Timhaka 14:1 - Testamente Leyimpsha Xichangana

¹ Loko Pawulo na Barnaba vali le Ikoniya, vanghena sinagogeni ra Vayuda kufana ni le Antiyoka, vajondzisa kona, kukondza kupfumela vunyingi lebzikulu bza Vayuda ni bza Vagirika.

BIBELE Mahungu Lamanene

¹ Loko Pawulo na Barnaba va ri le Ikoniya, va nghena esinagogeni ra Vayuda kukota le Antiyoka, va dyondzisa kona, ku ko ku pfumela vunyingi lebyikulu bya Vayuda na bya Vagriki.

Xitsonga (Bibele)

¹ Pawulo na Barnaba, loko va ri eIkoniya, va nghena kun'we esinagogeni ya Vayuda, va dyondzisa kona, kutani ku pfumela vunyingi lebyikulu bya Vayuda ni bya Vagriki.

Timhaka 14:1 Referans Kwoze

Timhaka 18:4

Kutani, masiku hinkwawu ya Savata, Pawulo aahlamulana ni lava avali sinagogeni, aringeta kukholwisa Vayuda ni Vagirika.

Timhaka 13:51

Kambe vona vaphumunha ntshuri milengeni ya vona, kukomba lesvaku vahambana na vona, kutani vaya doropeni ra Ikoniya.

Timhaka 13:46

Kambe Pawulo na Barnaba vahlamula na vangachavi nchumu, vaku: “Asvifanela lesvaku Rito ra Xikwembu ribzeliwa n'wina kusunguleni; kambe lesvi miricukumetaka, ni lesvi mititsemelaka hi n'wexe, miku amifaneliwi hi vutomi lebzingaheliki, masvivo hina hihundzukela ka vamatiko.”

Timhaka 14:21

Kuteloko na vapaluxile Evhangeli doropeni rolero ra Derbe ni kuhundzukisa vanhu lavanyingi lesvaku vava vajondzisiwa, vatlhelela Listra, ni le Ikoniya, ni le Antiyoka,

Vagalatiya 3:28

Hikolaho, aku na Muyuda kumbe Mugriki, aku na xikarawa kumbe mutshunxeki, aku na wanuna kumbe wansati, hikuva hinkwenu miwun'we ka Yesu Kriste.

Varhoma 10:12

Aku na kuhambana xikarhi ka Muyuda ni wamatiko, hikuva hinkwavu va ni Hosi yin'we, leyi minkateko ya yona yitalelaka hinkwavu lava vayikhongelaka.

Varhoma 1:16

Mhaka hi lesvaku a ni na tingana hi Evhangeli, hikuva i matimba ya Xikwembu yoponisa hinkwavu lavapfumelaka, kusukela ka Vayuda, kuyafika ka vamatiko.

Timhaka 19:17

Mhaka leyi yitiviwa hi Vayuda ni Vagirika hinkwavu lavayakeke le Efesa; kuchava lokukulu kuvakhoma hinkwavu, kutani vito ra Hosi Yesu rikulisiwa svinene.

Timhaka 19:8

Pawulo anghena sinagogeni, avulavula na angachavi nchumu; kutani, hi tihweti tinharhu, ahlamulana ni vanhu vakona, avakholwisa timhakeni ta Mfumu wa Xikwembu.

Timhaka 18:8

Kambe Krispo, mufambisi wa sinagoga, apfumela ka Hosi, ni va njangu wa yena hinkwavu; na vona Vakorinto lavanyingi, loko vatwa Rito, vapfumela, vava vakhuvuliwa.

Timhaka 17:12

Kutani lavotala xikarhi ka vona vapfumela, na svona, xikarhi ka Vagirika, kupfumela vavasati lavanyingi lava vachavisekaka, ni vavanuna lavanyingi.

Timhaka 17:4

Kutani van'wana xikarhi ka vona vapfumela, vanamarhela Pawulo na Silasi, na vali ni nhlayo leyikulu ya Vagirika lavachavaka Xikwembu, ni lavanyingi xikarhi ka vavasati lavochaviseka.

Timhaka 13:43

Kuteloko nhlengeletanu yihangalakile, Pawulo na Barnaba valandziwa hi Vayuda ni vamatiko lavanyingi vavukhongeli, lavayamukeliweke Xiyudeni; vapostola vavulavula na vona, vavakhongotela kutiyisela timpsalwini ta Xikwembu.

Timhaka 11:21

Matimba ya Hosi amali na vona; kutani vanhu lavotala vapfumela, vahundzuka ka Hosi.

Timhaka 9:20

Kutani hi kuhantlisa asungula kupaluxa ta Yesu masinagogeni, aku: “Lweyi hi yena N'wana wa Xikwembu.”

Timhaka 21:28

vahuwelela, vaku: “Vavanuna Vaisrayele, hipfuneni! Munhu lweyi ajondzisaka vanhu hinkwavu, matikweni hinkwawu, kuyala tiko ni Nawu ni ndhawu leyi, hi yena lweyi! Nasvona anghenisile Vagirika Tempeleni, anyamisa ndhawu leyi ya kuhlawuleka.”

Timhaka 20:21

Nitsundzuxile svinene Vayuda ni Vagirika kuhundzukela ka Xikwembu ni kupfumela ka Hosi ya hina Yesu.

Timhaka 17:17

Hikolaho, loko ali sinagogeni, ahlamulana ni Vayuda ni lavachavaka Xikwembu; kutani ayendlisa svosvo ni le hubzeni ya doropa masiku hinkwawu, ahlamulana ni lava avali kona.

Timhaka 16:1

Pawulo afika Derbe ni le Listra. Kona, akuli ni mujondzisiwa lweyi avaku i Timotewu; mamana wa yena aali muyuda, nasvona aali mupfumeli; kambe tatana wa yena aali mugriki;

Timhaka 14:2

Kambe Vayuda vokala vangapfumelanga vahlohlotela vamatiko, vawonha timbilu ta vona kuvalwisa ni vamakwavu Hosini.

Timhaka 13:5

Loko vafikile Salamina, vapaluxa Rito ra Xikwembu masinagogeni ya Vayuda. Avali na Yohani, mupfuni wa vona.

Yohane 12:20

Xikarhi ka lava vatlhantukele nkhubzini kuyagandzela, akuli ni Vagirika vangali vangani.

Yohane 7:35

Hi loko Vayuda vavutisana vaku: Alava kuya kwihi munhu lweyi, lomu hingatatsandzeka kumukuma kona xana? Xana alava kuya ka Vayuda lava vahangalakeke xikarhi ka va-Griki, ni nkongometo wa kuyajondzisa va-Griki ke?

Vakolosa 3:11

Laha aku na Mugirika ni Muyuda, aku na lweyi ayimbeke ni lweyi angayimbangiki, aku na munhu wa matiko ni munhu wa hava, aku na xikarawa ni mutshunxeki, kambe i Kriste lweyi anga hinkwasvu ka hinkwavu.

Vagalatiya 2:3

Na Tito lweyi anili na yena, hambilesvi anga Mugriki, angasindzisiwanga kuyimba.

Timhaka 19:10

Svifambile hi ndlela leyo hi malembe mambirhi, kuyafika loko hinkwavu lavayakeke tikweni ra Aziya, Vayuda ni vamatiko, vatwa rito ra Hosi.

Marka 7:26

Wansati lweyi aali wa matiko, wa rixaka ra Vasiro-Fenisa; akombela Yesu lesvaku ahlongola dimoni, rihuma ka n'wana wa yena.

Timhaka 2:47

na vali karhi vadzunisa Xikwembu, vatsakeliwa hi tiko hinkwaru. Kutani siku rin'wana ni rin'wana Hosi ayiyengetela nhlengeletanu ya vona hi lava avali karhi vaponisiwa.

Timhaka 14:19

Hi loko kufika Vayuda lavahumaka Antiyoka ni le Ikoniya, vakucetela xitshungu, xikhandla Pawulo hi maribze, kutani vamukokela handle ka doropa, vapimisa lesvaku afile.

Timhaka 16:2

Timotewu aakhenseka ka vamakwavu va le Listra ni va le Ikoniya.

2 Timotiya 3:11

Uvonile kuxanisiwa ka mina ni mahlomulu ya mina; utiva hinkwasvu lesvi svinihumeleleke le Antiyoka ni le Ikoniya ni le Listra, ni kuxaniseka lokukulu loku nikuvoneke. Hambi svilitano, Hosi yinilamulelile kuxanisekeni loku hinkwaku.