasi, va va kokela ehubyeni, emahlweni ka tihosi;

Timhaka 16:19 Referans Kwoze

Timhaka 21:30

Doropa hinkwaru riyendla mpfilumpfilu, vanhu vata hi kutsutsuma ndhawini yin'we; loko vakhomile Pawulo, vamukokela handle ka Tempele; kutani svipfalu svipfaliwa hi kuhantlisa.

Timhaka 17:6

Kambe loko vangavakumi, vakokela Yaso ni vamakwavu van'wana mahlweni ka tindhuna ta doropa, vahuwelela, vaku: “Vanhu lavapfilunganyaka misava hinkwayu, vafikile ni halenu, kutani Yaso avarhurhelile;

2 Vakorinto 6:5

akubiweni, ni le majele, ni le madzolongeni; mintirhweni leyotika, ni le kupfumaleni ka vurhongo, ni le kutitsoneni ka svakuja.

Timhaka 16:16

Siku rin'wana loko hiya ndhawini yokhongela ka yona, hihlangana ni wanhwana lweyi aali xikarawa, lweyi aali ni moya wa vungoma, afuwisa vinyi va yena hi kuvhumbha.

Timhaka 8:3

Kambe Sawulo aali karhi ahlasela kereke, anghena ka munti wun'wana ni wun'wana, akokela vavanuna ni vavasati handle, aya vanghenisa jele.

Timhaka 15:26

vanga vavanuna lava vangachavangiki kunyiketa vutomi bza vona kutirhela Hosi ya hina Yesu Kriste.

Timhaka 14:19

Hi loko kufika Vayuda lavahumaka Antiyoka ni le Ikoniya, vakucetela xitshungu, xikhandla Pawulo hi maribze, kutani vamukokela handle ka doropa, vapimisa lesvaku afile.

Timhaka 14:5

Hi loko vamatiko ni Vayuda, svin'we ni tindhuna ta vona, varingeta kuyendlela vapostola lesvobiha, ni kuvakhandla hi maribze;

Timhaka 9:16

nasvona mina nitamukomba hinkwasvu lesvi afanelaka kuvaviseka ha svona, hikolaho ka vito ra mina.”

Marka 13:9

“Loko kuli n'wina, tivoneleni; vataminyiketa ka tihuvu ta vuthethisi; mitabiwa masinagogeni, mitayimisiwa mahlweni ka tindhuna ni tihosi hikolaho ka mina, lesvaku mitava timboni ka vona.

Matewu 24:9

Nkarhini wolowo vataminyiketa akuxanisiweni, vamidlaya; mitavengiwa hi vanhu va matiko hinkwawu hikolaho ka vito ra mina.

Yakobo 2:6

Kambe n'wina michipisa svisiwana! Xana ahi vafuwi lava vamixanisaka ke? Xana ahi vona lava vamirhurhuvulelaka tihubzeni ke?

Timhaka 15:22

Hikokolaho vapostola ni vakulukumba, svin'we ni kereke hinkwayu, vatwanana kuhlawula vavanuna van'wana xikarhi ka vona, vavarhumela Antiyoka na Pawulo na Barnaba; kurhumiwa Yuda lweyi avaku i Barsaba, na Silasi, vavanuna lavochaviseka xikarhi ka vamakwavu Hosini.

1 Timotiya 6:10

Hikuva kurhandza ngopfu male i rimintsu ra lesvobiha hinkwasvu; hi yo mhaka ya kunavela male ngopfu leyi yingahambukisa van'wana, vatshika vupfumeli, kutani timbilu ta vona tingheniwa hi svivilelo lesvotala.

Timhaka 15:40

Loko ali Pawulo, atihlawulela Silasi, kutani asuka, na akombeleliwe minkateko ya Xikwembu hi vamakwavu.

Timhaka 16:20

vavayisa ka letikulu takona vaku: “Vanhu lava i Vayuda, kutani vapfilunganyisa doropa ra ka hina;

Timhaka 16:25

Xikarhi ka vusiku, Pawulo na Silasi avakhongela, vadzunisa Xikwembu hi kuyimbelela tinsimu, kutani vabohiwa lavan'wana va vayingisa.

Timhaka 16:29

Mulanguteli akombela tivoni, anghena hi kutsutsuma, atiwisela milengeni ya Pawulo na Silasi, na ali karhi arhurhumela hi kuchava.

Vafilipiya 1:30

Svosvi, n'wina na mina hilwa nyimpi yin'we leyi minivoneke nilwa yona, leyi mitwaka lesvaku nahalwa yona ni svosvi.

1 Vatesalonika 2:2

Hambi loko hirhange hi xanisiwa ni kurhuketeliwa le Filipi, hilaha misvitivaka hakona, Xikwembu xa hina xihinyikile matimba ya kumitivisa Evhangeli leyihumaka ka xona, hambilesvi lavotala avali karhi valwa na yona.