Timhaka 11:22 - Testamente Leyimpsha Xichangana

²² Kuteloko mahungu ya timhaka toleto mayafika tindleveni ta kereke ya le Yerusalema, kurhumiwa Barnaba lesvaku aya Antiyoka.

BIBELE Mahungu Lamanene

²² Kuteloko mahungu ya timhaka teto ma ya fika etindleveni ta kereke ya le Yerusalema, ku rhumiwa Barnaba leswaku a ya eAntiyoka.

Xitsonga (Bibele)

²² Timhaka teto, kuteloko ti fikile etindleveni ta kereke leyi nge Yerusalema, yi rhuma Barnaba leswaku a endza eAntiyoka.

Timhaka 11:22 Referans Kwoze

Timhaka 9:27

Kutani Barnaba amuteka, amuyisa ka vapostola, avahlamusela hilaha Sawulo avoneke Hosi hakona, loko ali ndleleni, ni lesvaku Hosi yivulavule na yena; ahlamusela ni hilaha angajondzisa hakona hi vito ra Yesu doropeni ra Damaska, na angachavi nchumu.

1 Vatesalonika 3:6

Kambe svosvi Timotewu wahakuvuya hi le ka n'wina kutani ahitisele mahungu lamanene ya kupfumela ka n'wina ni ya rirhandzu ra n'wina; ahitivisile lesvaku mahaya mahlweni mihiyanakanya hi moya lowunene masiku hinkwawu, minavela kuhivona kufana ni lesvi na hina hinavelaka kumivona.

Timhaka 15:22

Hikokolaho vapostola ni vakulukumba, svin'we ni kereke hinkwayu, vatwanana kuhlawula vavanuna van'wana xikarhi ka vona, vavarhumela Antiyoka na Pawulo na Barnaba; kurhumiwa Yuda lweyi avaku i Barsaba, na Silasi, vavanuna lavochaviseka xikarhi ka vamakwavu Hosini.

Timhaka 15:2

Kambe Pawulo na Barnaba vahambana ngopfu na vona mhakeni leyi, vaphikizana na vona hi matimba; kutani valulamisa lesvaku Pawulo na Barnaba vataya Yerusalema ni van'wana va Antiyoka, kuyavutisa mhaka leyi ka vapostola ni ka vakulukumba.

Timhaka 11:1

Kambe vapostola ni vamakwavu Hosini lavayakeke Yudeya vatwa lesvaku vamatiko na vona vayamukele Rito ra Xikwembu.

Timhaka 8:14

Loko vapostola lava avali Yerusalema vatwa lesvaku Vasamariya vayamukelile rito ra Xikwembu, vavarhumela Petrosi na Yohani;

Timhaka 6:5

Marito wolawo mayamukeliwa hi nhlengeletanu hinkwayu; kutani vahlawula Stefano, wanuna lweyi ateleke hi kupfumela ni Moya Wokwetsima; vahlawula na Filipi, na Prokoro, na Nikanoro, na Timoni, na Parmena, na Nikolawu wa Antiyoka, munhu lweyi aarhange ayamukeliwa Xiyudeni.

Timhaka 11:19

Loko vali lava avahangalasiwile hi kuxanisiwa lokungahumelela nkameni wa kudlayiwa ka Stefano, vahundzela mahlweni kuyafika le Fenisiya, ni le Kipra, ni le Antiyoka, na vali karhi vajondzisa Rito ka Vayuda ntsena.

Timhaka 11:20

Kambe van'wana va vona, vanga vavanuna lavahumeke Kipra ni le Kirena, loko vafike le Antiyoka, vahlaya Rito ni le ka Vagirika, vavativisa Evhangeli ya Hosi Yesu.

Timhaka 11:26

Kuteloko amukumile, avuya na yena Antiyoka. Vahlengeletana ni kereke lembe hinkwaru, na vali karhi vajondzisa ntshungu lowukulu. Le Antiyoka, hi kona laha vajondzisiwa vangasungula kuvuliwa Vakriste kona.

Timhaka 11:27

Masikwini walawo, vaprofeta vangirimela hi le Yerusalema, vata Antiyoka.

Timhaka 18:22

Kuteloko afikile Khezariya, atlhantukela Yerusalema, axeweta kereke, kutani angirimela aya Antiyoka.

Vagalatiya 2:11

Kambe loko Petrosi atile le Antiyoka, nimukongomile, nimulaya hikuva aahoxile.