Timhaka 13:38 - Testamente Leyimpsha Xichangana

³⁸ “Svitiveni ke n'wina valekwerhu lesvaku, hikolaho ka munhu lweyi, mitivisiwa ta kurivaleliwa ka svijoho; nasvona tivani lesvaku, ka hinkwasvu lesvi amihluleka kurivaleliwa ka svona hi Nawu wa Moxe,”

BIBELE Mahungu Lamanene

³⁸ “Swi tiveni ke n'wina varikwerhu leswaku, hikwalaho ka munhu loyi, mi tivisiwa ta ku rivaleriwa ka swidyoho; naswona tivani leswaku, eka hinkwaswo leswi a mi hluleka ku pemberisiwa ka swona hi Nawu wa Muxe,

Xitsonga (Bibele)

³⁸ “Vavanuna varikwerhu, swi tiveni hikwalaho, leswaku mi byeriwa ha yena ntsena ku rivaleriwa ka swidyoho,

Timhaka 13:38 Referans Kwoze

Luka 24:47

Kutani, hi vito ra yena, timhaka ta kuhundzuka ni ta kurivaleliwa svijoho titapaluxiwa matikweni hinkwawu, kusungula hilaha Yerusalema.’

1 Yohane 2:12

Nitsalela n'wina, vananga, hikuva svijoho sva n'wina svitsetseleliwile hikolaho ka vito ra yena.

Timhaka 5:31

Hi yena lweyi Xikwembu xingamutlakusa, atshama vokweni ra xona ra xinene kuva Murhangeli ni Muponisi, lesvaku atanyika Vaisrayele akuhundzuka ni kurivaleliwa ka svijoho.

Vakolosa 1:14

lweyi ka yena hinga ni kurivaleliwa ka svijoho ni kuponisiwa.

Vaefesa 1:7

Hikuva, hi kufa ka Kriste, haponisiwa, hirivaleliwa svijoho sva hina. Timpsalu ta Xikwembu i tikulu ngopfu,

Timhaka 28:28

“Loko svilitano, svitiveni lesvaku mahungu ya kuponisiwa hi Xikwembu marhumeliwile ka vamatiko; vona vatamayingisa.”

Timhaka 2:38

Petrosi aku ka vona: “Hundzukani, kutani mun'wana ni mun'wana wa n'wina akhuvuliwa hi vito ra Yesu Kriste, lesvaku mirivaleliwa svijoho sva n'wina; kutani mitayamukela nyiko, wunga Moya Wokwetsima,

Timhaka 10:43

Hi yena lweyi vaprofeta hinkwavu vahlayeke vumboni henhla ka yena loko vaku: ‘Mun'wana ni mun'wana lweyi apfumelaka ka yena, atakuma kurivaleliwa ka svijoho hi vito ra yena.’”

Yohane 1:29

Amundzuku wakona Yohani avona Yesu na ali karhi ata, amukongomile, kutani aku; hi lexi Xinyempfana xa Xikwembu lexisusaka svijoho sva misava!

Vaheveru 9:22

Hikuva hakunene, hansi ka Nawu, hingaku hinkwasvu svibasisiwa hi kucheliwa ngati, kutani handle ka kuhalatiwa ka ngati kuhava kurivaleliwa ka svijoho.

Vaefesa 4:32

Matshan'wini ya svona, twelanani vusiwana, mitsetselelana, mirivalelana, kufana ni lesvi Xikwembu na xona ximirivaleleke ka Kriste.

Timhaka 4:10

svitiveni n'wina hinkwenu, ni tiko hinkwaru ra Israyele arisvitive: Munhu lweyi ayimeke mahlweni ka n'wina na awololokile, ahanyisiwile hi vito ra Yesu Kriste wa Nazareta, yena lweyi mingamuvamba xihambanwini, lweyi Xikwembu ximupfuxeke kufeni.

Timhaka 2:14

Hi loko Petrosi ayima kun'we ni vapostola lavan'wana va khume ni mun'we, atlakusa rito aku ka vona: Vavanuna va Yudeya, na n'wina hinkwenu vayaki va Yerusalema, nilombeni tindleve mitativa lesvi:

Vaheveru 8:6

Kambe hilaha timhaka tiyimeke hakona, Kriste akumile vutirheli lebzitlulaka ngopfu lebza khale hi kusaseka, hikuva ntwananu lowu anga muyimeli wa wona wutlakukile kutlula lowa khale, hikuva lowumpsha wubohiwile hi svitshembiso lesvitlakukeke.

Matewu 1:21

Ataveleka n'wana wa mufana, kutani wena utamuchula vito ra Yesu, hikuva hi yena lweyi angataponisa vanhu va yena asvijohweni sva vona.”