Timhaka 13:10 - Testamente Leyimpsha Xichangana

¹⁰ “Wena n'wana Sathana, lweyi ateleke hi kukanganyisa hinkwaku ni kubiha hinkwaku, wena nala wa hinkwasvu lesvilulameke, xana utatshika rini kuhingakanya tindlela letolulama ta Hosi ke?

BIBELE Mahungu Lamanene

¹⁰ “Wena n'wana Sathana, la teleke ku xisa hinkwako ni ku biha hinkwako, wena nala wa hinkwaswo leswi lulameke, xana u ta tshika rini ku hingakanya tindlela leto lulama ta Hosi ke?

Xitsonga (Bibele)

¹⁰ “Wena loyi u teleke ku xisa hinkwako, ni ku hemba hinkwako, n'wana Diyavulosi, nala wa hinkwaswo leswi lulameke, xana u ta tshika rini ku homboloxa tindlela ta Hosi leti lulameke xana?

Timhaka 13:10 Referans Kwoze

Yohane 8:44

Tatana wa n'wina i Diyavulosi, kutani mitsakela kuyendla kurhandza ka tatana wa n'wina. Aali mudlayi ni le kusunguleni. Angatshamanga ntiyisweni, hikuva kuhava ntiyiso ka yena. Loko avulavula mavunhwa, akombisa lesvi anga svona, hikuva i muhembi, ni tatana wa mavunhwa.

Vagalatiya 1:7

Kasi Evhangeli yin'wana ayikona. Nihlaya lesvi hikuva ku ni van'wana lava vamipfilunganyisaka tinhloko, lavaringetaka kujikisa Evhangeli ya Kriste.

2 Vakorinto 11:3

Kambe, kufana ni lesvi nyoka yikanganyiseke Evha hi maqhinga ya yona, nachava lesvaku hi tindlela tin'wana miyanakanyu ya n'wina yingawonhiwa, kutani mingahasvikoti kulandzela Kriste hi kutinyiketa ni kutenga.

Matewu 13:38

nsimu i misava; mbewu leyinene i vana va Mfumu; mfava i vana va Lweyi Wobiha.

1 Yohane 3:8

Lweyi ajohaka i wa Diyavulosi, hikuva Diyavulosi i mujohi kusukela kusunguleni. Hi svolesvi sviyendleke lesvaku N'wana wa Xikwembu atikombisa lesvaku mitshunxiwa ka mintirho ya Diyavulosi.

Luka 11:52

“Yowee n'wina vajondzisi va Nawu, hikuva mitekile khiya ra vutivi; kutani n'wina ha n'wexe aminghenanga, kambe n'wina misivelile lava avanghena.”

2 Petro 2:15

Vatshikile ndlela leyinene, valandza ndlela ya Balamu n'wana Beyori, lweyi arhandzeke bindzu hi kuyendla lesvohomboloka.

Timhaka 20:30

na svona, nitiva lesvaku kutahuma van'wana xikarhi ka n'wina lavangatahlaya mavunhwa kutilavela vajondzisiwa.

Matewu 23:13

“Yowee n'wina Vatsali ni Vafarisi, hikuva mi vakanganyisi! Hikuva mipfalela vanhu kunghena Mfun'wini wa matilo. N'wina amingheni ka wona, nasvona lavaringetaka kunghena amivatshiki.

Matewu 15:19

Hikuva miyehleketo leyobiha, kudlayana, vuwosvi, vuphukuphuku, ni kuyiva, vumboni bza mavunhwa ni kurhuketela,

Matewu 3:7

Kambe loko avona Vafarisi ni Vasaduki lavotala vata kutakhuvuliwa hi yena, aku ka vona: “Rixaka ra svipshahla, i mani lweyi amibzeleteleke lesvaku mitapona ka vukarhi bza Xikwembu lebzitaka xana?

Yohane 1:23

Aku: “Mina ni rito ra munhu lweyi ahuwelelaka mananga aku: ‘Lulamisani ndlela ya Hosi’, hilaha muprofeta Ezaya avuleke hakona.”

Luka 11:39

Kutani Hosi yiku ka yena: “N'wina Vafarisi, mihlampsa ndzheko ni nkambana handle, kasi ndzeni kutele hi makwanga ni lunya.

Vaefesa 4:14

Kutani ahingahavi vatsongwana lavatsekatsekisiwaka, nasvona ahingehepengwisiwi hi jondzo yokala yingali yona, hi kuxengiwa hi vanhu lavakanganyisaka van'wana ni kuvahambukisa hi maqhinga ya vona.