Timhaka 11:26 - Testamente Leyimpsha Xichangana

²⁶ Kuteloko amukumile, avuya na yena Antiyoka. Vahlengeletana ni kereke lembe hinkwaru, na vali karhi vajondzisa ntshungu lowukulu. Le Antiyoka, hi kona laha vajondzisiwa vangasungula kuvuliwa Vakriste kona.

BIBELE Mahungu Lamanene

²⁶ Kuteloko a n'wi kumile, a vuya na yena eAntiyoka. Va hlengeletana ni kereke lembe hinkwaro, va ri karhi va dyondzisa ntshungu lowukulu. Emutini wa Antiyoka, hi kona laha vadyondzisiwa va nga sungula ku vuriwa Vakriste kona.

Xitsonga (Bibele)

²⁶ Kuteloko a n'wi kumile, a n'wi yisa eAntiyoka. Va tshamisa kona, va heta lembe rin'we va ri karhi va hlengeletana ni kereke kutani va dyondzisa vunyingi lebyikulu. Hi kona la Antiyoka vadyondzisiwa va nga sungula ku thyiwa Vakriste.

Timhaka 11:26 Referans Kwoze

1 Petro 4:16

Kambe loko munhu atwisiwa kuvava hikolaho ka lesvi anga mukriste, angatshuki akhomiwa hi tingana, kambe aadzunise Xikwembu, hi mhaka ya vito leri ra “mukriste”.

Timhaka 26:28

Agripa aku ka Pawulo: “Uringeta kunikhongotela, hi nkamanyana wungali wungani, lesvaku nihanya xikriste!”

1 Yohane 2:27

Kambe kutotiwa loku mikuyamukeleke ka yena kutshama ka n'wina, xilesvo amivileli kuva munhu amijondzisa wona; kambe moya wa yena lowu mingatotiwa wona wa mijondzisa hinkwasvu, wu ni ntiyiso, awuhembi, tani hi lesvi wumijondziseke, xilesvo tshamani ka yena.

1 Petro 4:14

Loko misoliwa hikolaho ka vito ra Kriste, mikatekile, hikuva Moya lowukwetsimaka, lowunga wa Xikwembu, wu le ka n'wina.

Vaefesa 3:15

lweyi njangu, wun'wana ni wun'wana, matilweni ni la misaveni, wuhlayiwaka hikolaho ka yena.

1 Vakorinto 14:23

Loko nhlengeletanu hinkwayu yita ndhawini yin'we, ni loko hinkwavu vavulavula hi tindzimi letingativiwiki, kutani kutshuka kunghena vanhu lava vangaliki vapfumeli, xana avangavuli vaku: “Mi ni rihuhe, ke?”

1 Vakorinto 12:12

Kutani-ke, miri i wun'we, hambilesvi wunga ni svirho lesvinyingi; na svona svirho, akutaleni ka svona, sviyendla miri wun'we ntsena. Kutani na wona miri wa Kriste, wutano.

1 Vakorinto 11:18

Xorhanga: Nitwa lesvaku ku ni kuhambana xikarhi ka n'wina loko minghena tinhlengeletanu ta n'wina; mhaka leyi, hi tlhelo rin'wana nikholwa lesvaku yingava yona.

1 Vakorinto 4:17

Hi svona lesviyendlaka lesvaku nimirhumela Timotewu, n'wana wa mina lweyi nimurhandzaka, lweyi atshembekeke Hosini; atamitsundzuxa mahanyela ya mina ka Yesu Kriste, hilaha nijondzisaka hakona ka kereke yin'wana ni yin'wana.

Timhaka 14:27

Akufikeni ka vona, vahlengeleta kereke, vavarungulela hinkwasvu lesvi Xikwembu xisviyendleke ha vona, ni hilaha xingapfulela vamatiko anyangwa yonghena kupfumeleni.

Matewu 28:19

hi kolaho, fambani ka tinxaka hinkwatu, mivayendla vajondzisiwa va mina, mivakhuvula hi vito ra Tatana, ni ra N'wana, ni ra Moya Lowokwetsima,

Nhlavutelo 3:18

Loko svilitano, nakukhutaza lesvaku uxava ka mina golidi leyi yibasisiweke yiva yisasekisiwa hi ndzilo, lesvaku uva xipfundzi; xava ni sviyambalu svobasa lesvaku usviyambala, ufunengeta tingana ta vusveti bza wena lesvaku bzingavoneki; xava ni murhi wotota mahlo ya wena lesvaku utakota kuvona.

Timhaka 14:23

Vavahlawulela vakulukumba akerekeni yin'wana ni yin'wana; kutani, hi kukhongela ni kutitsona svakuja, vavaveka mavokweni ya Hosi leyi avapfumelile ka yona.

Timhaka 11:27

Masikwini walawo, vaprofeta vangirimela hi le Yerusalema, vata Antiyoka.

Timhaka 11:22

Kuteloko mahungu ya timhaka toleto mayafika tindleveni ta kereke ya le Yerusalema, kurhumiwa Barnaba lesvaku aya Antiyoka.

Timhaka 11:20

Kambe van'wana va vona, vanga vavanuna lavahumeke Kipra ni le Kirena, loko vafike le Antiyoka, vahlaya Rito ni le ka Vagirika, vavativisa Evhangeli ya Hosi Yesu.

Timhaka 6:5

Marito wolawo mayamukeliwa hi nhlengeletanu hinkwayu; kutani vahlawula Stefano, wanuna lweyi ateleke hi kupfumela ni Moya Wokwetsima; vahlawula na Filipi, na Prokoro, na Nikanoro, na Timoni, na Parmena, na Nikolawu wa Antiyoka, munhu lweyi aarhange ayamukeliwa Xiyudeni.

Yohane 2:2

Yesu ni vajondzisiwa va yena, avarhambiwile na vona nkhubzeni wa vukati.

Timhaka 1:15

Hi masiku wolawo, Petrosi ayima nhlengeletanweni ya vamakwavu Hosini (lava nhlayo ya vona ayilava kuva dzana ni makume mambirhi (120) ), kutani aku:

Timhaka 6:1

Hi masiku wolawo, loko vajondzisiwa vayavatala, van'wana va vona lava avavulavula Xigirika vatseketsela lava avavulavula ririmi ra Xiyuda, vaku vafelekazi va ka vona vatsoniwa loko kuphakeliwa sva siku rin'wana ni rin'wana.

Timhaka 9:19

Kuteloko ajile svakuja, atlhela akuma matimba. Sawulo atshama ni vajondzisiwa va le Damaska masiku mangali mangani.

Timhaka 9:38

Doropa ra Yopa arili kusuhi na Lida; hi kolaho, loko vajondzisiwa vatwa lesvaku Petrosi a le Lida, vamurhumela vavanuna vambirhi, vayamukombela lesvaku ata Yopa, angahlweli.

Timhaka 11:29

Kutani vajondzisiwa vatwanana lesvaku mun'wana ni mun'wana wa vona, atarhumela lesvi asvikotaka akuva vapfuna vamakwavu lavayakeke tikweni ra Yudeya.

Timhaka 14:20

Kambe loko vajondzisiwa vata vamurhendzela, apfuka, anghena doropeni; kutani hi siku leritlhantamaka asuka aya Derbe, na ali na Barnaba.

Timhaka 14:22

na vali karhi vatiyisa timbilu ta vajondzisiwa, vavakhongotela kutiyisela kupfumeleni, vaku: “Amfun'wini wa Xikwembu, hifanele kunghena hi maxangu lamanyingi.”

Timhaka 14:28

Kutani vatshama kona nkama lowoleha na vali ni vajondzisiwa.

Timhaka 18:27

Kambe lesvi aalava kuyafika Akaya, vamakwavu vaseketela makungu ya yena, kutani vatsalela vajondzisiwa, vakombela lesvaku vamuyamukela. Loko afikile ka vona, avapfuna ngopfu lava avapfumelile hi kutsakeliwa hi Xikwembu;

Timhaka 19:9

Kambe van'wana vasungula kutinonon'hwisa timbilu ni kutiyalisa, vasola Ndlela ya Hosi mahlweni ka nhlengeletanu hinkwayu; hi loko Pawulo ahambana na vona, atitekela vajondzisiwa hi tlhelo; kutani siku rin'wana ni rin'wana ahlamulana ni vanhu axikolweni xa Tirano.

Timhaka 20:1

Kuteloko mpfilumpfilu yihelile, Pawulo avitana vajondzisiwa, avakhongotela, kutani asalisana na vona asuka, aya Makedoniya.

Timhaka 20:30

na svona, nitiva lesvaku kutahuma van'wana xikarhi ka n'wina lavangatahlaya mavunhwa kutilavela vajondzisiwa.

Timhaka 21:4

Kuteloko hikumanile ni vajondzisiwa, hixwa na vona masiku ya ntlhanu ni mambirhi. Vona vatsundzuxa Pawulo hi matimba ya Moya wa Xikwembu lesvaku angatshuki atlhantukela Yerusalema.

Yakobo 2:7

Xana ahi vona lavarhuketelaka vito lerohlawuleka leri michuliweke rona ke?