Timhaka 10:35 - Testamente Leyimpsha Xichangana

³⁵ kambe, matikweni hinkwawu, lweyi axichavaka avuya ayendla lesvilulameke, xamutsakela.

BIBELE Mahungu Lamanene

³⁵ kambe, ematikweni hinkwawo, loyi a xi chavaka a vuya a endla leswi lulameke, xa n'wi tsakela.

Xitsonga (Bibele)

³⁵ kambe exikarhi ka matiko hinkwawo, loyi a xi chavaka, a endla leswi lulameke, xa n'wi tsakela.

Timhaka 10:35 Referans Kwoze

1 Yohane 2:29

Loko misvitiva lesvaku yena i munene, masvitiva lesvaku mani na mani lweyi ayendlaka lesvolulama apsaliwa hi yena.

Timhaka 10:2

aali munhu wa vukhongeli, achava Xikwembu kun'we ni vamunti wa yena hinkwavu; aapfuna vanhu va tiko hi tinyiko letinyingi, angakarhali kukhongela Xikwembu.

Vakolosa 3:11

Laha aku na Mugirika ni Muyuda, aku na lweyi ayimbeke ni lweyi angayimbangiki, aku na munhu wa matiko ni munhu wa hava, aku na xikarawa ni mutshunxeki, kambe i Kriste lweyi anga hinkwasvu ka hinkwavu.

Timhaka 15:9

xikarhi ka hina na vona, axihlawulanga: Xibasisile timbilu ta vona, hikuva vapfumelile.

2 Vakorinto 7:1

Varhandziwa, svitshembiso lesvi svinyikiwile hina. Hikolaho, hifanele kutibasisa, hisusa chaka hinkwaru ra miri ni ra moya, hihetiseka vutowini lebzohlawuleka, na hili karhi hichava Xikwembu.

Vakolosa 1:6

leyifikeke ka n'wina kukota lesvi yifikeke matikweni hinkwawu; yikarhi yiveka mihandzu ni kukula, kukota lesvi yiyendlisaka xisvona ka n'wina, kusukela siku leri mitweke ni kutwisisa timpsalu ta Xikwembu hi ntiyiso wa tona.

Timhaka 9:31

Nkameni wolowo, kereke ayili ni kurhula tikweni hinkwaru ra Yudeya, ni ra Galileya, ni ra Samariya, na yili karhi yiyakisiwa ni kuhanya kuxiximeni ka Hosi; kutani ayihandza, yitiyisiwa hi Moya Wokwetsima.

Vaefesa 5:21

Titsongahateni, van'we ka van'wana, hikolaho ka xichavu lexi minga na xona ka Kriste.

Vaefesa 1:6

kuyendlela lesvaku hixidzunisa ni kuxitwalisa hi mhaka ya timpsalu ta xona, leti xihinyikeke ka N'wana wa xona lweyi arhandzekaka.

Vagalatiya 3:28

Hikolaho, aku na Muyuda kumbe Mugriki, aku na xikarawa kumbe mutshunxeki, aku na wanuna kumbe wansati, hikuva hinkwenu miwun'we ka Yesu Kriste.

1 Vakorinto 12:13

Hinkwerhu, hambi hili Vayuda kumbe Vagirika, svikarawa kumbe lavatifumaka, hihundzukile miri wun'we, hi kutsakamisiwa ka hina Moyeni wun'we; hinkwerhu hinyikiwile kunwa Moya wun'we ntsena.

Varhoma 3:22

Hi lesvaku Xikwembu xiyendla vanhu vava lavolulama hi kupfumela ka vona ka Yesu Kriste; xiyendla lesvi ka hinkwavu lavapfumelaka, hikuva aku na kuhambana:

Varhoma 2:13

Hikuva ahi vatwi va Nawu lavavoniwaka na vali lavalulameke mahlweni ka Xikwembu, kambe lavafambaka hi kulandza wona, hivona lavangatahlayiwa lesvaku valulamile.

Luka 1:28

Ntsumi yifika yiku ka yena: “Xeweni, wena lweyi angakuma timpsalu, Hosi yina wena.”

Vafilipiya 3:3

hikuva hi hina hingayamukela kuyimba ka xiviri, hina lava higandzelaka Xikwembu hi Moya wa xona, hina lavatidzunisaka ha Yesu Kriste, hingavekiki kutshemba ka hina ka lesviyendliwaka hi vanhu ntsena.

Timhaka 10:28

Aku ka vona: “Masvitiva svinene lesvaku svayila ka Muyuda kuyendzela munhu wa rixaka rin'wana kumbe kutshama na yena; kambe Xikwembu xinikombisile lesvaku ningatshuki nibzela munhu lesvaku wayila, kumbe angabasanga.

Varhoma 2:14

Loko vamatiko lavangaliki na Nawu, vayendla mayelanu ni kutumbuluka ka vona lesvi Nawu wuleletaka svona, vativekela nawu hi voxe, hambi loko vangali na Nawu.